Genesis 12:18 - Mawu a Mulluku

¹⁸ Sika Farao aamwiithana Abramu amukoha wi, “Ethiyo weyaano, okeerille tini? Kaambiiwa tini wahikilleelleewe wi olla tti mwaariyo?

Genesis 12:18 Iomraidhean Croise

Genesis 12:19

Kaambiiwa tini walloteewe wi tti murokoriyo ni okaakhullella wi kimutthelle? Mwaariyo olla, mukuse nave ovenyevo!”

Genesis 20:3

Vano mahiiyu mamodda Mulluku aamooneyella mwenooyo moolloha ni ollota wi, “Onimakhwathi kaambiiwa mutthiyana omukusalleewoolla tti ootthelliwa.”

Genesis 29:25

Osaka wene ohinase, Yakobo ahoona wi mutthiyanooyo tti Leya. Sika aamukoha Labani wi, “Kaambiiwa tini mukeerenlleenyu ddenndda? Ethiyo valle nguupharelleni mutteko wi kimutthelle Rakele? Kaambiiwa tini mukillenkeenyu?”

Genesis 3:13

Vano Apwiya yaamukoha mutthiyana wi, “Ethiyo weyaano, ella weerilleewe tti tini?” Mutthiyana ahaakhulla wi, “Enowa sika yakillekille wi kiche.”

Genesis 31:26

Labani aamukoha Yakobo wi, “Kaambiiwa tini okillekilleewe niwaakusa anaaka aatthiyana wonanko oophariwa okhotoni?

Genesis 4:10

Apwiya yaamukohattho wi, “Ethiyo weerille tini? Nikhame na mung'onong'onwaawo ninnakinllella miyaano ovenyera muthayani.

Genesis 44:15

Nave Yosefe aallota wi, “Mweerilleenywiilla tti tini? Ethiyo khamunadduwella wi muthu wonanko miyaano kinnoombesa ddamuhoollo?”

2 Samuele 3:24

Yowabu iiwalleeye ddennddo aaya wa amwene aakoha wi, “Nyu mwenreenywiilla tti tini? Abinere oophiyaphiyeene wuno moomwaakhullella wi aroweke? Ddiiddava oorowa?

Eksodo 32:21

Nave Mose aamukoha Aroni wi, “Ethiyo athwaalla yaweerille ddawiidde ophiyera weyaano wi waachimwihe mwawi ddiidda?”

Miyambo 21:1

Murima wa mwene tti wonanko muhinje wa maaddi m'mattani mwa Apwiya, ennawutthoonyihella nko enapaalliiwa.

Yoswa 7:19

Vano Yoswa aamulleella Akani wi, “We mwanaka, atitimihe Apwiya Mulluku a Aisraele nave waavahe olemu. Killeelle naanweene vaava nnddo weerilleewe. Ohivitthe wa miyaano.”

Oweeruza 2:2

Vano nyuwaano muhinapangana ni athu ookhalla mwiillaponimmu. Mukumulle makuwiiwa mattheene.’ Koma nyuwaano khamwiiwellelle lamulo naka. Ella mweerilleenyu tti tini?

1 Samuele 14:43

Saulo amulleella mwanaye wi, “Ngakilleelle weerelle tini?” Yonatani ahaalleella attiitthinnyaalle wi, “Kaallawiha vang'ono enwi yoorikella ni etthoka ya ekopwaaka. Vano miyaano kiri okhozeka wi kiiphiwe.”