Genesis 12:3 - Mawu a Mulluku

³ Kineerewaadalisa attheene enuudalisa weyaano, koma kineeromutembelela arive muthu anuutembelela weyaano. Oweella mwa weyaano mitundu ddittheddene dda va ellapo yavatthi ddineerodalisiwa.”

Genesis 12:3 Iomraidhean Croise

Genesis 18:18

Edduullu ddaye ddinaakhalle mutundu muullupalli wa masiva. Nave mitundu ddittheddene dda va ellapo yavatthi ddineerodalisiwa oyeella mwa olliye.

Genesis 18:19

Koomutthoolla olliyoolla wi aalamule anaaye ni mabanjaaye amuhoollo wi yiiwellelleke mawaaka vaweerani ddaphaama ni ddoolungama. Yeera ddenndda, kineereweera ddittheddene kamulonjezilleemi.”

Genesis 22:18

Vawi weyaano wookiiwellella navettho mitundu ddittheddene dda va ellapo yavatthi ddineerodalisiwa oyeella mwa edduullu ddawo.’ ”

Genesis 24:35

Apwiya ahaadalisa wunchichi apwiyaaka nave aawunnuwiha wunchichi. Ahaavaha enkhosa ni epuri ni eng'ombe ddinchichi. Ahaavahattho siliva ni golide, akaporwiiwa aallopwana ni aatthiyana navettho ekamira ni abulu anchichi.

Genesis 25:11

Akhwille Abrahamu, Mulluku aamudalisa mwanaye Isaki oyo akhalla vakhuviru ni “Neetuutu a Ookumi Anakoona Miyaano.”

Genesis 26:29

wi khamuwa muneerella ddoonanara moollikana ni mmo nahiwerenlleehuni ddoonanara. Naaweerellani ddaphaama nave naawaakhullellani wi murowe mwamurendelle. Sika vano Apwiya ahuudalisani.”

Genesis 26:4

Kineerewuuvaha edduullu ddinchichi wonanko ddikhallelle etheneeri ddooddullu nave edduullu ddawonnddo kineeroddivaha ellapo ddittheddenenndda. Mitundu ddittheddene dda va ellapo yavatthi ddineerodalisiwa oyeella mwa edduullu ddawo.

Genesis 27:29

Athu yuurumeyelleke, mitundu dda athu dduukokhorelleke. Okhalle oolamulella variyari va abalaawo. Navettho edduullu dda amaayo dduukokhorelleke. Etembeleliwe attheene aawuutembelela weyaano nave edalisiwe attheene anuudalisa weyaano.”

Genesis 28:14

Edduullu ddawonnddo ddineerewaata wonanko nthupi na va ellapo yavatthi. Ddineeropallalleyella o ezigawo ddittheddene, woovollowa nndduwa, wookhuma nndduwa, ompoto ni omwera. Nave mitundu ddittheddene dda va ellapo yavatthi ddineerodalisiwa oyeella mwa weyaano ni edduullu ddawo.

Genesis 30:27

Labani aamulleella wi, “Kaakhullelle wi killote, ‘Miyaano vawoombesani koodduwella wi Apwiya aakidalisa ekaamba ya weyaano.

Genesis 30:30

Khalle mwaari ni eziweto ddooyeva koma vano ddohaata nave Apwiya ahuudalisani ekaamba ya miyaano. Sika vano kinaphwanella wi kipwathe nibanja naka.”

Genesis 39:5

Ovenyera enthawi eyo Yosefe aambilleeye owehera ddittheddene dda mpa mwa Potifarooyo, Apwiya yaadalisa ddittheddene dda mpa mwa Muiguputooyo vamoddattho ni dda omata ddaye ekaamba ya Yosefe.

Masalimo 72:17

Nnddina naye nihitiwalliwe naari vang'ono, epillaaye ekhallevove wonanko nndduwa. Athu yaakhelle madaliso ekaamba ya olliye, mitundu dda athu ddittheddene ddimweere oodala.

