Genesis 13:11 - Mawu a Mulluku

¹¹ Sika Loti aatthoolla ntapo nittheene na Yordani, aya akhalla wookhuma nndduwa wa ntaponno. Mmu sika athu eellaalla yahiyanelliiwa.

Genesis 13:11 Iomraidhean Croise

Genesis 13:10

Vano Loti awehillewehille, ahoona wi ntapo nittheene na muhinje wa Yordani ophiyera o Zowari naakhalla ni maaddi manchichi. Ntaponno naari wonanko Edeni, emata ya Apwiya apaallettho wonanko ellapo ya Iguputo. Enthawi yeeyo Apwiya yaari ehinoononge mizinda dda Sodomu ni Gomora.

Genesis 13:12

Abramu aakhalla mu ellapo ya Kanani koma Loti aakeraattheya variyari va mizinda dda ntapo, atthipella musasaaye vakhuviru ni muzinda wa Sodomu.

Genesis 13:14

Loti atthaamille, Apwiya yaamulleella Abramu wi, “Tukhulla miitthwaawo nave owehesese ompoto, omwera, wookhuma nndduwa ni woovollowa nndduwa.

Genesis 13:9

Ethiyo ellapo ettheene kheri m'mattani mwawo? Hanko nihiyane, otthoolle embali ya ellapo eyo onapaalleewe. Watthoolla onnatta noonyottho, miyaano kinaaye onnattanatta nave watthoolla onnattanatta, miyaano kinaaye onnatta noonyottho.”

Genesis 19:17

Yaakhumihelle otte wa muzindooyo, mmodda mwa angelwaayo aallota wi, “Thamakani, muvulluse okumaanyu. Muhiwehe mutulli nave muhiimelle muntaponimmo. Thawellani omiyaangoni wi muhiiphiwe.”

Masalimo 119:63

Mi tti mukhwiiwa a oowoovani, athu oothwara malamulwaanyu.

Masalimo 16:3

Naaka dda athu aweella murima, ayo eri vatthimva tti ooriiheya! Alliwaayo ennakihakallalliha.

Miyambo 27:10

Ohimuhiye mukhwaawo nave mukhwiiwa a attiittho. Ohiyeeke wa mbalaawo wakhalla mu ddookatamiha. Mukhwaawo oyo oriiwena vakhuviru annamukhwaranya mbalaawo oyo ari woorekama.

Ezekiele 47:18

Malire a wookhuma nndduwa eweelle omwera ovenyera o Hazarenani variyari va Haurani ni Damasiko, othwara muhinje wa Yordani variyari va Giliyadi ni ellapo ya Israele oweha o enyanja ya wookhuma nndduwa ophiya o Tamara. Yeella enaakhalle embali ya wookhuma nndduwa.

Aheberi 10:25

Nihisoseke o mitthukumano ddahu ddoollapella wonanko mmo eneerella amoddaayo. Koma hankoni nillipihane mwiilli vawi munnadduwella wi nllapo na Apwiya nohaatamella.

1 Petro 2:17

Mumuvaheke olemu arive muthu, mwaakondeke ookhulupilila akhwiinyu, mumooveke Mulluku nave mumuvaheke olemu Kaisara.