Genesis 1:1 - Mawu a Mulluku

¹ Vawaambawaamba Mulluku aaphatusa oddullu ni ellapo yavatthi.

Genesis 1:1 Iomraidhean Croise

2 Mamwene 19:15

nave aavekella wi, “Nyu Apwiya, Mulluku a Israele, munakhalla va mpandwaanyu woomwene va akerubi,* nyookhave tti Mulluku oolamulella moomwene mattheene a ellapo yavatthi. Mwaaphatusa ellapo yooddullu ni ellapo yavatthi.

1 Epilli 16:26

Milluku dda athu tti mafano, koma Apwiya yaaphatusa ddamuddullu.

2 Epilli 2:11

Vano Huramu, mwene a o Tiro aamwaakhulla Solomoni voomulembellani kalata wi, “Ekaamba yawi Apwiya ennaakonda athwiiwa yohuukeraatthiha wi okhalle mweniiwa.

Nehemiya 9:6

Nave Aisraele yaavekella wi, “Nyeeneve sika muri Apwiya. Mwaaphatusa oddullu ni etheneeri ddooddullu. Mwaaphatusa ellapo yavatthi ni enyanja ni ddittheddene ddiri mwemmo mwaaddivaha okumi. Ddittheddene ddooddullu ddinnuukokhorellani ddinuullapellani.

Yobu 26:13

Ni ovuma waye oddullu waheellihiwa, nnatta naye naahoma enowa yoothawa.

Yobu 38:4

Ethiyo waakhallavo katthipelleemi ellapo yavatthi? Killeelle waarimi ori oodduwellesesa ddeko.

Yobu 9:8

Mulluku yeekha ahaanddellella ddooddullu, olliye sika aneeta va mafunde a va enyanja.

Masalimo 102:25

vawaamba valle mwaaphatusa ellapo yavatthi, ddooddullu tti mitteko dda mattaanyu.

Masalimo 104:24

Nyu Apwiya, mitteko ddanyu tti ddinchichi, mwaaddipanga ddittheddene mweezeru, ellapo yavatthi yooddalla ni ddoophatusiwa ddanyu.

Masalimo 104:30

Mwarumiha munepa ddinnaphatusiwa, munnahokollosella mooneyello a ellapo yavatthi.

Masalimo 115:15

Yuudaliseni Apwiya, ayo yaphatusalle oddullu ni ellapo yavatthi.

Masalimo 121:2

Nikavihero naka ninavenyera wa Apwiya, ayo yaphatusalle oddullu ni ellapo yavatthi.

Masalimo 124:8

Nikavihero nahu ninavenyera wa Apwiya, ayo yaphatusalle oddullu ni ellapo yavatthi.

Masalimo 134:3

Apwiya yaphatusalle oddullu ni ellapo yavatthi, yuudalise ovenyera o Ziyoni.

Masalimo 136:5

Yaaphatusa ddooddullu ni ezeru ddiwa, echikondiiwa yoohisintheya tti ya enthawi yoohimalla.

Masalimo 146:6

oophatusa oddullu ni ellapo yavatthi, enyanja ni ddittheddene ddiri mwemmo. Ennasunga malonjezwiiwa enthawi ettheene,

Masalimo 33:6

Oddullu waaphatusiwa ni mawu a Apwiya, nndduwa, mweeri ni etheneeri ddaaphatusiwa ni mpweyiiwa.

Masalimo 33:9

Vawi alliwa yaallota nave ddaheereya, yaalamula nave ddahooneya.

Masalimo 8:3

Kaawehaka oddullu nko mwapangilleenyuwo, mweeri ni etheneeri mwaddiikaatthilleenyuwo

Masalimo 8:4

kinniikoha wi, “Muthu ttaani wi mumuupuwelleke? Muthu ttaani wi mumpwatheke?”

