Genesis 13:13 - Mawu a Mulluku

¹³ Athu a m'muzindammo yaari oonanara ni oochimwesesa vamiitthoni va Apwiya.

Genesis 13:13 Iomraidhean Croise

Genesis 10:9

Mookaviheriwa ni Apwiya olliyoolla aari oosaya. Ella sika ekaambiiwa athu ennallota mwambi wawi, “Mookaviheriwa ni Apwiya, weyaano ori oosaya wonanko Nimurodi.”

Genesis 15:16

Viviralle mibado sese edduullu ddawonnddo ddineerohokollowattho ekaamba yawi ngiwiikariha a Aamori ophiyera onanara wiwa ophiyalle variyari wi ellakiwe.”

Genesis 18:20

Sika Apwiya yaamulleella Abrahamu wi, “Vookhalla mullatu wawoopiha woohumullulla Sodomu ni Gomora nave nichimo niwa tti nuullupalli wunchichi.

Genesis 19:13

kaambiiwa hiyaano ninapaalla noononge nipuronna. Apwiya ahoona mullatu oyo athu ookhalla m'muzindanimmu eneeriiwa nave noorumiwa wi noononge muzindoolla.”

Genesis 38:7

Koma makhallello oonanara a Ere yahaashiha murima Apwiya, sika yaamwiipha.

Genesis 39:9

nave olamulello wa ddittheddene dda mpammu ori m'mattani mwaka, ohiri m'mattani mwaye. Khakiimanille erive ello opatula nyuwaanove vawi muri amwaariwa. Miyaano ngiwora weera ello yoonanara yawi ddiidda ni omuchimwella Mulluku.”

Genesis 6:11

Koma athu attheene a ellapo yavatthi yaari a echiwawa vamiitthoni va Mulluku nave ochimwa wiwa waari virive veko.

2 Mamwene 21:6

Vatulli viwa aamuvelleella mwanaye aamullopwana monga mukutho. Aanoombesa makhanga ni weera dda masenga ni okhwiri. Aheera ddoonanara ddinchichi vamiitthoni va Apwiya nnddo aashihalleeyena murima.

Yesaya 1:9

Apwiya Amasiva Mattheene yahinihiyalleke amoddahi ooyeva neerotthollowa wonanko Sodomu ni Gomora.

Yeremiya 23:14

Variyari va anamallotella o Yerusalemu kohoona ello yawoopihesesa, ennararuwa ni woottha. Navettho enaallipiha mirima athu oochimwa, wi ahikhallevo oohiya weera ddoonanara ddaye. Wa miyaano attheenaayo tti wonanko athu a o Sodomu ni Gomora.

Yeremiya 23:24

Ethiyo muthu ttuuwiipittha vootiitheya wi mi kihimoone? Ethiyo mi ngiri viriveveko, oddullu ni va ellapo yavatthi?

Numeri 32:23

Koma mwaaheera ddiiddo, mohaachimwella Apwiya nave dduwellani wi nichimo nanyu nineerewuuthwarani.

Mateyu 9:10

Yesu achaka mpa mwa Mateyu, ookhomiha misonkho anchichi ni athu amodda oochimwa yaaphiya navettho yaacha ni Yesu ni oohudderaaye.

Mateyu 9:13

Khaweni mwiiwesese ottaphullella wa mawu a Mulluku awi, ‘Kinapaalla echifundo ohiri mukuthove.’ Miyaano ngiwiille wi kiwiithane athu oolungama koma athu oochimwa.”

Yohane 9:24

Vano yaamwiithana wiilli muthoolle khalle aari oohoona ellota wi, “Llupella vamiitthoni va Mulluku, ninnadduwella wi muthu uuchirihalloolla tti oochimwa.”

Yohane 9:31

Ninnadduwella wi Mulluku khanawiiwellella athu oochimwa. Koma muthu mmodda aamullapellaka Mulluku nave aneera opaalla waye vano Mulluku annamwiiwellella.

Aroma 1:27

Emoddamoddave yeeyo allopwana yaahiya waapaalla atthiyana nave yaanakhalla ni minkhella va allopwana akhwiiwa. Allopwanaayo yaaneerellana ddoowulliha muru nave yaallakiwa moophwanella ddaweera ddiwa ddoonanarannddo.

Aheberi 4:13

Kheyiivo ello enavittheya vamiitthoni va Mulluku, ddeko ddittheddene ddinnakhalla vawooneya nave ddinnakhunuulliwa vamiitthoni vaye. Nave attheenehi ninaphwanella wi nimutthopoollelle mitteko ddahu.

2 Petro 2:10

Makamaka ayo enathwara minkhella ddiwa ddoonanara dda omuthu nave enavevulla olamulello wa Mulluku. Ahuddihi awoottha yaalla tti awiitukhulla ni awiiwa ddayiwave nave khenavelleella olemu wa ootitimiheya ooddullu koma enamullotella epewe.

Yuda 1:7

Muupuwelle Sodomu ni Gomora ni matawoni awaatamanana, nko athu yeerille ddoophwanaphwana ni nnddo yeerille angelwaalle. Athwaalla yaheera machimo ooraruwa ni machimo amodda oohiphwanella weeriwa ni muthu. Mulluku ahaallaka ni munllo woohimalla wi aachenjeze athu amodda.

1 Samuele 15:18

Nave Apwiya yahuurumani wi, ‘Khawe wawoononge Aamaleke, athu oonanara murimaalle nave wawanena ekhoto ophiyera waatthollosille attheene.’

1 Samuele 2:17

Sika ochimwa wa anamwani a Eli waari wuullupalli vamiitthoni va Apwiya vawi yaanavevulla mukutho wa Apwiya.