Eksodo 7:13 - Mawu a Mulluku

¹³ Farao ahummave murima nave khaapwathille nnddo yamulleelliiwa moollikana ni mmo Apwiya yallotelliiwa.

Eksodo 7:13 Iomraidhean Croise

2 Epilli 36:13

Zedekiya aamuwukilattho mwene Nebukadinezara oyo amullupellihalle vamiitthoni va Apwiya wi aneeromwiiwellella. Koma olliye ahummiha murimaaye ahirukunuwella wa Apwiya Mulluku a Israele.

Eksodo 10:1

Vano Apwiya yaamulleella Mose wi, “Oye wa Farao. Kohummiha murima wa Farao ni wa enduna ddaye wi kiwoonihe ddoottikhiniha ddittheddenenndda variyari viwa

Eksodo 10:20

Koma Apwiya yaamummihave murima Farao nave khaawaakhullelle Aisraele wi evenyewo.

Eksodo 10:27

Koma Apwiya yaamummihave murima Farao nave khaawaakhullelle athwaayo wi evenyewo.

Eksodo 14:17

Kineerewummiha murima Aiguputwaayo, sika wi eneerewaathwara Aisraele. Nave vaweerani ddiiddo kineeromugonjiha Farao ni akhotwaaye, magaretaaye ni oowella va akavalo wi kititimihiwe.

Eksodo 4:21

Apwiya yaamulleellattho Mose wi, “Mvo onahokollweelleewe o Iguputo, weere vamiitthoni va Farao ezizindikiro ddoottikhiniha ddittheddene nnddo kuuvahilleemi masiva aweerella. Koma kineeromummiha murima nave khaakhullella wi athwaaka evenyemo.

Eksodo 7:12

Yaaddivokhellattho vatthi ekopo ddiwa nave ddaatthattuwa enowa. Koma enowa ya Aroneeyo yaaddimirya enowa ddiwannddo.

Eksodo 7:14

Vano Apwiya yaamulleella Mose wi, “Farao tti awumma murima wunchichi vawi animakhoota owaakhullella athwaaka wi evenyewo.

Eksodo 7:22

Koma amasenga a o Iguputwaalle naalliwattho yaheera ddennddo mwa masengiiwa sika wi Farao ahummihave murima. Khaawiiwellelle Mose ni Aroni moollikana ni mmo Apwiya yallotilliiwa.

Eksodo 8:11

Anaphullwaayo eneerovenyavo va nyuwaano, mpa mwanyu ni va enduna ddanyu nave enaakhalleke m'muhinjenive”

Eksodo 8:15

Farao oonille wi ddohaamba okhalla phaama, ahummiha murimaaye nave aakhoota omwiiwellella Mose ni Aroni moollikana ni mmo Apwiya yallotelliiwa.

Eksodo 8:19

Sika amasengaalle yaamulleella Farao wi, “Ddenndda eerille tti Mulluku.” Koma Farao ahummihave murima nave aakhoota owiiwellella Mose ni Aroni moollikana ni mmo Apwiya yallotelliiwa.

Eksodo 8:28

Farao aallota wi, “Kineerowaakhullellani wi muye mwavelleelle mukutho wa Apwiya Mullukwaanyu muchipululuni koma muhirekamellesese nave mwakivekellelle.”

Eksodo 9:12

Koma Apwiya yaamummihave murima Farao sika khaawiiwellelle Mose ni Aroni moollikana ni mmo Apwiya yallotelliiwa.

Eksodo 9:35

Sika Farao ahummihave murima nave khaawaakhullelle Aisraele wi evenyewo moollikana ni mmo Apwiya yamulleellelliiwa oweella mwa Mose.

Eksodo 9:7

Nave Farao akohille phaama, ahiiwa wi kheyaarivo naari echiweto emodda ya Aisraele yakhwille. Koma Farao ahummihave murima nave khaawaakhullelle athwaayo wi evenyewo.

Aroma 1:28

Vawi athu yaayo ennakhoota omwaakhullella Mulluku, Mullukooyo ohaahiya wi eganizeke ddoonanara ddennddo. Sika eneera ddeko ddoohiphwanella weeriwa.

Aroma 2:5

Koma ekaamba ya wumma murima wanyu ni ohipaalla orukunuwa murima, Mulluku aneerewuullakani wunchichi va nllapo nno aneereeye uupullulle osha murima waye ni echiweruzwaaye yeechilungamo.

Deuteronomo 2:30

Koma mwene Sihoni olliyeve khaanaakhullenlle wi nivirelle mwiillaponi mwaye. Apwiya Mullukwaanyu yaamummiha nikohi nave amuvaha murima wawumma wi amuvelleelle m'mattani mwahu wonanko munoonellaanyu ollellova.

Aheberi 3:13

Koma munaphwanella mullipihaneke murima nllapo ni nllapo vawi ella tti enthawi yaphaama eyo mawu a Mulluku enayiromolliiwa wi, “Ollello.” Sika wi mmodda anyuwaano ahummihe murimaaye ekaamba yoollekiwa ni machimo.

1 Samuele 6:6

Muhinakhalla awumma murima wonanko Aiguputo ni mweniiwa Farao. Ethiyo Aiguputwaayo Apwiya yaallakille kheyaawaakhullelle Aisraele wi eroweke nave kheyaarowille?