Masalimo 90:2

Miyaango ddihinakhallewo, muhinaphatuse ellapo yavatthi ni vookhalla athu, waambeella enthawi yoohimalla wa enthawi yoohimalla, nyu tti Mulluku.

Masalimo 96:5

Milluku dda athu tti mafano koma Apwiya yaaphatusa ddamuddullu.

Eksodo 20:11

Valle va mallapo matthanu ni nimodda Apwiya yaaphatusa oddullu, ellapo yavatthi, enyanja ni ddittheddene ddiri mwemmo koma va nllapo naneetthanu ni piilli ahiithuuwa. Sika ekaambiiwa Apwiya yadalisalliiwa nllapo na Sabata ni onipatula wi nikhalle naweella.

Eksodo 31:18

Apwiya emallihalle ollota ni Mose vamwaangoni wa Sinai, yaamwinnya malluku meelli a echipangano ayo Mulluku mwaneena alembilleeyevo khalle ni eyaallaaye.

Miyambo 16:4

Apwiya yaaphatusa erive ello wi ekhalle ni yoolingiiwa naari athu oonanara wi yoone nllapo na ddookatamiha.

Miyambo 3:19

Ni ezeru Apwiya yaaphatusa ellapo yavatthi nave ni wiiwesesa yaakeraatthiha oddullu.

Oollalleya 12:1

Sika omuupuwelleke Oophatusaawo mu mallapo eesombwaawo mallapo oonanara ehinaphiye, ddihinaphiyettho miyakha nnddo onaallotekeewe wi, “Okumi khonakihakallalliha.”

Yesaya 37:16

“Nyu Apwiya Amasiva Mattheene, Mulluku a Israele, munakhalla vampandwaanyu woomwene va akerubi,* nyookhave tti Mulluku oolamulella moomwene mattheene a ellapo yavatthi. Mwaaphatusa ellapo yooddullu ni ellapo yavatthi.

Yesaya 40:21

Ethiyo khamwaadduwella? Ethiyo khamwiiwalle? Ethiyo khamwaalleelliwe vawaamba apaalle khamwiiwesese ovenyera mvo etthipellelliwe ellapo yavatthi?

Yesaya 40:26

Tukhullellani miitthwaanyu muwehe muddullu! Ethiyo ttaani aphatusalle etheneeri munooneenyunndda? Olliye sika anaddihoollella wonanko mulloko wakhoto, erive etheneeri annayiithana nnddina niwa. Vawi ekophollo ni masivaaye tti dduullupalli, kheyiivo naari emodda enaramavo.”

Yesaya 40:28

Ethiyo khawaadduwella? Ethiyo khawiiwalle? Apwiya sika Mulluku oohimalla, oophatusa a ellapo yavatthi ettheene, khenatopa apaalle ofooka, khaavo aniiwesesa ezeru ddiwa.

Yesaya 42:5

Mulluku Apwiya aaphatusa ni waanddellella ddooddullu, aaphatusa ellapo yavatthi ni ddittheddene ddiri mwemmo, aavaha okumi ni mpweya wa athu ookhalla mwiillaponimmo. Olliye anallota wi,

Yesaya 44:24

Apwiya Oovullusaawo, ayo yuupangille m'mirimani mwa amaayo, enallota wi, “Mi tti Apwiya ayo yapangille ddeko ddittheddene, kaanddellelleemi ddooddullu, kaari meekha. Kaphatuseemi ellapo yavatthi ethiyo ookhallavo oyo akikaviherille?

Yesaya 45:18

Apwiya ayo yaphatusalle ddooddullu, Mulluku oyo oopille ni ophatusa ellapo yavatthi, ayikeraatthiha mwamasiva, khaayipangille wi muhikhalle ello koma wi ekhalle nipuro nookhallamo athu, enallota wi, “Mi sika Apwiya, khaavottho mmodda.

