Genesis 12:16 - Mawu a Mulluku

¹⁶ Ekaamba ya Sarai, Farao aamweerella ddaphaama Abramu voomuvahani enkhosa, epuri, eng'ombe, abulu, ekamira* vamoddattho ni akaporo aallopwana ni aatthiyana.

Genesis 12:16 Iomraidhean Croise

Genesis 13:2

Abramu aari mullupa eyuuma vawi aakhalla ni eziweto navettho siliva ni golide.

Genesis 13:6

Sika khewaari munyepu wookwakhwanella ochihella eziweto dda eellaayo vawi arive muthu aakhalla ni eziweto ddinchichi. Sika waari woohiworeya wi ekhallelle va nipuro nimodda.

Genesis 16:1

Sarai mwaara Abramu, khaamuyarelle Abramooyo anamwani. Koma Sarai aakhalla ni kaporo o Iguputo nnddina naye Hagara.

Genesis 20:14

Sika Abimeleki aamuhokollosella Sara wa Abrahamu nave enthawi yeeyo amuvaha enkhosa, eng'ombe ni akaporo aallopwana ni aatthiyana.

Genesis 24:35

Apwiya ahaadalisa wunchichi apwiyaaka nave aawunnuwiha wunchichi. Ahaavaha enkhosa ni epuri ni eng'ombe ddinchichi. Ahaavahattho siliva ni golide, akaporwiiwa aallopwana ni aatthiyana navettho ekamira ni abulu anchichi.

Genesis 26:14

Vawi aakhallana eziweto ddinchichi nave aakhallattho ni akaporo anchichi, Afilisti yaamukhallella ehache.

Genesis 30:43

Mwa ettilla yeella Yakobo aakhalla ni eyuuma yinchichi. Aakhalla ni eziweto ddinchichi, akaporo aallopwana ni aatthiyana, ekamira* ni abulu.

Genesis 32:5

Kookhallana ni eng'ombe, abulu, enkhosa ni epuri navettho akaporo aatthiyana ni aallopwana. Kinarumiha mawaalla wa nyuwaano apwiyaaka wi mukeerelle echifundo vookoonani miyaano.”

Yobu 1:3

Aakhalla ni enkhosa 7,000, ekamira* 3,000, eng'ombe ddamutteko 1,000, abulu aatthiyana 500 ni allupa mutteko anchichi. Sika aari muthu oolemelesesa waakhwaranya athu attheene a o ellapo dda wookhuma nndduwa.

Yobu 42:12

Apwiya yaamudalisa Yobu va mamallapwaaye oomallihella okhwaranya awaamba vawi aakhalla ni enkhosa 14,000, ekamira* 6,000, eng'ombe ddamutteko 2,000 ni abulu aatthiyana 1,000.

Luka 12:45

Koma mullupa muttekooyo allota m'murimani mwaye wi apwinnya emmaselliwawo, aamba owuukutha allupa mutteko akhwaaye, aallopwana ni aatthiyaneene navettho anacha, anawirya ni olezela,