Eksodo 9:3 - Mawu a Mulluku

³ Apwiya eneerewuullakani ni ereta yawoopiha va eziweto ddawo wonanko akavalo, abulu, ekamira,* eng'ombe, enkhosa ni epuri.

Eksodo 9:3 Iomraidhean Croise

Genesis 47:17

Sika yaawaana eziweto ddiwa monga akavalo, enkhosa, epuri, eng'ombe ni abulu wa Yosefe, yaakakhaniha ni ddoocha. Muyakha yooyo Yosefe aawinnya ddoocha athwaayo mwawaakakhaniha ni eziweto ddiwannddo.

Masalimo 39:10

Kivenyihelleni muwashullo, kookokhowa ekaamba ya okiwashulla wanyu.

Eksodo 5:3

Vano alliwa yaamulleella wi, “Mulluku a Aheberi aakumana ni hiyaano. Vano ninimuuvekani munaakhullelle wi niye voolendoni wookwakhwana mallapo mararu muchipululuni wi navelleelle mukutho wa Apwiya Mullukwaahu. Naahiyaawo aneeroniipha ni ereta apaalle ekhoto.”

Eksodo 7:4

Faraooyo khawiiwellellani. Vano kineeromullaka Iguputo vaweerani mitteko dda masiva nave kineerewaahoollella malloko a athwaaka, Aisraele, waakhumiha o Iguputo.

Eksodo 8:19

Sika amasengaalle yaamulleella Farao wi, “Ddenndda eerille tti Mulluku.” Koma Farao ahummihave murima nave aakhoota owiiwellella Mose ni Aroni moollikana ni mmo Apwiya yallotelliiwa.

Amosi 4:10

“Kahuurumihellani millilli ddoophwanaphwana ni dda o Iguputo, kaawiipha asombwaanyu ni nsupada okhotoni, kahaavelleella akavalwaanyu wa adanaanyu, kaawunkhihani mitembo ovenyera o misasa ddanyu ddakhoto komave khamwaahokollweelle wa miyaano. Mi Apwiya koollota.”

Mitteko 13:11

Vano Apwiya eneerewuullaka weyaano nave oneerokhalla oohoona sika khawoona nndduwa wa mwaneenthawi.” Enthawi yeeyo m'mwiitthoni mwa Elamasi mwaawa epiphi nave aamba owaasha athu awi emuhoollelleke.

1 Samuele 6:9

Vano muniweheke nigaretanno nakusa musewu wa owaniwa ophiya o Beteshemeshi sika wi tti Apwiya a Aisraele yaniwiihelle ddookatamiha. Koma ddaaheereya ddiiddo nineerodduwella wi khehiyo alliwa yanillaka, waarimoona okhalla otullaahu.”