Yesaya 51:13

Ethiyo nyu ttaani wi mwaatiwalleke Apwiya, Oophatusaanyu ayo yaanddellellille ddooddullu, yakeraatthihalle matthipello a ellapo yavatthi? Ethiyo nyuwaano ttaani wi enthawi ddittheddene mooveke owalli wa athu awuuhoosani, ayo yoopaalliiwa tti owoonongani? Ethiyo vano owalli wa athu awuuhoosanaayo ori wuuwi?

Yesaya 51:16

Kaahiya mawaaka muwano mwanyu, kahuutetezani ni nnatta naka. Kahaanddellella ddooddullu, kaakeraatthiha matthipello a ellapo yavatthi. Kahaalleella athu a o Ziyoni wi, ‘Muri athwaaka.’ ”

Yesaya 65:17

Apwiya enallota wi, “Kinaphatusa oddullu wanaanweene ni ellapo yavatthi yanaanweene nave ddakhalle khaddiwa dduupuwelliwattho, ddineerotiwalliwa.

Yeremiya 10:12

Apwiya sika yaphatusalle ellapo yavatthi ni masiviiwa, yapangille ddittheddene ni ezeru ddiwa, yahaanddellella eddullu ni eruswiiwa.

Yeremiya 32:17

“Ha! Nyu Apwiya Mulluku! Nyu sika mwaphatusalle ellapo yavatthi ni eddullu ni masivaayu muullupalli ni muwonwaanyu weekophollo nave kheyiivo muhinaworeenyu weera.

Yeremiya 51:15

Apwiya sika yaphatusalle ellapo yavatthi ni masiviiwa, yaapanga ddittheddene ni ezeru ddiwa, mweeruso yahaanddellella eddullu.

Zekariya 12:1

Alla sika mawu a Apwiya oollota dda Israele. Apwiya sika yaanddellenlle eddullu ni okeraatthiha ellapo yavatthi navettho yaphatusalle mpweya woovaha okumi. Alliwa eni,

Mateyu 11:25

Enthawi yeeyo Yesu aallota wi, “Attiitthaaka, Apwiya ooddullu ni ellapo yavatthi, kinimuutitimihani kaambiiwa mwaavittha ddeko ddenndda wa athu oohuddera ni eezeru muupullulla wa athu oohihuddera.

Mariko 13:19

Kaambiiwa, ddoohoosa ddinaawe mallapo yaayo, ddinaakhalle ddawi khaddineereyeke ovenyera mvo Mulluku aphatusalleeye ellapo ophiyera ollello nave khaddiwa ddeereyattho ddoophwanaphwana ni ddenndda.

Mitteko 14:15

“Athu nyu muneerella tini ddenndda? Hiyaano tti athu wonanko nyuwaano! Niwiille wi nillalleye othenga waphaama, wawi nyuwaano muhiye milluku ddoohikhalla ni mutteko nave muwe wa Mulluku Ookumi, oyo aphatusalle oddullu, ellapo yavatthi, enyanja ni ddittheddene ddiri mwemmo.

Mitteko 17:24

Mulluku, oyo aphatusalle ellapo yavatthi ni ddeko ddittheddene ddiri mwemmo, sika tti Apwiya ooddullu ni ellapo yavatthi nave khanakhalla mu enyumba ddoollapellamo ddoomakiwa ni athu.

Mitteko 4:24

Ookhulupililaayo yiiwalliiwa, yaavekella ni murimiiwa muttheene moowiiwanana wa Mulluku wi, “Apwiya nyuwaano muri oophatusa oddullu, ellapo yavatthi, enyanja ni ddittheddene ddiri mwemmo!

Aroma 11:36

Vawi ddeko ddittheddene ddaaphatusiwe ni olliyooyo nave oyeella mwa olliyooyo navettho ekaamba ya olliyooyo. Ntitimiho nikhalle wa olliyooyo wa enthawi yoohimalla! Amen.

