Eksodo 7:4 - Mawu a Mulluku

⁴ Faraooyo khawiiwellellani. Vano kineeromullaka Iguputo vaweerani mitteko dda masiva nave kineerewaahoollella malloko a athwaaka, Aisraele, waakhumiha o Iguputo.

Eksodo 7:4 Iomraidhean Croise

Eksodo 10:1

Vano Apwiya yaamulleella Mose wi, “Oye wa Farao. Kohummiha murima wa Farao ni wa enduna ddaye wi kiwoonihe ddoottikhiniha ddittheddenenndda variyari viwa

Eksodo 11:9

Apwiya yaamulleella Mose wi, “Farao khawiiwellella weyaano wi miyaano keere ddoottikhiniha ddinchichi mu ellapo ya Iguputo.”

Eksodo 12:51

Sika nllapo nno Apwiya yaakhumihalliiwa Aisraele o Iguputo m'millokoni mwiwa.

Eksodo 13:3

Vano Mose ahaalleella athu wi, “Muupuwelleke nllapo nno mwakhumalleenyu o Iguputo, mu ellapo ya okaporo kaambiiwa Apwiya yahuukhumihani ni nnatta niwa namasiva. Muhiche erive ello yookhalla ni yisiti.

Eksodo 13:9

Ehakallallo yeella enaakhalle wonanko echizindikiro yoomakiwa va nnatta nanyu apaalle yawuupusella yoomakiwa vayuuchini vanyu wi malamulo a Apwiya khewa evenyaka vayanoni vanyu kaambiiwa olliye ahuukhumihani o Iguputo ni nnatta naye namasiva.

Eksodo 18:8

Nave Mose aamutthopoollella ddittheddene nndde Apwiya yamweerelliiwa Farao ni Aiguputo ekaamba ya Aisraelaayo. Aamutthopoollellattho dda ddookatamiha nnddo yakumananiiwana muttilla ni ddittheddene nnddo Apwiya yeerilliiwa wi yaavulluse.

Eksodo 3:19

Koma kinnadduwella wi mwene a o Iguputooyo khawaakhullellani wi muvenyewo ophiyera kimuwatihere.

Eksodo 3:20

Sika miyaano kineerophariha mutteko masivaaka nave kineeromullaka Iguputo ni ddoottikhiniha nnddo kinaaweereemi wenko. Ddennddo ddeereya, aneerowaakhullellani wi muvenyewo.

Eksodo 6:1

Koma Apwiya yaamulleella Mosooyo wi, “Vano oneerewoona nnddo kinaamweerelleemi Farao. Kineeromuwatihera ni nnatta naka namasiva wi aakhumihe athwaaka. Navettho aneerowiikariha mwiillaponi mwaye.”

Eksodo 6:26

Mose ni Aroni tti alle Apwiya yaalleelliiwa wi, “Akhumiheni Aisraele mu ellapo ya Iguputo, mallokomalloko.”

Eksodo 6:6

Sika weyaano waalleelle Aisraele mawaaka awi, ‘Mi tti Apwiya. Nave kineerewuukhumihani mu okaporo m'mattani mwa Aiguputo nave kineerewuuvullusani o mutteko wa kalavulagaga. Nave kineerowoopollani ni nnatta naka namasiva ni ollaka wawoopiha.

Eksodo 7:13

Farao ahummave murima nave khaapwathille nnddo yamulleelliiwa moollikana ni mmo Apwiya yallotelliiwa.

Eksodo 7:16

Wamulleelle wi, “Apwiya Mulluku a Aheberi, ookiruma wa nyuwaano wi kuulleelleni mawu awi, ‘Owaakhullelle athwaaka wi evenyewo wi eye yakillapelle ochipululuni.’ Koma ophiyera ollello khokiiwellelleve.

Eksodo 8:15

Farao oonille wi ddohaamba okhalla phaama, ahummiha murimaaye nave aakhoota omwiiwellella Mose ni Aroni moollikana ni mmo Apwiya yallotelliiwa.

Eksodo 8:19

Sika amasengaalle yaamulleella Farao wi, “Ddenndda eerille tti Mulluku.” Koma Farao ahummihave murima nave aakhoota owiiwellella Mose ni Aroni moollikana ni mmo Apwiya yallotelliiwa.

Eksodo 9:12

Koma Apwiya yaamummihave murima Farao sika khaawiiwellelle Mose ni Aroni moollikana ni mmo Apwiya yallotelliiwa.

Eksodo 9:3

Apwiya eneerewuullakani ni ereta yawoopiha va eziweto ddawo wonanko akavalo, abulu, ekamira,* eng'ombe, enkhosa ni epuri.

Miyambo 19:29

Tti ddookhozekella khalle wi mullatu waamorelle athu oovevulla nave muwashullo omuwashulla ookarangeya.

Yesaya 26:9

Murimaaka onnawuupuwellani mahiiyu mattheene, munepaaka muwarimmu onnawaashaashani. Nyu mwaaweeruzaka ellapo yavatthi, attheene ookhallamo ennahuddera echilungamo.

Maliro 3:3

Ddawoona, aakuukutha ni nnatta niwa, aheera ddenndda moohihiyerera nllapo nittheene.

Ezekiele 14:21

Mi Apwiya Mulluku kinallota wi, “Oneerokhalla ddawoopihesesa kamoriha va Yerusalemu ekhoto, ettalla, enama ddawoopiha ni mullilli wi kiwoononge athu ni enama.

Ezekiele 25:11

Amowabu kineerewaallakattho. Vano eneerodduwella wi mi tti Apwiya.’ ”

Ezekiele 30:14

Muzinda wa Patirosi kineerowutthattusa echipululu, muzinda wa Zowani kineerowushellelliha ni muzinda wa Thebesi kineerowullaka.

Ezekiele 30:19

Mmu sika kinaamullakelleemi Iguputo nave aneerodduwella wi mi tti Apwiya.”

Yawuupullulla 15:4

Athu attheene eneerowoovani nyu Apwiya, khaavo anaakhoote otitimiha nnddina nanyu, vawi nyuwaano tti aweella. Athu a mitundu ddittheddene eneeroowa ni wuullapellani nyuwaano, kaambiiwa mitteko ddanyu ddoolungama ddohooniwa wa athu attheene.”

Yawuupullulla 16:7

Vano kahiiwa mawu oovenyera va nikuwa na mukutho ellotaka wi, “Apwiya Mulluku Amasiva Mattheene! Ddaweeruza ddanyu tti ddawoona ni ddoolungama!”

Yawuupullulla 19:2

Echiweruzwaaye tti yawoona ni yoolungama! Aamweeruza hule oovuwa oyo aripihalle ellapo yavatthi ni oraruwa waye. Mulluku oomullaka kaambiiwa aawiipha oorumeyellaaye.”

Oweeruza 2:15

Yaya okhotoni, Apwiya yaanaawukila alliwaayo moollikana ni mmo yallotelliiwa ni mmo yallupellelliiwa. Sika Aisraelaayo yaahoowa wunchichi.