Eksodo 6:7 - Mawu a Mulluku

⁷ Kineerowaakhullellani nyuwaano wonanko athwaaka nave miyaano kineerokhalla Mullukwaanyu. Muneerodduwella wi mi tti Apwiya Mullukwaanyu, oyo uuvullusalleni o mutteko wa kalavulagaga.

Eksodo 6:7 Iomraidhean Croise

Genesis 26:3

Khalla wuno wonanko mulleto nave miyaano kineerokhalla ni weyaano. Kineerewuudalisa voovelleellani ellapo ddittheddenenndda wa weyaano ni edduullu ddawo. Vawi kineerosunga ollupella nko kallupenlleemi ni attiittho Abrahamu.

Genesis 28:13

Nave Apwiya yahiimella vakhwipi ni olliye emulleella wi, “Mi tti Apwiya Mulluku a nikhollo nawo Abrahamu ni attiittho Isaki. Ellapo onakoneewemweella kineerewuuvaha weyaano ni edduullu ddawo.

1 Mamwene 20:28

Muthu a Mulluku aawa wa Ahabu mwene a o Israele amulleella wi, “Apwiya enallota wi, ‘Vawi Asiriya eni Apwiya tti mulluku a miyaango ohiri a matapo, kineerovelleella mulloko muttheenoolla wa weyaano nave oneerodduwella wi mi tti Apwiya!’ ”

1 Mamwene 8:60

Sika athu attheene a va ellapo yavatthi edduwelle wi Apwiya tti Mulluku, khaavottho mmodda.

Nehemiya 1:10

Alliwa tti oorumeyellaanyu nave tti athwaanyu ayo mwawooponlleenyu ni masivaanyu muullupalli ni nnatta nanyu neekophollo.

Masalimo 100:3

Dduwellani wi Apwiya tti Mulluku. Yaaniphatusa nave hiyaano tti athwiiwa, tti athwiiwa, enkhosa dda vabusani viwa.

Masalimo 81:6

“Kahuurullani katundu a m'mathurini mwanyu, mattaanyu kahaavenyihella mutteko wootukhulla madengu.

Eksodo 13:14

Muhoollo, aniinyu yuukohani wi, ‘Ethiyo ddenndda ddinattaphullella tini?’ Vano nyuwaano muwaakhulle wi, ‘Apwiya yaanikhumiha o Iguputo, mu ellapo ya okaporo ni nnatta niwa namasiva.

Eksodo 13:3

Vano Mose ahaalleella athu wi, “Muupuwelleke nllapo nno mwakhumalleenyu o Iguputo, mu ellapo ya okaporo kaambiiwa Apwiya yahuukhumihani ni nnatta niwa namasiva. Muhiche erive ello yookhalla ni yisiti.

Eksodo 14:18

Aiguputwaayo eneerodduwella wi mi tti Apwiya, yaawoonaka mmo kinaamugonjihelleemi Farao ni magaretaaye ni oowella va akavalo.”

Eksodo 14:4

Kineeromummiha murima Farao nave aneerewaathwara Aisraelaayo. Koma kineeromugonjiha Farao ni akhotwaaye attheene wi kititimihiwe nave Aiguputo attheene eneerodduwella wi mi tti Apwiya.” Vano Aisraele yaheera ddittheddene moollikana ni mmo Apwiya yaalleellelliiwa.

Eksodo 15:16

Attheenaayo ennoova wunchichi. Ekaamba ya masivaanyu muullupalli, alliwaayo eri ellapo tuu wonanko nlluku, ophiyera athwaanyu, nyu Apwiya, eviralle, athu mwawooponlleenyu wuukaporoni.

Eksodo 15:2

Apwiya sika masivaaka ni ekophollo ddaka, alliwa tti oovullusaaka. Alliwa tti Mullukwaaka nave kineerewaatitimiha, tti Mulluku a attiitthaaka nave kineerewaatthamalla wunchichi.

