Eksodo 8:20 - Mawu a Mulluku

²⁰ Vano Apwiya yaamulleella Mose wi, “Osiisello ohinase, oye wakumane ni Farao ayaaka omuhinjeni nave wamulleelle wi, ‘Apwiya enallota wi, owaakhullelle athwaaka wi evenyewo wi eye yakillapelle.

Eksodo 8:20 Iomraidhean Croise

Masalimo 105:31

Yaallota nave waakhuma engwillihi ddinchichi, ethupo ddaavollowa mu ellapwiiwa ettheene.

Masalimo 78:45

Ahaarumihella miikaanga nnddo ddaahoosille, anaphullu ayo yaatthollosille

Eksodo 2:5

Enthawi emodda, mwaana aamutthiyana a Farao aaya omuhinjeninko wi ahape nave akaporwaaye aatthiyana yeeta mukhwipi mwa muhinje mulle. Vano olliye ahoona mutaangoolle mupangonimmo, amuruma kaporo mmodda wi awukuse.

Eksodo 3:18

Mulluku aavirellella ollota wi, “Eneerewiiwa nnddo oneereewe waalleelle. Sika weyaano ni oohoollella a Aisraelaayo muye wa mwene a o Iguputo nave mwamulleelle wi, ‘Apwiya Mulluku a Aheberi aakumana ni hiyaano. Vano ninimuuvekani munaakhullelle wi niye voolendoni wookwakhwana mallapo mararu muchipululuni wi navelleelle mukutho wa Apwiya Mullukwaahu.’

Eksodo 4:23

Vano kinimuulleella wi omwaakhullelle mwanaka aamullopwana awaamba avenyemo wi aye akillapelle miyaano. Koma wakhoota omwaakhullella wi avenyemo, miyaano kineeromwiipha mwanawo aamullopwana awaamba.”

Eksodo 5:1

Vatulli viwa Mose ni Aroni yaaya wa Farao emulleella wi, “Apwiya Mulluku a Israele, enallota wi, ‘Owaakhullelle athwaaka eye o echipululu wi yeere ehakallallo yookillapella miyaano.’ ”

Eksodo 5:3

Vano alliwa yaamulleella wi, “Mulluku a Aheberi aakumana ni hiyaano. Vano ninimuuvekani munaakhullelle wi niye voolendoni wookwakhwana mallapo mararu muchipululuni wi navelleelle mukutho wa Apwiya Mullukwaahu. Naahiyaawo aneeroniipha ni ereta apaalle ekhoto.”

Eksodo 7:15

Oyeewo ohinase wakumanena ayaaka omuhinjeni wa Nailo. Wamutiyerelle vakhwipi va muhinjooyo. Navettho okuse ekopo yatthattuwalle enoweelle.”

Eksodo 8:1

Vatulli viwa Apwiya yaamulamula Mose wi, “Khawe wa Farao wamulleelle wi Apwiya enallota wi, ‘Owaakhullelle athwaaka wi evenyewo eye yakillapelle.

Eksodo 8:21

Waahiwaakhullella athwaaka wi evenyewo, kineerorumiha miikaanga wa weyaano, enduna ddawo, athwaawo ni mpa mwawo. Mpa mutthemwene mwa Aiguputo naarittho virive veko enakhalliiwa vineeroddalla engwillihive.

Eksodo 9:13

Vano Apwiya yaamulleella Mose wi, “Osiisello ohinase oye wakumane ni Farao, wamulleelle wi, ‘Apwiya Mulluku a Aheberi, enallota wi owaakhullelle athwaaka evenyewo wi eye yakillapelle.