Genesis 12:7 - Mawu a Mulluku

⁷ Vano Apwiya yaamooneyella Abramu emulleella wi, “Ellapo yeella kineerovaha edduullu ddawo.” Sika va nipuro nenno Abramu ahaamakella nikuwa Apwiya ayo yamooneyelle.

Genesis 12:7 Iomraidhean Croise

Genesis 12:8

Vatulli viwa aasusella o miyaango dda wookhuma nndduwa wa Betele nave aatthipella musasaaye variyari va Betele woovollowa nndduwa ni Ai wookhuma nndduwa. Wenkottho aamakawo nikuwa nave ahaallapella Apwiya.

Genesis 13:15

Kineerewuuvaha weyaano ni edduullu ddawo ellapo ettheene onooneeweeyo. Nave enaakhalle yaawoyaawo enthawi ddoohimalla.

Genesis 13:17

Vano timulla ni weetella ellapo ettheeneeyo vawi kineerewuuvaha.

Genesis 13:18

Sika vano Abramu aatthaamiha musasaaye, aya akhalla o miteekho dda muthundu dda o Mamure nnddo ddiri o Hebroni. Nave wenko ahaamakella Apwiya nikuwa.

Genesis 13:4

Sika aahokollweellattho onipuroni wulle khalle amakilleeyewo nikuwa nave aallapella nnddina na Apwiya.

Genesis 15:18

Nllapo nenno Apwiya yaapangana ni Abramu. Yaallota wi, “Kinimalonjeza wi kineeroddivaha edduullu ddawo ellapo ettheeneella ovenyera o muhinje wa o Iguputo ophiyera o muhinje muullupalli wa Yufurate.

Genesis 17:1

Abramu ari ni miyakha 99 Apwiya yaamooneyella emulleella wi, “Mi tti Mulluku Amasiva Mattheene. Vano wiiwellelleke enthawi ddittheddene nave ohichimweke

Genesis 17:3

Enthawi yeeyo Abramu aakokhora vatthi nave Mulluku aallota wi,

Genesis 17:8

Ellapo ella onakhalleewemo wonanko mulleto, kineerewuuvaha weyaano ni edduullu ddawo. Ellapo ettheene ya Kanani enaakhalle ya edduullu ddawo wa enthawi yoohimalla nave miyaano kineerokhalla Mullukwiiwa.”

Genesis 18:1

Apwiya yaamooneyella Abrahamu o miteekho dda muthundu dda o Mamure mvo Abrahamooyo akeraatthilleeye va mullako wa musasaaye enthawi yootthaana ovihalle.

Genesis 22:9

Ephiyalle onipuroni wulle Mulluku amulleelleeye, Abrahamu aamaka nikuwa nave aatthatta ekhuni vaddullu va nikuwanno. Enre ddiiddo ammaka mwanayoolle, amukonaatthiha vaddullu va ekhuninnddo.

Genesis 24:7

Apwiya Mulluku Muullupalli, aakikusa owanihu mu nibanja na attiitthaaka ni mu ellapo kayarelliweemimo nave aakilonjeza moollupella wi, ‘Ellapo ella kineerovaha edduullu ddawo.’ Apwiya eneeromuruma mungelwiiwa uuhoollelle nave wenko oneeromwaashera mutthiyana mwanaka.

Genesis 26:25

Sika Isaki aamaka nikuwa wenko nave ahaallapella Apwiya nave aamakattho musasaaye wenko. Navettho akaporwaaye yaakata ehime wenko.

Genesis 26:3

Khalla wuno wonanko mulleto nave miyaano kineerokhalla ni weyaano. Kineerewuudalisa voovelleellani ellapo ddittheddenenndda wa weyaano ni edduullu ddawo. Vawi kineerosunga ollupella nko kallupenlleemi ni attiittho Abrahamu.

Genesis 28:13

Nave Apwiya yahiimella vakhwipi ni olliye emulleella wi, “Mi tti Apwiya Mulluku a nikhollo nawo Abrahamu ni attiittho Isaki. Ellapo onakoneewemweella kineerewuuvaha weyaano ni edduullu ddawo.

Genesis 28:4

Uudalise weyaano ni edduullu ddawo moollikana ni mmo amudaliselleeye Abrahamu wi ekhalle yaawoyaawo ellapo eyo oneereewe okhallekemo, ellapo eyo amuvahilleeye Abrahamu.”

Genesis 32:30

Yakobo aallota wi, “Koomoona Mulluku vamiitthoni ni vamiitthoni nave kookhalla ni okumi.” Sika nipuronno aaniromolla Penuwele.

Genesis 33:20

Nave aamaka nikuwa vaavo, aniromolla wi Eli Elohe Israele, ottaphullella wi Mulluku tti Mulluku a Israele.

Genesis 35:12

Kineerewuuvaha ellapo eyo kamvahilleemi Abrahamu ni Isaki. Ellapo yeella kineeroyivahattho wa edduullu ddawo, weyaano wakhwa.”

