Genesis 11:4 - Mawu a Mulluku

⁴ Vano yaallota wi, “Hankoni niimakelle weekhiihu muzinda ni nttattha noorekama ophiyera oddullu. Neera ddiiddo nineerovuwa wunchichi nave khanimwareyattho va ellapo yavatthi.”

Genesis 11:4 Iomraidhean Croise

Genesis 6:4

Va mallapo yaayo naari vatulli viwattho vaakhalla athu amasiva ni oorekama va ellapo yavatthi ayo yaari edduullu dda atthiyana alle yatthelliwe ni anamwani aallopwana a Mullukwaalle. Alliwaalla yaari anamwani oodduwelliwa navettho athu oovuwa va mallapo akhallaayo.

2 Samuele 8:13

Epilli ya Davide yaavuwa virive veko ahokolloweeye woowiipha Aedomu 18,000 o ntapo na Mwiinyu.

Masalimo 107:26

Esitima ddawellilliiwa muddullu ddikitthella woowallamella, athwaayo yaatathilla mirima ddiwa va ddookatamihannddo.

Masalimo 92:9

Vawi ngoonani adanaanyu, nyu Apwiya, adanaanyu eneerewoonongeya, attheene aweera ddoonanara eneeropallalleya.

Miyambo 10:7

Oolungama annadala vawuupuwelliwani koma nnddina na oonanara nineerewunta.

Yeremiya 51:53

Naari Babiloni iitukhulleve ophiyera oddullu, allipiha mattatthaaye, kineeromuruma awoononga wi amugonjihe. Mi Apwiya koollota.’ ”

Daniele 4:11

Muteekhooyo waavirellella wunnuwa mwamasiva. Etthokiiwa yaaphiya ooddullu ophiyera waanooneyella o ellapo yavatthi ettheene.

Daniele 4:22

Nyu amwene, muteekhooyo tti nyeene vawi mootthattuwa muullupalli ni amasiva. Ottekweenaanyu woophiya oddullu, omwenaanyu woophiya o malire mattheene a ellapo yavatthi.

Daniele 4:27

Nyu amwene, ekaamba ya yeella, thwarani malangizwaaka. Hiyani machimwaanyu, mweereke ddoolungama vooweerellani echifundo oohoowa wi apaalle enthawi ya murendellaanyu erekame.”

Daniele 4:30

Nave olliye aallota wi, “Olla khe Babiloni muullupalli kimumakilleemi wi akhalle enyumba yoomwene ni masivaaka muullupalli wooniha eyuuma ya omwenaaka?”

Luka 1:51

Oheera ddeko ddamasiva ni muwonwaaye, nave ohaapallallesa athu awiitukhulla m'murimani mwiwa.

Yohane 5:44

Nyuwaano munnatitimihana koma khamunaashaasha ntitimiho noovahiwa ni Mullukuve. Vano munaakhulupilile mwawiidde?

Deuteronomo 1:28

Ethiyo ninaaphwanye ellapo yawiidde wenko? Abalaahu naarumalleehwaalle yaaniriiryiha mwiilli wi athwaayo tti amasiva ni oorekama onikhwaranya hiyaano. Eniwattho mizinda ddiwa tti dduullupalli, dda mipanda ddoorekama. Navettho eniwa wenko yaawoonawo athu uullupalli ni oorekama, edduullu dda Anaki.’

Deuteronomo 4:27

Apwiya eneerewuumwarani variyari va mitundu ddimodda nave aweerengeyave mwa nyuwaano sika enaahalle variyari va mitundu ddimodda nko Apwiya enaawiikarelleniiwawo.

Deuteronomo 9:1

“Ngiiwani nyu Aisraele! Muhanlle vang'ono ollapuwa muhinje wa Yordani ni waakha ellapo ya mitundu dda athu anchichi ni amasiva wuukhwaranyani nyuwaano. Mizinda ddiwa tti dda mipanda ddoorekama.