Eksodo 23:22

Koma mwamwiiwella olliyooyo ni weera ddittheddene kinaalloteemi, miyaano kineerewiitana ni adanaanyu nave kineerewaagonjiha attheene ayo enuuvaanyihekeni.

Numeri 24:9

Israele ahiitta akonaatthi vatthi wonanko mukango, waamullopwana apaalle waamutthiyana. Ethiyo anaamuvenyihe ttaani? Oodala tti muthu oyo anuudalise ootembeleliwa tti muthu oyo anuutembelele.”

Mateyu 25:40

“Mi, mwene, kineerewaakhulla wi, ‘Ddawoona, kinimuulleellani wi kaambiiwa mwaamweerella mmodda a aakhwaaka naari ang'onong'onwaalla, mwaakeerella yeeyo miyaano.’

Mateyu 25:45

Miyaano kineerewaakhulla wi, ‘Ddawoona, kinimuulleellani wi ekaamba yawi mwaakhoota omurumeyella mmodda a ang'onong'onwaalla mwaakhoota okirumeyella miyaano.’

Luka 24:27

Nave Yesu ahaatthopoollella dda ddittheddene ddalembiwe mu mawu a Mulluku ddayeekha, waamba malamulo a Mose ophiyera ddoolembiwa dda anamallotella attheene.

Aroma 4:11

Aphaddiwe wi ekhalle echizindikiro ya olungamihiwa ekaamba ya echikhulupililo eyo aariiyena ahinaphaddiwe. Yoolinga yaari yawi akhalle nikhollo na athu attheene oohiphaddiwa koma enamukhulupilila Mulluku nave awaakhullelliwa ni Mulluku wi tti oolungama.

1 Akorinto 1:30

Koma Mulluku sika awaattanihalleni ni Khrisitu Yesu nave oomweera Khrisitu wi akhalle ezeru ddahu. Vawi oweella mwa Yesu Mulluku ooneera oolungama, aweella ni oottaphulliwa.

Agalatiya 3:16

Vano Mulluku aheera malonjezwaaye wa Abrahamu ni edduullu ddaye. Mawu a Mulluku voollotani wi, “Edduullu ddaye” khenattaphullella wi, “Athu anchichi” koma enattaphullella wi, “Edduullwaaye” ottaphullella wi, “Muthu mmoddave” nnddina naye Khrisitu.

Agalatiya 3:28

Sika khawiivo ohiyana variyari va Ayuda ni athu ayo ehiri Ayuda, variyari va akaporo ni athu ehiri akaporo, variyari va allopwana ni atthiyana. Attheenenyu tti amoddamoddave mu eyaattano ya Khrisitu Yesu.

Agalatiya 3:8

Mawu a Mulluku yaallotella wi Mulluku aneeroweera oolungama athu ayo ehiri Ayuda oweella mu echikhulupililo. Sika Mulluku aamulleella Abrahamu wi, “Oweella mwa weyaano mitundu ddittheddene ddineerodalisiwa.”

Aefeso 1:3

Hankoni nimuthokoze Mulluku, Attiitthiiwa a Apwiihu Yesu Khrisitu! Vawi mu eyaattanweehu ni Khrisitu oonidalisa voonivahani ovenyera oddullu erive madaliso a Munepa.

Akolose 3:11

Ekaamba ya yeella, khuwaavo ohiyana variyari va Ayuda ni athu ayo ehiri Ayuda, oophaddiwa ni oohiphaddiwa, athu a ellapo ddimodda, athu oohihuddera, akaporo ni athu eyo ehiri akaporo nave Khrisitu sika ari oopaalleya, Khrisitu ari mwa attheene.

Yawuupullulla 7:9

Ddimallille ddenndda kahoona masomphenya a mulloko muullupalli wa athu ooheerengeya! Yavenyenre mu orive mutundu, nirive nlloko, erive ellapo ni erive ellotello nave yahiimella vamiitthoni va mpando woomwene ni mwaanaankhosa, ewanre ddoowara ddaweella nave ephareelle enthambi dda kanjeza m'mattani mwiwa.