Genesis 35:7

Aamaka nikuwa wenko nave nipuronna yaaniromolla Betele, ekaamba yawi wenko sika Mulluku adduupullullalleeye wa Yakobo enthawi amuthaweeye mwanamunne.

Genesis 50:24

Nave ahaalleella asinne wi, “Onnoonathi wi kiri vakhuviru okhwa koma Mulluku aneerokhalla ni weyaano nave aneerewuuhokollosella o ellapo allupenlleeye wa makhollwaanyu Abrahamu, Isaki ni Yakobo.”

Genesis 8:20

Enthawi yeeyo Nowa ahaamakella nikuwa Apwiya. Aakusavo orive mutundu wa enama ni epallame ddaweellihiwa nave aaddiipha, addivelleella mukutho wooshellelliha vanikuwanimvo.

2 Samuele 24:25

Nave Davide ahaamakella Apwiya nikuwa avelleella mikutho ddooshellelliha ni ddeeyaattano. Sika Apwiya yahiiwa oveka waye woovekella ellapo nave mullillooyo waamalla mu ellapo ettheene ya Israele.

1 Mamwene 18:32

Mallukwaayo aamakella nikuwa nowaallapellavo Apwiya. Vano aakata engalande waapheella nikuwanno. Wunnuwa wa engalandeeyo waari wonanko moovollowa mino misese dda maaddi.

1 Epilli 16:16

echipangano yakeraatthihalliiwa ni Abrahamu, lonjezo yallupenlliiwa wa Isaki,

1 Epilli 16:18

Yaallota wi, “Kineerewuuvaha ellapo ya Kanani, wi ekhalle yoohallanaawo.”

2 Epilli 20:11

Vano ngoonani, vatulli viwa enimaniikara mwiillaponi eyo mwanivahilleenyu wi ekhalle yoohallanaahu.

2 Epilli 20:7

Nyu Mullukwaahu, ethiyo khemwaawiikanre aneetthi amwiillaponimmu ehinaphiyemo Aisraele athwaanyu nave muyivaha wa edduullu dda Abrahamu mukhwiinyu wa enthawi yoohimalla?

Ezara 3:2

Vano aavenya Yeshuwa mwaana a Yozadaki ni allupa mukutho akhwaaye ni Zerubabele mwaana a Shealatiele ni abalaaye yaamba omakattho nikuwa na Mulluku a Aisraele wi evelleellekevo mikutho ddooshellelliha moollikana ni mmo ddilembelliwiiwa mu malamulo a Mose, muthu a Mulluku.

Eksodo 17:15

Nave Mose aamaka nikuwa aanivaha nnddina nawi, “Apwiya sika embenderaaka.”

Eksodo 24:4

Nave Mose aalemba mawu mattheene a Apwiya. Nave aavenya moopeha ohinase aamba omaka nikuwa museresere mwa mwaango. Nave ahiimesa malluku khumi ni meelli a malloko khumi ni meelli a Aisraele.

Eksodo 32:13

Muupuwelle oorumeyellaanyu, Abrahamu, Isaki ni Yakobo navettho nndde mwallupenlleenyu mu nnddina nanyu wi, ‘Kineerewuuvahani edduullu ddinchichi, ddawaata wonanko etheneeri dda oddullu. Edduullu ddaanyunnddo kineeroddivaha ellapo ettheene eyo kalonjezilleemi wi ekhalle yayiwa wa enthawi yoohimalla.’ ”

Eksodo 33:1

Vano Apwiya yaamulleella Mose wi, “Ovenyewo wuno ni athu ayo waakhumihalleewe o Iguputo nave oye o ellapo eyo kallupenlleemi wi kineeromuvaha Abrahamu, Isaki ni Yakobo voollotani wi, ‘Ellapo yeella kineeroyivaha wa edduullu ddanyu.’

Eksodo 6:3

Kahooneyella wa Abrahamu, wa Isaki ni wa Yakobo wonanko Mulluku Amasiva Mattheene koma ngaawaalleelle nnddina naka wi tti Apwiya.

Eksodo 6:4

Kaakeraatthihana echipangano waalonjeza wi kineerewaavaha ellapo ya Kanani, mmo yakhanlliiwamo khalle wonanko alleto.

Yeremiya 3:18

Mallapo yaayo nlloko na Yuda ottakanyiherana ni nlloko na Israele. Attheene vamodda eneerovenyera o ya ompoto oya o ellapo kaavahilleemi makhollwiiwa wi ekhalle yayiwayayiwa.”

Numeri 26:53

Waakawelle athu yaalla ellapo wi ekhalle wonanko yoohallaniiwa moollikana ni echiwerengerwiiwa.