Eksodo 16:12

“Kohiiwa okhupanya wa Aisraele. Nave alleelle wi, ‘Misikuwa muneerekoocha enama nave ohinase muneerekomucha buledi ookwakhwanella, sika muneerodduwella wi mi tti Apwiya Mullukwaanyu.’ ”

Eksodo 16:6

Sika Mose ni Aroni yahaalleella Aisraele attheene wi, “Misikuwa vaava muneerodduwella wi tti Apwiya yuukhumihalleni o Iguputo

Eksodo 2:11

Nllapo nimodda Mose unnuwalle, aaya wa athu a mutundwaayaalle nave ahoona yaapharihelliiwa mutteko mwa ekuku. Aamoona Muiguputo mmodda amuukuthaka Muheberi, mmodda mwa athu a mutundwaaye.

Eksodo 6:6

Sika weyaano waalleelle Aisraele mawaaka awi, ‘Mi tti Apwiya. Nave kineerewuukhumihani mu okaporo m'mattani mwa Aiguputo nave kineerewuuvullusani o mutteko wa kalavulagaga. Nave kineerowoopollani ni nnatta naka namasiva ni ollaka wawoopiha.

Eksodo 7:17

Sika Apwiya eneereweera ddeko wooniha wi tti Apwiya. Ngoona, kineerowashulla maaddi a m'muhinjenimmu ni ekopo eri m'mattani mwakeella nave maaddi mattheenaalla eneerotthattuwa nikhame.

Yesaya 41:20

Sika athu eneerewoona ni odduwella, eneerodduwellesesa ni wiiwesesa wi mi Apwiya sika kenre ddenndda, wi Aweella a Israele sika addikeraatthihalle.

Yesaya 49:23

Mamwene enaakhalle wonanko attiitthi awuullellani, mamweene aatthiyana enaakhalle wonanko amoowe oowaamwihani. Eneeromoriha ekhove ddiwa ni wuukokhorellani, eneerollanndda nthupi na m'manyalloni mwanyu mwawiiyeviha. Vaavo muneerodduwella wi mi tti Apwiya oyo anakiroromella miyaano khawa awulliwa muru.”

Yesaya 49:26

Kineerewaawatihera awuuhoosani wi eche muhehiiwa eneerolezela ni nikhame niwa wonanko ni vinyo anaanweene. Sika athu attheene eneerodduwella wi Mi tti Apwiya, Oovullusaanyu, Oowoopollaanyu, Amasiva a Yakobo.”

Yesaya 51:15

“Mi sika Apwiya Mullukwaanyu, oyo anaviddulla enyanja wi mafundiiwa onyakulla, nnddina naka tti Apwiya Amasiva Mattheene.

Yesaya 60:16

Wonanko mwaana awaamwa oneerocha eyuuma ya mitundu ddimodda, ni mamweniiwa eneerewuupwatha. Sika oneerodduwella wi mi Apwiya tti Oovullusaawo, Oowoopollaawo, Amasiva a Yakobo.

Yesaya 63:8

Apwiya enallota wi, “Alliwa tti athwaaka, anaaka ayo ehinaakoottotthe,” sika yahaavullusa.

Yeremiya 30:22

Sika nyu muneerokhalla athwaaka, mi kineerokhalla Mullukwaanyu. Mi Apwiya koollota.”

Yeremiya 31:33

Koma echipangano eyo kakeraatthihalleemi ni Aisraele attheene emanlle mallapo yaayo tti yawi kineerohiya malamulwaaka mwa alliwa nave kinaalembe m'murimani mwiwa. Vano miyaano kinaakhalle Mullukwiiwa nave alliwa enaakhalle athwaaka.

Ezekiele 20:19

Kaallota wi, ‘Mi tti Apwiya Mullukwaanyu, muthwareke malamulwaaka ni wiiwellella malangizwaaka.

