Eksodo 8:6 - Mawu a Mulluku

⁶ Sika Aroni aatthoonyihella ekopwaaye vamaaddini nave anaphullu yaakhuma eddalla ellapo ettheeneeyo.

Eksodo 8:6 Iomraidhean Croise

2 Samuele 7:22

Ddawoona, nyuwaano tti muullupalli, Apwiya Mulluku Amasiva Mattheene, moollikana ni nnddo niiwalleehu khaavo ari oophwanaphwana ni nyuwaano nave khaavo Mulluku mmodda koma nyeeneve.

2 Epilli 6:14

Aavekella wi, “Nyu Apwiya Mulluku a Israele, khaavo Mulluku oophwanaphwana ni nyuwaano, oddullu apaalle va ellapo yavatthi. Munnasunga echipangano ni wooniha echikondi yoohisintheya wa oorumeyellaanyu ayo eneeta vamiitthoni vanyu ni murimiiwa muttheene

Masalimo 105:30

Ellapwiiwa yaaddalla ni anaphullu naari ezipinda dda enyumba yamwene.

Masalimo 78:45

Ahaarumihella miikaanga nnddo ddaahoosille, anaphullu ayo yaatthollosille

Masalimo 86:8

Nyu Apwiya, variyari va milluku, khaavo naari mmodda anaphwanaphwana ni nyuwaano, khaddiivo mitteko ddinaphwanaphwana ni mitteko ddanyu.

Masalimo 90:2

Miyaango ddihinakhallewo, muhinaphatuse ellapo yavatthi ni vookhalla athu, waambeella enthawi yoohimalla wa enthawi yoohimalla, nyu tti Mulluku.

Eksodo 10:2

wi nyuwaano mwaalleelleke aniinyu ni edduullu ddanyu dda mmo kaweerelleemi ekuku Aiguputo vaweerani ddoottikhiniha variyari viwa. Sika attheenenyu muneerodduwella wi mi tti Apwiya.”

Eksodo 15:11

“Nyu Apwiya, ethiyo vookhalla mulluku mmodda oophwanaphwana ni nyuwaano? Ttaani ari wonanko nyuwaano, ootitimiheya ekaamba ya weella wanyu? Ttaani ari wonanko nyuwaano vaweerani mitteko dda masiva ni ddoottikhiniha?

Eksodo 7:19

Apwiya yaamulamulattho Mose wi, “Mulleelle Aroni wi, ‘Kusa ekopwaawo, oyitthoonyihelle omaaddini mattheene a mu Iguputommu wonanko mihinje, mitthipidda, matokwi ni mathiyeene. Nave maaddi a mwiillaponi mutthemwene eneerotthattuwa nikhame nave mwiillaponi mutthemwenemmo munaakhalle nikhameve naari ni muddoorikellamo maaddi ddene, dda miteekho ni dda malluku.’ ”

Eksodo 9:14

Vawi kineerorumiha millilli ddaka ddittheddene wa weyaano, wa enduna ddawo ni wa athwaawo wi odduwelle wi khaavo mmodda oophwanaphwana ni miyaano va ellapo yavatthi ettheene.

Eksodo 9:29

Mose aamwaakhulla wi, “Kakhumave m'muzindanimmu, kineerovekella wa Apwiya. Nave ogugudeya wa murimu ni marallalla ddineerohiya wi mudduwelle wi ellapo yavatthi ettheene tti ya Apwiya.

Yesaya 43:10

Nyu Aisraele, muri ambonaaka, muri oorumeyellaaka ayo kuutthoollilleemini wi mukidduwelle ni okiroromella, mwiiwesese wi meekhave sika Mulluku. Kihinakhallewo khavaari mulluku mmodda, vatulli vaka khaviwa vikhallattho mmodda.

Levitiko 11:12

Ddittheddene ddookhalla m'maaddini ddoohikhalla ni miiwa ddoosambilella ni makarumbasa tti ddooripihiwa wa nyuwaano.

Deuteronomo 32:31

Vawi naari adaniiwa ennadduwellattho wi milluku ddiwa kheddinallikana ni Mulluku a Israele.

Deuteronomo 33:26

We Yeshuruni, khaavo oollikana ni Mulluku, oyo aneeta ni ntitimiho muddullu, oyo anawella vamiraponi wi uukavihere.

Deuteronomo 4:35

Apwiya yaawoonihani ddenndda wi nyuwaano mudduwelle wi Apwiyave sika Mulluku nave wi khaavottho mmodda.

Yawuupullulla 16:13

Kahoona minepa ddoonanara ddiraru ddawooneya wonanko anaphullu; mmodda akhumaka muwano mwa enowa yuullupalli, mmodda muwano mwa enama yuullupalli yawoopiha ni mmodda muwano mwa namallotella awoottha.