Numeri 32:11

‘Ddawoona, khaavo naari mmodda mwa athu ookhuma mu Iguputo waambeella a miyakha 20 oya muhoollo oyo anaawoone ellapo eyo kallupenlleemi wi kineeromuvaha Abrahamu, Isaki ni Yakobo kaambiiwa kheyaakiiwellelle.

Mitteko 7:5

Mulluku khaamuvahille Abrahamu naari nipuro ning'onong'ono wi nikhalle naaye koma aamulonjeza wi aneeromuvaha ellapweeyo nave enaakhalle yaayeyaaye ni edduullu ddaye. Enthawi yeeyo Mulluku amulonjezilleeye, Abrahamu khaarina mwaana.

Aroma 9:8

Ella enattaphullella wi anamwani ooyariwa mwa omuthu khe anamwani a Mulluku koma anamwani ooyariwa mwa lonjezo na Mulluku sika edduulludduullu ddaye.

Agalatiya 3:16

Vano Mulluku aheera malonjezwaaye wa Abrahamu ni edduullu ddaye. Mawu a Mulluku voollotani wi, “Edduullu ddaye” khenattaphullella wi, “Athu anchichi” koma enattaphullella wi, “Edduullwaaye” ottaphullella wi, “Muthu mmoddave” nnddina naye Khrisitu.

Agalatiya 4:28

Vano nyuwaano asinnaka ni arokoraka tti anamwani a Mulluku ekaamba ya lonjezo naye, wonanko Isaki.

Deuteronomo 1:8

Ettheeneella sika ellapo eyo kinayivelleelleemi wa nyuwaano. Muvollowe ni waakha ellapo eyo mi Apwiya Mullukwaanyu kallupenlleemi wi kineerewaavaha makhollwaanyu, Abrahamu, Isaki ni Yakobo ni edduullu ddiwa ddittheddene.’ ”

Deuteronomo 30:20

mwaakonde Apwiya Mullukwaanyu mwiiwellelleke mawiiwa ni waawanddeellella alliwa wi nyuwaano ni edduullu ddanyu mukeraattheye mwiillaponi eyo yallupenlliiwa wa makhollwaanyu, Abrahamu, Isake ni Yakobo.”

Deuteronomo 34:4

Vano Apwiya yaamulleella Mose wi, “Ella sika ellapo elle kallupenlleemi wa Abrahamu, Isaki ni Yakobo wi kineerovaha edduullu ddiwa. Koowaakhullella wi woone koma ngiwaakhullella ovollowamo.”

Deuteronomo 6:10

“Apwiya Mullukwaanyu yallupenlliiwa wa makhollwaanyu, Abrahamu, Isaki ni Yakobo wi eneerewuuvahani nyuwaano ellapo ya mizinda dduullupalli ni ddeeyuuma nnddo nyuwaano mwahimakilleenyu.

Deuteronomo 9:5

Khe ekaamba ya echilungamwaanyu apaalle oreera wa murimaanyu wi muneerewaakha ellapwiiwa koma tti ekaamba yawi athwaayo tti oochimwa sika Apwiya enawiikarelliiwa navettho wi Apwiya tti oororomelleya va echipanganwiiwa eyo yallupenlliiwa wa makhollwaanyu Abrahamu, Isaki ni Yakobo.

Aheberi 11:13

Athu attheene yakhulupililallaalla yaakhwa ehinaakhelle ddeko nnddo Mulluku aalonjezilleeye. Koma yaaddoonella voorekama ni ohakallallana. Yahaakhullella wi yaari alleto a ellapo yavattheella.

Aheberi 11:8

Ekaamba ya echikhulupililo, Abrahamu aamwiiwellella Mulluku amwiithanilleeye wi aye o ellapo eyo amulonjezilleeye wi enaakhalle yaayeyaaye. Naari ahidduwenllewo nko anayeeye, ayaawove.

Yoswa 1:6

Khalla amasiva ni oollipa murima kaambiiwa oneerewaahoollella athu attheenaalla yaawaakhellaka ellapo eyo kallupellelleemi makhollwiiwa.

Yoswa 22:10

Vano ephiyalle o echigawo ya woovollowa nndduwa wa muhinje wa Yordani mu ellapo ya Kanani, Arubeni, Agadi ni hafu a nlloko na Amanase yaamakawo nikuwa nuullupalli vakhwipi va muhinjooyo.

Yoswa 8:30

Vano Yoswa ahaamakella Apwiya Mulluku a Aisraele nikuwa va mwaango wa Ebala.

Oweeruza 6:24

Vano Gideoni ahaamakella Apwiya nikuwa vanipuroni vaavo nave aavaha nnddina nawi, “Apwiya tti murendelle.” Ophiyera ollello nikuwanno nookhallawo o Ofura, muzinda wa athu a nlloko na Abiyezere.

1 Samuele 7:17

Eeddiiddo aanahokollowella o Rama vawi sika waari owaniwa. Wenkottho aanaweeruzawo Aisraele nave ahaamakellawo Apwiya nikuwa.