Eksodo 9:22 - Mawu a Mulluku

²² Vano Apwiya yaamulleella Mose wi, “Tukhulla nnatta nawo oddullu nave marallalla eneeromora va athu, va enama ni va ddoomella ddittheddene mu ellapo ettheene ya Iguputo.”

Eksodo 9:22 Iomraidhean Croise

Eksodo 10:21

Vano Apwiya yaamulleella Mose wi, “Tukhullella nnatta nawo muddullu wi vikhalle epiphi yawoopiha wunchichi va ellapo ettheene ya Iguputo.”

Eksodo 7:19

Apwiya yaamulamulattho Mose wi, “Mulleelle Aroni wi, ‘Kusa ekopwaawo, oyitthoonyihelle omaaddini mattheene a mu Iguputommu wonanko mihinje, mitthipidda, matokwi ni mathiyeene. Nave maaddi a mwiillaponi mutthemwene eneerotthattuwa nikhame nave mwiillaponi mutthemwenemmo munaakhalle nikhameve naari ni muddoorikellamo maaddi ddene, dda miteekho ni dda malluku.’ ”

Eksodo 8:16

Vano Apwiya yaamulamula Mose wi, “Mulleelle Aroni akuse ekopwaaye nave awashullena vatthi wi nthupi nittheene nitthattuwe ethupo mwiillaponi ettheene ya Iguputo.”

Eksodo 8:5

Apwiya yaamulleellattho Mose wi, “Mulleelle Aroni wi, ‘Tthoonyiha ekopwaawo omihinjeni, omitthipiddani ni omatokwini wi anaphullu ekhume va ellapo ettheene ya Iguputo.’ ”

Eksodo 9:21

Koma enduna ddimodda kheddaapwathille mawu a Apwiya nave yaarimoona waahiya akaporwiiwa vaatte ni eziweto ddiwa ddene.

Yoswa 10:11

Yaathawiiwa Aisraelaayo vookitthani mwaango wa Betehoroni ophiya o Azeka, Apwiya yaamoriha malluku a marallalla va alliwaayo ovenyera oddullu nave yaawiipha. Awiiphiwa ni marallalla yaari anchichi waakhwaranya awiiphiwa ni Aisraele.

Yawuupullulla 16:21

Marallalla muullupalli, nimodda noollemella makilogaramu 50, yahaamorella athu ovenyera oddullu. Nave athu yaamullotella epewe Mulluku kaambiiwa mullillooyo waari wawoopiha.