Filemoni 1:21 - Mawu a Mulluku

²¹ Kinnakhulupilila wi oneerokiiwellella nave kinalemba yeella wa weyaano voodduwellani wi oneereweera naari ohiyana ni mommu kinallotelleemi.

Filemoni 1:21 Iomraidhean Croise

Aroma 2:19

nave munnasimikiza wi nyuwaano tti oohoollella a oohoona navettho tti owala wa ayo eri mwiipiphini,

2 Akorinto 2:3

Ella sika ekaambiiwa kalembilleemi kalata wa nyuwaano. Ngaapanlle owa wa nyuwaano wi kivoriihiwe murima ni nyuwaano, athu ayo yaphwanenlle okihakallalliha. Vawi kinnadduwella wi miyaano kahakallalla sika attheenenyuttho moohakallalla.

2 Akorinto 7:16

Kinnahakallalla wi kinnuuroromellani mu erive ello.

2 Akorinto 8:22

Vano ninamurumiha mwanamunnihu mmodda vamodda ni alliwaayo. Noomweesa olliyooyo enthawi ddinchichi nave nohoona wi annakhalla ni ntthitti nookavihera. Nave vawi annaroromella wunchichi mwa nyuwaano, ookhalla ni ntthitti nuullupalli nawi akavihere.

Agalatiya 5:10

Nave miyaano kinnuukhulupililani mwa Apwiya wi khamukhalla ni maganizo ohiyana ni aaka navettho wi muthu oyo anawaapheellihani muru, khaya ttaani, aneerollakiwa ni Mulluku.

2 Atesalonika 3:4

Nave Apwiya ennanisimikizella wi munneera nnddo ninuulleelleehuni navettho muneerovirellella weera ddenndda.