Eksodo 9:23 - Mawu a Mulluku

²³ Mose aatthoonyihella ekopwaaye oddullu. Nave Apwiya yaarumiha ogugudeya wa murimu ni marallalla nave ettari ddaamora muthaani. Sika Apwiya yaamoriha marallalla va ellapo ya Iguputo.

Eksodo 9:23 Iomraidhean Croise

Genesis 19:24

Vano Apwiya yaamoriha munllo wa sulufure va Sodomu ni Gomora ovenyera oddullu.

Yobu 37:13

Annavumiha murimu wi ahellelle ellapo wi anillake hiyaano apaalle wi anoonihelle echikondaaye.

Masalimo 147:17

ennamoriha marallalla wonanko malluku. Ethiyo ttaani anaawore ovillella oriirya wiwa?

Masalimo 148:8

nyu munllo ni marallalla, nyu nakhuttu ni mirapo, nyu ephevo ddawoopiha ddawiiwellella malamulwiiwa,

Masalimo 18:13

Apwiya yaagugudeya ovenyera oddullu, Mulluku Amasiva Mattheene mawaaye yahiiweya.

Masalimo 29:3

Mawu a Apwiya enniiweya vaddullu va enyanja, Mulluku ootitimiheya annagugudeya wonanko murimu, mawaaye enniiweya va enyanja yoowallamella.

Masalimo 77:18

Onyakulla wa ogugudeya wanyu wahiiweya otthewene, ettari ddanyu ddaawaliha ellapo ettheene, ellapo yavatthi yaatthukumella nave yaatikheya.

Eksodo 19:16

Omurotovo ophiyalle, ohinase, waakhalla ogugudeya wa murimu ni ettari vamwaangonimvo. Waakhallattho murapo woottika ni winlla wooruma wa nipallapata. Athu attheene m'misasanimmo yaatthukumella mwawoova.

Eksodo 20:18

Athu attheene yaaniiwa ogugudeya wa murimu ni winlla wa nipallapata, nngu yoonaka ettari ni mwiisi vamwaangonimvo nave yaanoova enatthukumella, yiimellille voorekamella

Eksodo 9:18

Vano ngiiwani, osiisello enthawi yawi ddiidda, kineeromoriha marallalla awoopiha ayo ehinamorekevo ovenyera ephatuwello ya Iguputo.

Eksodo 9:24

Nave waakhalla marallalla ni ettari ddoosherima wunchichi. Marallalleene yaari awoopiha ayo ehinamorekevo ovenyera ephatuwello ya ellapo ya Iguputo.

Yesaya 30:30

Apwiya eneerovuwiha mawiiwa awoopiha nave athu eneerewoona nnatta niwa nikitthaka va alliwa ni owalli wawoopiha ni mallumi amunllo wawoononga variyari va ettari, namondwe ni marallalla.

Ezekiele 38:22

Kineeromullaka ni mullilli owaaka okhwa. Kineeromumorihella olliye, akhotwaaye ni va mitundu ddittheddene dda athu enuukavihera, murimu, marallalla, munllo ni sulufure.

Yoswa 10:11

Yaathawiiwa Aisraelaayo vookitthani mwaango wa Betehoroni ophiya o Azeka, Apwiya yaamoriha malluku a marallalla va alliwaayo ovenyera oddullu nave yaawiipha. Awiiphiwa ni marallalla yaari anchichi waakhwaranya awiiphiwa ni Aisraele.

Yawuupullulla 16:18

Waakhalla ettari, onyakulla ni ogugudeya wa murimu navettho echivomerezi yawoopiha. Waambeella ephatusello ya athu a va ellapo yavatthi khavineereyeke echivomerezi yawi ddiiddo, ella yaari echivomerezi yawoopihesesa ohiyana ni erive echivomerezi!

Yawuupullulla 16:21

Marallalla muullupalli, nimodda noollemella makilogaramu 50, yahaamorella athu ovenyera oddullu. Nave athu yaamullotella epewe Mulluku kaambiiwa mullillooyo waari wawoopiha.

Yawuupullulla 8:7

Mungelo awaamba ahoopa nipallapata naye. Nave marallalla ni munllo ddoottakanyiheriwa ni nikhame ddaavokhelliwa va ellapo yavatthi. Emodda mwa ezigawo ddiraru dda va ellapo yavatthi yahoosiwa navettho emodda mwa ezigawo ddiraru dda miteekho ni munyepu muttheene ddahoosiwa.