Eksodo 7:23 - Mawu a Mulluku

²³ Sika Farao aahokollweella o enyumba waye ohiddipwathattho ddennddo.

Eksodo 7:23 Iomraidhean Croise

Yobu 7:17

Ethiyo muthu tti oopaalleya mwawiidde wa nyuwaano, kaambiiwa tini munamuhiyeenyu vamurimani?

Masalimo 62:10

Muhiroromelleke dda echiwawa wi ddineerewuukaviherani, muhiganize wi wiiya muneerophurana ello, eyuuma yaata muhinahiyavo murima.

Eksodo 7:22

Koma amasenga a o Iguputwaalle naalliwattho yaheera ddennddo mwa masengiiwa sika wi Farao ahummihave murima. Khaawiiwellelle Mose ni Aroni moollikana ni mmo Apwiya yallotilliiwa.

Eksodo 7:24

Aiguputo attheene yahaamba okata museresere mwa muhinje wa Nailo wi erike maaddi oowirya vawi kheyaaworattho owirya maaddi a m'muhinjenooyo.

Eksodo 9:20

Enduna ddimodda dda Farao ddahoova ekaamba ya mawu a Apwiya nave ddahaathawihella akaporwiiwa mpa ni eziweto ddiwa ddene.

Eksodo 9:21

Koma enduna ddimodda kheddaapwathille mawu a Apwiya nave yaarimoona waahiya akaporwiiwa vaatte ni eziweto ddiwa ddene.

Miyambo 22:17

Apella maaru wi wiiwe malangizo a eezeru. Phariha mutteko nnddo kinahuddiheemi

Miyambo 24:32

Koonilleemi ni oganizera, kaaweha ni waakhellavo malangizo.

Miyambo 28:14

Oodalisiwa tti oyo anavirellella owoova Apwiya koma awummiha murimaaye aneeromorella mu ddookatamiha.

Miyambo 29:1

Awummiha nikohi ahumullulliwe aneerewoonongeya moorurumusa kheyiivo enaamuchirihe.

Yesaya 26:11

Nyu Apwiya, mootukhullella muddullu nnatta nanyu wi mwaallake koma alliwa khenoona nnattanno. Athwaayo ewulliwe muru vawoonani mmo munaakondelleenyu athwaanyu. Munllo mwaakharihelleenyu adanaanyu waashellellihe alliwa.

Yesaya 47:7

Waganiza wi enthawi ddittheddene onaakhalle mwene aamutthiyana, mwawi ddeko ddenndda khewaaddipwathille m'murimani mwawo, khewaaganizerettho mmo ddinaamallelliiwa.

Yeremiya 36:24

Komave naari mwene apaalle mmodda a enduna ddaye yiiwalle mawaalla, khaavo ooville apaalle waahulla ddoowara ddaye.

Yeremiya 5:3

Ddawoona, Apwiya enawaashaasha oororomelleya yahuullakani koma khemwaawiiwalle ovoreya, yahuunyenyani koma khemwaarukunuwalle murima. Mwahummiha mirima ddanyu wonanko nlluku, mwaakhoota olapa.

Ezekiele 40:4

Muthooyo aakilleella wi, “We mwaana a muthu, wehesesa nave apella maaru phaama. Ohiyevo murima va ddittheddene kinaawoonihelleemi vawi yeella sika ekaambiiwa kuuwiihelleemi wuno. Vano waatthopoollelle Aisraele ddittheddene nnddo kinuulleelleemi nave onooneewe.”

Habakuku 1:5

Vano Apwiya yaallota wa athwiiwa wi, “Muddiwehesese mitundu dda athu ddiwaapheelleninndda, muneerokhwa mullakallaka ni nnddo munooneenyu vawi mu enthawaanyu kineereweera ello emodda yawi khamukhulupilila vawiiwani.

Malaki 2:2

Apwiya Amasiva Mattheene enallota wi, “Mwaahikiiwellellaka, mwaahivahaka olemu ni murimaanyu muttheene nnddina naka, kineerotembelela madaliswaanyu. Kahaatembelela khalle kaambiiwa khamwiiwellelle lamulo naka ni murimaanyu muttheene.

Deuteronomo 32:46

aallota wi, “Mwaasungeke m'murimani mwanyu malamulo mattheene kiwinnyalleemini ollellwaalla. Nave mwaahuddiheke aniinyu wi yiiwellelleke moororomelleya mawu mattheene a malamulwaalla.

1 Samuele 4:20

Vawi mutthiyanoolle aari vakhuviru okhwa, atthiyana oomukavihera yaamulleella wi, “Ohoove, woomuyara mwaana aamullopwana.” Koma olliye khaawaakhullalle naari opwathawo.