1 Akorinto 8:6

wa hiyaano arivo tti Mulluku mmodda. Olliyooyo tti Attiitthiihu, Oophatusa ddeko ddittheddene nave ninnakhalla ni okumi wi nimurumeyelleke. Nave erivo Apwiya amoddave, Yesu Khrisitu. Ddeko ddittheddene ddaaphatusiwa mwa olliye navettho mwa olliye ninnakhalla ni okumi.

Aefeso 3:9

nave owoonihella athu attheene mmo yoolinga yoovittheya ya Mulluku eneeriiwa yeereyelle. Mulluku oyo tti oophatusa ddeko ddittheddene aakhuwa yoovittheyaaye enthawi ettheene yakhalle,

Aheberi 1:10

Mawu a Mulluku eni, “Nyu Apwiya vawaamba valle mwaaphatusa ellapo yavatthi, ddooddullu tti mitteko dda mattaanyu.

Aheberi 1:2

Koma mu mallapo oomallihellaalla anallota wa hiyaano oweella mwa Mwanaye. Mwa olliyoolla Mulluku aaphatusa ellapo ni ddittheddene ddinakhalla mwemmo. Nave Mulluku aamutthoolla wi omamallihello wene ddeko ddittheddene ddikhalle ddaayeddaaye.

Aheberi 11:3

Ekaamba yawi nookhalla ni echikhulupililo, ninniwesesa wi ddeko ddittheddene dda va ellapo yavattheella ddaphatusiwe ni mawu a Mulluku, sika wi ddeko ninooneehu ddaphatusiwe ovenyera o ddeko ddoohooneya.

Aheberi 3:4

Erive enyumba, enamakiwa ni muthu mmodda koma Mulluku sika amakille ddeko ddittheddene.

2 Petro 3:5

Enatiwalla phudda ddawi khalle Mulluku mwawi malamula, aaphatusa oddullu ni ellapo yavatthi. Ellapo yavatthi yaaphatusiwa ovenyera omaaddini, mu ettilla ya maaddi,

1 Yohane 1:1

Ninuulembellani nyuwaano dda mawu oovaha okumi, ayo yaarivo waambeella vawaamba. Noowiiwa nave noowoona ni miitthwaahu. Ddawoona, noowoona nave mattaahu ahaattannya yaayo.

Yawuupullulla 10:6

nave allupella mu nnddina na Mulluku, oyo anakhalla enthawi yoohimalla, oyo aphatusalle oddullu, ellapo yavatthi ni enyanja owaaka ddeko ddittheddene ddiri mwemmo. Mungelooyo aallota wi, “Khaviwa vikhalla oselliwa!

Yawuupullulla 14:7

Aallota ni mawu oowella wi, “Mooveni Mulluku nave mutitimiheni vawi enthawi yawi eeruze yoophiya. Mullapelleni olliyooyo aphatusalle oddullu, ellapo yavatthi, enyanja ni aneetuutu!”

Yawuupullulla 21:6

Olliyooyo aallota wi, “Woomalla! Mi tti awaambeella ni oomallihella, waamba ni omalliha. Wa muthu ari ni nthona kineeromuvaha moohillivella wi awirye maaddi oovenyera va neetuutu amaaddi ookumi.

Yawuupullulla 22:13

Mi tti awaambeella ni oomallihella, waamba ni omalliha.”

Yawuupullulla 3:14

“Omulembelle oohoollella a mpingo wa o Laodikeya wi, “Alla sika mawu oovenyera wa muthu oyo aneeriwa Amen, oororomelleya ni mboni awoona oyo arittho awaamba a ddeko ddittheddene ddaphatusiwe ni Mulluku.

Yawuupullulla 4:11

“Apwiihu ni Mullukwaahu! Nyuwaano munnaphwanella waakhella ntitimiho, oriiheya ni masiva. Vawi tti nyuwaano mwaphatusalle ddeko ddittheddene, nave mwaapaalla wi ddittheddenennddo ddikhalle ni okumi.”