Eksodo 9:6 - Mawu a Mulluku

⁶ Sika osaka wene Apwiya yaheera moollikana ni mmo yallotelliiwa nave eziweto ddittheddene dda Aiguputo ddaakhwa. Koma kheyaarivo naari echiweto emodda ya Aisraele yakhwille.

Eksodo 9:6 Iomraidhean Croise

Masalimo 78:48

Ahiipha eng'ombe ddiwa ni marallalla, enkhosa ddiwa ni ettari.

Masalimo 78:50

Ahaakhullella onanariwa woohiivaanya, khaawaavullusalle wuukhwaani koma aavelleella okumiiwa omillillini.

Eksodo 12:12

“Mahiiyu yaayo miyaano kineerovira mwiillaponi ya Iguputo nave variyari va Aiguputwaayo kineerowiipha anamwani aallopwana awaamba a athu ni a eziweto. Kineerollaka milluku ddittheddene dda Iguputo vawi mi tti Apwiya.

Eksodo 12:29

Variyari va mahiiyu, Apwiya yaawiipha anamwani attheene aallopwana awaamba mu ellapo ya Iguputo. Yamwaambille mwaana aamullopwana awaamba a Farao oyo aphwanella ovollowa omwenaaye, ophiyera mwaana aamullopwana a mukaidi a mu enyumba dda mwiipiphini dda mu endende. Mwaana aamullopwana awaamba a eziweto ahiiphiwattho.

Eksodo 8:22

Va nllapo nenno, kineerohiyaniha ellapo ya Gosheni yookhallamo athwaaka, mwawi yeeyove khekhalla ni miikaanga wi weyaano odduwelle wi mi Apwiya kiri mu ellapo yeella.

Eksodo 9:25

Marallallaayo yahoononga ddittheddene ddahisungiwe mpa mu ellapo ya Iguputo ettheene, athu attheene ni enama ddene. Yahoonongattho ddoomella ddittheddene navettho etthalla miteekho ddittheddene.

Eksodo 9:26

Marallallaayo kheyaamorellewo o ellapo ya Gosheni, nko wakhalla Aisraele.

Eksodo 9:4

Koma eneerohiyaniha variyari va eziweto dda Aisraele ni dda Aiguputo. Sika kheyiivo naari echiweto emodda ya Aisraele enaakhwe.

Eksodo 9:5

Apwiya aakhoza osiisello wi ekhalle enthawi yaweera ddenndda mwiillaponimmu.’ ”