Eksodo 9:15 - Mawu a Mulluku

¹⁵ Katukhullalleke nnatta naka wi kuullakena weyaano ni athwaawo, ddaano mutthollowille.

Eksodo 9:15 Iomraidhean Croise

2 Samuele 7:23

Ethiyo tti athu aavi va ellapo yavatthi enaphwanaphwana ni athwaanyu Aisraele ayo mwaavullusalleenyu wi ekhalle aanyu? Mwahaavullusa ovenyera o Iguputo ni milluku ddaye nave mwaheera ddeko dduullupalli ddawoopiha voowiikarihani mitundu ddimodda vamiitthoni viwa. Mmu sika mwavuwihelleenyu nnddina nanyu.

1 Mamwene 13:34

Nenna naari nichimo nuullupalli va nibanja na Yerobowamu. Sika ekaambiiwa nibanja naye noonongeyeliiwa ni otthollosiwa va ellapo yavatthi.

2 Mamwene 17:36

Koma mukillapelleke mi Apwiya oyo kuukhumihalleni o Iguputo ni masivaaka muullupalli ni muwonwaaka wamasiva. Mukooveke mi Apwiya nave muvelleelleke mukutho wa meeneve.

2 Mamwene 19:35

Sika mahiiyu yaayo mungelo a Apwiya aaya o misasa ddakhoto dda Aasiriya awiiphawo akhoto 185,000. Ohinase athu yaawoona akhoto attheenaayo ekhwille, eri millumillu!

Eksodo 14:28

Nave maaddaayo yaakumanella, emirya magaretaalle ni oowella va akavalwaayo, mulloko muttheene wa akhoto a Farao olle waathwara Aisraele. Khaarivo naari mmodda avulluwalle.

Eksodo 3:20

Sika miyaano kineerophariha mutteko masivaaka nave kineeromullaka Iguputo ni ddoottikhiniha nnddo kinaaweereemi wenko. Ddennddo ddeereya, aneerowaakhullellani wi muvenyewo.

Eksodo 9:14

Vawi kineerorumiha millilli ddaka ddittheddene wa weyaano, wa enduna ddawo ni wa athwaawo wi odduwelle wi khaavo mmodda oophwanaphwana ni miyaano va ellapo yavatthi ettheene.

Eksodo 9:16

Koma kohuusungani ni okumi wi koonihe masivaaka ni ovuwiha epillaaka mu ellapo yavatthi ettheene.

Eksodo 9:3

Apwiya eneerewuullakani ni ereta yawoopiha va eziweto ddawo wonanko akavalo, abulu, ekamira,* eng'ombe, enkhosa ni epuri.

Eksodo 9:6

Sika osaka wene Apwiya yaheera moollikana ni mmo yallotelliiwa nave eziweto ddittheddene dda Aiguputo ddaakhwa. Koma kheyaarivo naari echiweto emodda ya Aisraele yakhwille.

Miyambo 2:22

Koma athu oonanara eneerovenyihiwa va ellapo yavatthi. Oochimwa aneerewaakhumihamo mwiillaponimmo.