Genesis 11:2 - Mawu a Mulluku

² Nave yatthaamilliiwa ovenyera wookhuma nndduwa, yaaphiya o ntapo na Babiloni nko yakeraattheyiiwa.

Genesis 11:2 Iomraidhean Croise

Genesis 10:10

Nimurodi aanalamulella o Babiloni, o Ereki ni o Akadi. Mamwene mattheenaalla yaari mu ellapo ya Babiloni.

Genesis 11:1

Vawaambawaamba athu attheene a va ellapo yavatthi yallota ellotello emoddave.

Genesis 11:9

Sika muzindooyo waromolliwa wi Babiloni ekaamba yawi wenko Apwiya yaavirikaniha ellotello ya athu attheene. Nave ovenyera wenko yahaamwara athwaayo va ellapo yavatthi ettheene.

Genesis 13:11

Sika Loti aatthoolla ntapo nittheene na Yordani, aya akhalla wookhuma nndduwa wa ntaponno. Mmu sika athu eellaalla yahiyanelliiwa.

Genesis 14:1

Va enthawi ya olamulello wa Amurafere mwene a o Babiloni, Ariyoki mwene a o Elasara, Kedori Laomere mwene a o Elamu ni Tidala mwene a o Goimu,

Yesaya 11:11

Nllapo nenno Apwiya eneerottaphurusa mattiiwa waneepiilli wi ewoopolle athwiiwa oohalla o Asiriya, o Iguputo, o Patirosi, o Kushi, o Elamu, o Babiloni, o Hamati ni va ezilumba dda mu enyanja.

Daniele 1:2

Apwiya yaamuvelleella m'mattani mwaye Yehoyakimu mwene a o Yuda vamodda ni ezipangizo ddimodda dda mu enyumba ya Mulluku. Nave aayaana o enyumba ya milluku ddaye o Babiloni addihiya mu ezipinda moosungellamo eyuuma.

Zekariya 5:11

“Enayaana o ellapo ya Babiloni wi yawumakelle enyumba yamallapello. Enyumbeeyo yamalla, mutaangooyo onaahiyiwe mwemmo va nipuro nayiwanayiwa.”