Filemoni 1:6 - Mawu a Mulluku

⁶ Nave kinnavekella wi eyaattanwaahu ni weyaano mu echikhulupililo ekhalle ya masiva sika wi oneerodduwella ddeko ddaphaama ddittheddene nnddo ddiri mwa hiyaano oweella mwa Khrisitu.

Filemoni 1:6 Iomraidhean Croise

Mateyu 25:16

Mullupa mutteko aakhenlle makobiri matthanoolle aaya eetellana malonda, aapindulavo makobiri matthanu mamodda.

Mateyu 5:16

Emoddamoddave yeeyo owala wanyu wooneyeke vamiitthoni va athu wi vawoonani mitteko ddanyu ddaphaama yaatitimihe Attiitthaanyu ooddullu.

1 Akorinto 14:25

Dda m'murimani mwanyu ddineerewuupullulliwa nave ekokhora omullapella Mulluku waakhullella wi, “Ddawoona Mulluku ari variyari vanyu!”

1 Akorinto 16:9

Vawi wuno mullako wookihulleyella miyaano wa mutteko muullupalli ni woopaalleya naari oovaanyihana eriwo anchichi.

Afilipi 4:8

Asinnaka ni arokoraka, voomallihella muhiyeke murimaanyu va erive ello eri yaphaama ni yoolemu. Sika ddeko ddawoona, ddoovahiwana olemu, ddaweella, ddooreera ni ddookondiwa.

Akolose 1:9

Ekaamba ya yeella ninnuuvekellani enthawi ddittheddene, waambeella niiwalleehu dda nyuwaano. Ninamuveka Mulluku wi aweeriheni wi muddalle ni odduwella wa opaalla waye, oweella mwa ezeru ddittheddene ni wiiwesesa ottheene nnddo Munepa anavaheeye.

Akolose 3:10

nave moowara makhallello anaanweene. Nyuwaano tti anaanweene, ayo Mulluku oophatusa, anavirellella wuupotokosani mwanaanweene mu maphwanaphwaniho a yeekhaaye wi mumudduwellesese olliyooyo.

Tito 3:14

Athwaahu ehuddere wiivelleella va mitteko ddaphaama vookaviherani va ddoopaalleya wi ehikhalleke oohimma ezipaso.

Aheberi 6:10

Vawi Mulluku tti oolungama, khatiwalla mitteko mwaphanreenyu apaalle echikondi munooniheenyu vawaarumeyellani athwaaye.

Yakobo 2:14

Asinnaka ni arokoraka, yoophuravo tti tini, muthu allota wi, “Kookhalla ni echikhulupililo,” koma ahinna mitteko. Ethiyo echikhulupililo yeeyo ttuuwora omuvullusa?

Yakobo 2:17

Mwawi ddiiddattho, echikhulupililo yoohikhalla ni mitteko, tti yookhwa.

1 Petro 2:12

Makhallellwaanyu variyari va athu oohimullapella Mulluku enaphwanella ekhalleke aphaama. Yaawiipakani mullatu wi nyuwaano tti aweera ddoonanara, yoone ddaweera ddanyu ddaphaama wi emutitimihe Mulluku va nllapo na owa waye.

1 Petro 3:1

Emoddamoddave yeeyo atthiyananyu munaphwanella mwaavaheke olemu amamuninyu wi makhallellwaanyu eweerihe ayo ehiniiwellella mawu a Mulluku okhulupilila. Khophwanellattho wa nyuwaano wi mullote mawu,

1 Petro 3:16

Nave mweere yeella mwawiithaallella ni moolemu. Khallani ni yawuupusella murima yaphaama wi mwaallotelliwaka epewe, ayo enallota ddoonanara dda makhallellwaanyu aphaama oomuttakihera Khrisitu, ewulliwe muru ekaamba ya ddoollota ddiwannddo.

2 Petro 1:8

Nave mwakhallana makhallello yaalla nave yaanjerereya mwa nyuwaano vano waadduwella wanyu Apwiya Yesu Khrisitu oneerophara mutteko nave oneerewiima ezipaso.