Eksodo 7:3 - Mawu a Mulluku

³ Komathi kineeromummiha murima nave naari keereve ddoottikhiniha ni ezizindikiro ddinchichi o Iguputo,

Eksodo 7:3 Iomraidhean Croise

Nehemiya 9:10

Mwaheera ezizindikiro ni ddoottikhiniha ddoomuvaanyihana Farao, allupa muttekwaaye ni athu attheene a mwiillaponi mwaye vawi mwaadduwella mmo aahooselleeye makhollwaahu. Sika ekaambiiwa epillaanyu evuwalliiwa ophiyera ollello.

Masalimo 135:9

Tti alliwa yamoonihelle Farao ni oorumeyellaaye attheene ezizindikiro ddamasiva ni ddoottikhiniha mu Iguputo.

Masalimo 78:12

Mulluku aheera ddoottikhiniha ddaye makhollwiiwa yoonaka, mu ellapo ya Iguputo, o echigawo ya Zowani.

Eksodo 11:10

Sika Mose ni Aroni yaheera ddoottikhiniha ddittheddenendda vamiitthoni va Farao. Koma Apwiya yaamummiha murima Faraooyo nave khaawaakhullelle Aisraelaayo wi evenyemo mwiillaponi mwaye.

Eksodo 11:9

Apwiya yaamulleella Mose wi, “Farao khawiiwellella weyaano wi miyaano keere ddoottikhiniha ddinchichi mu ellapo ya Iguputo.”

Eksodo 14:4

Kineeromummiha murima Farao nave aneerewaathwara Aisraelaayo. Koma kineeromugonjiha Farao ni akhotwaaye attheene wi kititimihiwe nave Aiguputo attheene eneerodduwella wi mi tti Apwiya.” Vano Aisraele yaheera ddittheddene moollikana ni mmo Apwiya yaalleellelliiwa.

Eksodo 3:20

Sika miyaano kineerophariha mutteko masivaaka nave kineeromullaka Iguputo ni ddoottikhiniha nnddo kinaaweereemi wenko. Ddennddo ddeereya, aneerowaakhullellani wi muvenyewo.

Eksodo 4:21

Apwiya yaamulleellattho Mose wi, “Mvo onahokollweelleewe o Iguputo, weere vamiitthoni va Farao ezizindikiro ddoottikhiniha ddittheddene nnddo kuuvahilleemi masiva aweerella. Koma kineeromummiha murima nave khaakhullella wi athwaaka evenyemo.

Eksodo 4:29

Vano Mose ni Aroni yaatimulla oya o Iguputo, yaatthukumaniha oohoollella attheene a Aisraele.

Eksodo 4:7

Vano Apwiya yaallota wi, “Nivollochihettho nnatta nawonno m'mukanjonimmo.” Olliye aanivollochihamottho koma anikhumiheeyemo naari naphaama noohikhalla ni makate, noophwanaphwana ni mwiillaaye muttheene.

Eksodo 7:13

Farao ahummave murima nave khaapwathille nnddo yamulleelliiwa moollikana ni mmo Apwiya yallotelliiwa.

Eksodo 9:16

Koma kohuusungani ni okumi wi koonihe masivaaka ni ovuwiha epillaaka mu ellapo yavatthi ettheene.

Miyambo 21:1

Murima wa mwene tti wonanko muhinje wa maaddi m'mattani mwa Apwiya, ennawutthoonyihella nko enapaalliiwa.

Yesaya 51:9

Nyu Apwiya, venyani, venyani, llipani murima! Venyani wonanko mu mallapo akhalle, enthawi ya mibado ddakhalle. Ethiyo khe nyuwaano mwamuphanddephanndde Rahabu oyo ahomille enama yawoopiha ya mu enyanja?

Mika 7:15

Monga mallapo alle mwakhumalleenyu o Iguputo, nooniheni ddoottikhiniha.

Yohane 4:48

Yesu aamulleella wi, “Khamuwa mukhulupilila mwaahoona ezizindikiro ni ddoottikhiniha.”

Mitteko 2:22

“Iwellellani mawaalla, Aisraele nyu! Yesu a o Nazareti aari muthu arumiwe ni Mulluku wa nyuwaano. Mulluku ahuusimikizellani vaweerani ddoottikhiniha ni ezizindikiro oweella mwa olliyooyo variyari vanyu wonanko nyuwaano aneenaanyu moonilleenyu.

Mitteko 7:36

Ahaahoollella athu okhuma mu Iguputo vaweerani ezizindikiro ni ddoottikhiniha mu Iguputo navettho va Enyanja Yoofiira nave muchipululuni wa miyakha 40.

Aroma 15:19

ni masiva a ezizindikiro ni ddoottikhiniha navettho ni masiva a Munepa Waweella. Sika vano koollalleya othenga waphaama wa Khrisitu ovenyera o Yerusalemu ophiya o Iliriko.

Aroma 9:18

Sika vano Mulluku annamweerella echifundo arive muthu anapaalleeye omweerella. Nave annamuumiha murima arive muthu anapaalleeye omummiha.

Deuteronomo 4:34

Ethiyo tti mulluku oovi oyo iikusenlle yeekha athu waatthaamiha variyari va mutundu mmodda ni waatthattusa aayeaaye wonanko mmo Apwiya Mullukwaanyu eweerelliiwani o Iguputo wulle? Alliwa yaheera ddennddo ni masiviiwa muullupalli nyuwaano moonaka ni miitthwaanyu. Alliwa yaamoriha ddoohoosa, millilli, ddoottikhiniha, ekhoto ni ddawoopiha.

Deuteronomo 7:19

Nave muupuwelle millilli ddawoopiha, ddoohoosa, ddoottikhiniha ni masiva muullupalli nndde moonilleenyu ni miitthwaanyu nnddo Apwiya yuukhumihalleniiwani. Athu attheene munawooveenywaalla Apwiya Mullukwaanyu eneerowoononga moollikana ni mmo yawoonongelliiwa Aiguputo.