Eksodo 6:8 - Mawu a Mulluku

⁸ Nave kineerewuuphiyihani o ellapo eyo kallupenlleemi wi kineeromuvaha Abrahamu, Isaki ni Yakobo. Kineerewuuvahani ellapo yeeyo wi ekhalle yaanyuyaanyu. Mi tti Apwiya.’ ”

Eksodo 6:8 Iomraidhean Croise

Genesis 14:22

Koma Abramu ahaakhulla wi, “Kinimallupella vamiitthoni va Apwiya Mulluku Amasiva Mattheene, oophatusa oddullu ni ellapo yavatthi

Genesis 15:18

Nllapo nenno Apwiya yaapangana ni Abramu. Yaallota wi, “Kinimalonjeza wi kineeroddivaha edduullu ddawo ellapo ettheeneella ovenyera o muhinje wa o Iguputo ophiyera o muhinje muullupalli wa Yufurate.

Genesis 26:3

Khalla wuno wonanko mulleto nave miyaano kineerokhalla ni weyaano. Kineerewuudalisa voovelleellani ellapo ddittheddenenndda wa weyaano ni edduullu ddawo. Vawi kineerosunga ollupella nko kallupenlleemi ni attiittho Abrahamu.

Genesis 28:13

Nave Apwiya yahiimella vakhwipi ni olliye emulleella wi, “Mi tti Apwiya Mulluku a nikhollo nawo Abrahamu ni attiittho Isaki. Ellapo onakoneewemweella kineerewuuvaha weyaano ni edduullu ddawo.

Genesis 35:12

Kineerewuuvaha ellapo eyo kamvahilleemi Abrahamu ni Isaki. Ellapo yeella kineeroyivahattho wa edduullu ddawo, weyaano wakhwa.”

Nehemiya 9:15

Yavolliwiiwa ettalla, mwahaavaha buledi ovenyera oddullu yaariiwa ni nthona mwahaavaha maaddi ovenyera munllukuni Mwahaalleella wi yaakhe ellapo eyo mwalonjezilleenyu wi muneerewaavaha.

Eksodo 13:5

Apwiya yaallupella wa makhollwaanyu wi eneerewuuvahani ellapo ya Akanani, Ahiti, Aamori, Ahivi ni Ayebusi. Ellapo yeeyo tti yooddalla ni mukaka ni enwi. Yuuvollochihani mu ellapo yeeyo, musungeke ehakallallo yeella mu mweeri yoolla.

Eksodo 32:13

Muupuwelle oorumeyellaanyu, Abrahamu, Isaki ni Yakobo navettho nndde mwallupenlleenyu mu nnddina nanyu wi, ‘Kineerewuuvahani edduullu ddinchichi, ddawaata wonanko etheneeri dda oddullu. Edduullu ddaanyunnddo kineeroddivaha ellapo ettheene eyo kalonjezilleemi wi ekhalle yayiwa wa enthawi yoohimalla.’ ”

Eksodo 6:2

Mulluku amulleella Mose wi, “Mi tti Apwiya.

Eksodo 6:4

Kaakeraatthihana echipangano waalonjeza wi kineerewaavaha ellapo ya Kanani, mmo yakhanlliiwamo khalle wonanko alleto.

Eksodo 6:6

Sika weyaano waalleelle Aisraele mawaaka awi, ‘Mi tti Apwiya. Nave kineerewuukhumihani mu okaporo m'mattani mwa Aiguputo nave kineerewuuvullusani o mutteko wa kalavulagaga. Nave kineerowoopollani ni nnatta naka namasiva ni ollaka wawoopiha.

Ezekiele 20:15

Woonjerera vaavo kaallupella wa alliwa muchipululuni wi ngaavollochiha mu ellapo eyo kaavahilleemi khalle, ellapo ya mukaka ni enwi, yooreera okhwaranya ellapo ddittheddene.

Ezekiele 20:23

Kaallupella muchipululuni wi kineerewaapallallesella variyari va mitundu dda athu ni waamwarella o ellapo ddawoorekama

Ezekiele 20:28

kaavollochihalle mu ellapo eyo kallupenlleemi wi kineerewaavaha. Orive weko yonniiwawo mutunda ni muteekho woovattha yaanavelleella mikutho ni ddoovelleella ddookishiha murima. Yaanavelleellawo mikutho dda nthuko naphaama ni dda ddoowirya.

Ezekiele 20:42

Vano muneerodduwella wi mi tti Apwiya, vawuuhokollosellani o ellapo ya Israele, ellapo eyo kallupenlleemi wi kaavahe makhollwaanyu.

Ezekiele 36:7

Sika koollupella vamiitthoni vaka wi alliwattho athu a mitundu ddoowaapheella eneerovevulliwa.

Ezekiele 47:14

Ellapweella muyikawene moophwanaphwana kaambiiwa kaallupella wi kineeroyivaha wa makhollwaanyu nave enaakhalle yoohallanaanyu.

Numeri 10:29

Mose aamulleella Hobaba mullamwaaye, mwaana a Reuele a o Midiyani wi, “Ninaya onipuroni nko Apwiya yallotilliiwa wi, ‘Kineerewuuvahani.’ Hankoni nithaanane nave nineeroweerellani ddaphaama vawi yahaalonjeza Aisraele ddeko ddaphaama.”

Numeri 11:12

Ethiyo kakusalle erukullu ya athu attheenaalla tti miyaano? Ethiyo kaayarille tti miyaano? Kaambiiwa tti nyuwaano mukilleelleenyu wi kaakhupaarelleke wonanko mmo muyepelle aneerelleeye voomwaamwihani mwaana nave wi kaakuselle o ellapo eyo mwaalonjezilleenyu makhollwiiwa moollupella?

Numeri 14:30

khaavo naari mmodda oyo anaavollowe mu ellapo eyo kallupenlleemi wi muneerovollowamo omupatula Kalebe mwaana a Yefune ni Yoswa mwaana a Nuni.

Numeri 23:19

Mulluku khari wonanko muthu wi ttuuwoottha, khahiyo muthu wi ttuusintha maganizwaaye. Ethiyo kheera nnddo allotilleeye, khakwakhwaniha nnddo alonjezilleeye?

Deuteronomo 32:40

Kinniimesa muwonwaaka muddullu, wi killupelle mu nnddina naka

Deuteronomo 4:31

Vallethi Apwiya Mullukwaanyu tti Mulluku eechifundo sika wi kheyuutathillani apaalle owoonongani apaallettho otiwalla echipangano ya makhollwaanyu eyo allupenlleeye ni alliwa.

Yoswa 24:13

Kahuuvahani ellapo eyo muhiyipharelleenyu mutteko nave mizinda nnddo mwahiddimakilleenyu. Munakhalla wenko munacha ezipaso ddampesa ni dda olivi, nnddo mwahiddaallilleenyu.’

Yawuupullulla 10:6

nave allupella mu nnddina na Mulluku, oyo anakhalla enthawi yoohimalla, oyo aphatusalle oddullu, ellapo yavatthi ni enyanja owaaka ddeko ddittheddene ddiri mwemmo. Mungelooyo aallota wi, “Khaviwa vikhalla oselliwa!

1 Samuele 15:29

Mulluku antitimiho a Aisraele, khanoottha apaalle osintha maganizo. Vawi olliye khe muthu wi ttuusintha maganizo.”