Eksodo 9:27 - Mawu a Mulluku

²⁷ Vano Farao aamwiithana Mose ni Aroni aalleella wi, “Ddawoona koochimwa. Apwiya tti ookhoza koma miyaano ni athwaaka, attheene niri oochimwa.

Eksodo 9:27 Iomraidhean Croise

2 Samuele 12:13

Davide aallota wa Natani wi, “Kohaachimwella Apwiya.” Natani aallota wi, “Apwiya ahuukhululukellani machimwaanyu, khamukhwa.

2 Epilli 12:6

Nave oohoollella a Israele ni mwene yahiiyeviha ellota wi, “Apwiya tti oolungama.”

Masalimo 129:4

Koma Apwiya tti oolungama, aaphadda mikwe dda athu oonanara.”

Masalimo 145:17

Apwiya tti oolungama mu ettilla ddiwa ddittheddene, tti eechifundo mu ddaweera ddiwa ddittheddene.

Masalimo 9:16

Apwiya aadduupullulla weekhiiwa vaweeruzani moolungama. Athu oonanara aamakiwa mu musampha wooreya weekhiiwa.

Eksodo 10:16

Vano Farao aamwiithana Mose ni Aroni mwawaakuva aalleella wi, “Kohaachimwella Apwiya Mullukwaanyu nave kohuulakwellanittho.

Eksodo 10:17

Koma vano pepaani, mukikhululukelle va enthawi yeellave nave muvekelle wa Apwiya Mullukwaanyu wi ekivenyihelle ollaka wawoopihanngu.”

Eksodo 8:25

Vano Farao aamwiithana Mose ni Aroni aalleella wi, “Khaweni mwavelleelle mukutho wa Mullukwaanyu mwiillaponi mwemmu.”

Eksodo 8:8

Vano Farao aamwiithana Mose ni Aroni aalleella wi, “Vekellani wa Apwiya wi ekivenyiherevo anaphullwaalla miyaano ni athwaakaalla nave kineerewaakhullella athwaanyu wi eye yaaheraatthelle mukutho.”

Maliro 1:18

Vaavo Apwiya aheera phaama, ekaamba yawi miyaano kaawukila malamulwiiwa. Ngiiwani, nyu athu a mitundu ddittheddene, ngoonani ohoowa waka. Anamwallaaka ni asombwaaka aapharelliwa wuukaporoni.

Daniele 9:14

Nyu Apwiya Mullukwaahu, ekaamba ya yeella mwaakhozekella onimorihella otulli yoolla nave woonimorella. Nyu Apwiya Mullukwaahu, muri oolungama va ddittheddene mweerilleenyu komave hiyaano khaniiwellenlle mawaanyu.

Numeri 21:7

Vano athu yaawa wa Mose emulleella wi, “Pepaani naachimwa voowiinyullullani Apwiya ni nyuwaano. Muvekelle wa Apwiya wi enivenyihellevo enowanndda.” Sika Mose ahaavekellella athwaayo.

Numeri 22:34

Balamu aamwaakhulla mungelo wi, “Koochimwa. Ngaadduwella wi munakiwallella ettilla. Ekaamba ya yeella, ddaarimi dduunanarilleni, kineerohokollowa.”

Mateyu 27:4

Nave aallota wi, “Koochimwa miyaano voomuvelleellani muthu oohichimwa wi iiphiwe!” Yaamwaakhulla wi, “Khaninna mutteko ni ddennddo hiyaano. Oddoonelle weekhaawo.”

Aroma 2:5

Koma ekaamba ya wumma murima wanyu ni ohipaalla orukunuwa murima, Mulluku aneerewuullakani wunchichi va nllapo nno aneereeye uupullulle osha murima waye ni echiweruzwaaye yeechilungamo.

Aroma 3:19

Vano ninnadduwella wi erive ello m'malamuloni mmo enallota dda ayo enalamuliwa ni malamulwaayo wi athu ehikhalle ni mawu oothawellavo nave wi ellapo yavatthi ettheene yeeruziwe ni Mulluku.

Yoswa 7:20

Akani aamwaakhulla Yoswa wi, “Ddawoona miyaano kohaachimwella Apwiya Mulluku a Aisraele nave nndda sika keerilleemi.

1 Samuele 15:24

Saulo aamulleella Samuele wi, “Koochimwa, ngaawiiwellelle Apwiya ni nyuwaano vawi kawoova athu ni owiiwellella alliwaayo.

1 Samuele 15:30

Vano Saulo aallota wi, “Mi koochimwa komave mukivahe olemu vamiitthoni va owaahoollella athwaaka ni vamiitthoni va Aisraele attheene nave mwaarowaka nithaanane wi kaallapelle Apwiya Mullukwaanyu.”

1 Samuele 26:21

Vano Saulo aallota wi, “Koochimwa. Hokollowa mwanaka Davide vawi ngiweerella erive ello yoonanara vawi okumaaka tti woopaalleya wunchichi wa weyaano. Keerilleeminndda tti ddookarangeya nave koochimwa wunchichi.”