Eksodo 8:18 - Mawu a Mulluku

¹⁸ Amasengaalle yaheeseesatho weera masengiiwa wi naalliwaattho etthattuse ethupo koma yaalephela. Nave ethuponnddo ddaamwareyella va athu ni enama ddene.

Eksodo 8:18 Iomraidhean Croise

Genesis 41:8

Osaka wene ohinase ekhovaaye yaamora wunchichi wawi aawiithaniha amasenga attheene ni athu attheene eezeru a o Iguputo. Attheenaayo ewiille, Farao ahaatthopoollella ddoolloha ddayennddo koma khaavo naari mmodda aworille ottaphullella.

Eksodo 10:23

Aiguputwaayo kheyaaworattho woonana nave khaarivo naari muthu mmodda asusalle vamullakoni vaye wa mallapo mararu mattheenaayo. Koma nko wakhalla Aisraele khawaari epiphi.

Eksodo 7:11

Vano Farao aawiithana athwaaye eezeru ni amasenga. Nave alliwaayo yaheerattho emoddamoddave yeeyo mwa masengiiwa.

Eksodo 7:12

Yaaddivokhellattho vatthi ekopo ddiwa nave ddaatthattuwa enowa. Koma enowa ya Aroneeyo yaaddimirya enowa ddiwannddo.

Eksodo 8:7

Koma amasengaalle naalliwattho yaheera ddennddo mwa masengiiwa nave anaphullu yaawa mwiillaponi.

Eksodo 9:11

Amasengaalle kheyaaworillettho ophiyera vamiitthoni va Mose ekaamba yawi alliwattho yaari etthukuve, moollikana ni mmo yakhallelliiwa Aiguputo attheene.

Yesaya 19:12

We Farao, eezerwaawo eri wuuwi? Ewe wuno mwawaakuva wi odduwelle nnddo Apwiya Amasiva Mattheene esimikizalliiwa ddoomuhumullulla Iguputo.

Daniele 4:7

Sika yaawa amasenga, awoombesa, oollotella ddamuhoollo ni oottaphullella olloha nave kahaatthopoollella koma kheyaawonre okittaphullella ollohanngu.

Daniele 5:8

Sika eezeru attheene a mwene yaawa koma kheyaawonre weerenga apaalle omuttaphullella ddoolembiwannddo.

Luka 10:18

Vano Yesu ahaalleella wi, “Kaamoona Satana amoraka wonanko ettari ovenyera oddullu.