Genesis 11:9 - Mawu a Mulluku

⁹ Sika muzindooyo waromolliwa wi Babiloni ekaamba yawi wenko Apwiya yaavirikaniha ellotello ya athu attheene. Nave ovenyera wenko yahaamwara athwaayo va ellapo yavatthi ettheene.

Genesis 11:9 Iomraidhean Croise

Genesis 10:10

Nimurodi aanalamulella o Babiloni, o Ereki ni o Akadi. Mamwene mattheenaalla yaari mu ellapo ya Babiloni.

Genesis 10:20

Alla sika anamwani a Hamu. Milloko ddiwa ddaari ddoohiyanahiyana navettho yakhalla mu ellapo ddoohiyanahiyana. Nirive nlloko nallota ellotello yayiwayayiwa.

Genesis 10:25

Ebere ahaayara anamwani aallopwana eelli, Pelegi (vawi va enthawaaye, athu a va ellapo yaakawaneya) nave mwanamunne aari Yokotani.

Genesis 10:5

Alla sika yaari makhollo a athu attheene ookhalla mukhwipi mwa enyanja. Alla sika anamwani a Yafeti. Mallokwiiwa yaari oohiyanahiyana navettho yakhalla mu ellapo ddoohiyanahiyana. Nirive nlloko nallota ellotello yayiwayayiwa.

Masalimo 55:9

Nyu Apwiya, virikanihani ollota wa adanaaka, vawi kinoona owukila ni ekhoto m'muzindanimmo.

Mitteko 17:26

Ovenyera mwa muthu mmodda aaphatusa mitundu ddittheddene dda athu wi ddikhalleke va ellapo yavatthi ettheene. Aari aganizalle khalle dda enthawi ya mitundunnddo ni m'makomelloni mwa mapurwiiwa.

1 Akorinto 14:23

Vano mpingo muttheene watthukumana vamodda nave arive muthu aamba ollota mu ellotello ddoohidduwanyeya nave athu oohikhulupilila apaalle athu amodda yavollowa, khellota wi nyuwaano tti allupaanepa?