Eksodo 9:34 - Mawu a Mulluku

³⁴ Koma Farao oonille wi murimu, marallalla ni ogugudeya wa murimu ddoohiya, aachimwattho wiilli nave ahummihave murima, olliye ni enduna ddayenndde.

Eksodo 9:34 Iomraidhean Croise

2 Epilli 28:22

Va enthawi ya ddookatamiha ddaye, Ahazi aavirellella ohiroromelleya wa Apwiya.

2 Epilli 33:23

Vano olliye khiiyevihalle vamiitthoni va Apwiya wonanko Manase ttiitthinnya iiyevihelleeye nave aari oochimwa wunchichi waakhwaranya attiitthinnya.

2 Epilli 36:13

Zedekiya aamuwukilattho mwene Nebukadinezara oyo amullupellihalle vamiitthoni va Apwiya wi aneeromwiiwellella. Koma olliye ahummiha murimaaye ahirukunuwella wa Apwiya Mulluku a Israele.

Eksodo 4:21

Apwiya yaamulleellattho Mose wi, “Mvo onahokollweelleewe o Iguputo, weere vamiitthoni va Farao ezizindikiro ddoottikhiniha ddittheddene nnddo kuuvahilleemi masiva aweerella. Koma kineeromummiha murima nave khaakhullella wi athwaaka evenyemo.

Eksodo 7:14

Vano Apwiya yaamulleella Mose wi, “Farao tti awumma murima wunchichi vawi animakhoota owaakhullella athwaaka wi evenyewo.

Eksodo 8:15

Farao oonille wi ddohaamba okhalla phaama, ahummiha murimaaye nave aakhoota omwiiwellella Mose ni Aroni moollikana ni mmo Apwiya yallotelliiwa.

Eksodo 9:33

Mose aavenyawo wa Farao wulle, akhuma m'muzindanimmo nave aavekella wa Apwiya. Vano ogugudeya wa murimu wulle ni marallallaalle ddaahiya navettho murimu aamwara.

Eksodo 9:35

Sika Farao ahummihave murima nave khaawaakhullelle Aisraele wi evenyewo moollikana ni mmo Apwiya yamulleellelliiwa oweella mwa Mose.

Oollalleya 8:11

Aweeruza yaasellihaka omullaka muthu oochimwa, athu amodda ennallipa murima enapaalla weera ddoonanara.

1 Samuele 6:6

Muhinakhalla awumma murima wonanko Aiguputo ni mweniiwa Farao. Ethiyo Aiguputwaayo Apwiya yaallakille kheyaawaakhullelle Aisraele wi eroweke nave kheyaarowille?