Hoseya 1:10

Aisraele eneerewaata wonanko mihava dda mu enyanja nnddo ohinaaworeewe owulinga ni oweerenga. Vano vanipuroni mvo yalleelliwiiwa wi, “Nyu khe athwaaka,” vaavottho aneerewaaromolla wi, “Anamwani a Mulluku Ookumi”

Levitiko 11:44

Mi tti Apwiya Mullukwaanyu. Vano muddeellihe nave mukhalle aweella vawi mi tti aweella. Muhiiripihe ni erive ello yawaapadda.

Levitiko 11:45

Vawi mi tti Apwiya oyo yuukhumihalleni mu ellapo ya Iguputo wi kikhalle Mullukwaanyu. Vano mukhalle aweella vawi mi tti aweella.”

Zekariya 13:9

Athu ayo enaahalle ni okumi kineerewaahiya viikho ni oweelliha wonanko enamweellihelliiwa siliva. Kineerewaayeza wonanko eneerelliiwa ni golide. Sika eneerewiithana mu nnddina nave kineerowaakhulla. Kineerewaalleella wi alliwa tti athwaaka nave eneerewaakhullella wi mi Apwiya tti Mullukwiiwa.”

Numeri 15:41

Mi tti Apwiya ayo yuukhumihalleni mu Iguputo wi kikhalle Mullukwaanyu. Mi tti Apwiya.”

Mateyu 22:32

‘Miyaano kiri Mulluku a makhollwaanyu, Mulluku a Abrahamu, Mulluku a Isaki ni Mulluku a Yakobo.’ Olliyooyo khahiyo Mulluku a athu ookhwa koma tti a athu ookumi.”

Aroma 8:31

Ethiyo vano mu ddittheddenenndda, ninaallote tini? Mulluku akhalla ni hiyaano, anaanivaanyihe ttaani?

Deuteronomo 14:2

Nyuwaano moopatulelliwa wa Apwiya Mullukwaanyu vawi yahuutthoollani variyari va mitundu dda athu ddittheddene dda ellapo yavatthi wi mukhalle yoohallaniiwa.”

Deuteronomo 26:18

Ollello Apwiya aawaakhellani monga athwiiwa moollikana ni mmo yuulonjezelliiwani vaavove mwasunga malamulwiiwa mattheene.

Deuteronomo 29:12

Muri mva ollello wi mullupelle ni ekeraatthiha echipangano eyo Apwiya Mullukwaanyu enakeraatthihiiwa ni nyuwaano.

Deuteronomo 29:13

Vano Apwiya eneerosimikiza wi muri athwiiwa nave wi alliwa tti Mullukwaanyu moollikana ni mmo yalonjezelliiwa wa nyuwaano ni ollupella wa makhollwaanyu, Abrahamu, Isaki ni Yakobo.

Deuteronomo 29:5

Va miyakha 40 mvo Apwiya yuuhoollelliiwani muchipululuni mulle ddoowara ddanyu apaalle esapato ddanyu khaddaawaahuwalle.

Deuteronomo 4:20

Koma nyuwaano tti athu ayo Mulluku aakhumihalleeye mu ellapo ya Iguputo, mu eng'anjo yooviheelle wi mukhalle yoohallanaaye wonanko mukhallelleenyu ollellova.

Deuteronomo 7:6

Nyuwaano tti mutundu woopatuleya wa Apwiya Mullukwaanyu vawi yahuutthoollani wi mukhalle athwiiwa variyari va athu attheene a va ellapo yavatthi.

Aheberi 11:16

Koma yatiyera ellapo yaphaama oddullu ohiyana ni ellapo yoowaniwa. Ella sika ekaambiiwa Mulluku ahinawulliweeyena muru yaamuromollaka wi Mullukwiiwa. Nave ahaamakella muzinda woohimalla.

1 Petro 2:10

Khalle nyuwaano khamwaari athu a Mulluku koma vano nyuwaano tti athwaaye. Khalle nyuwaano khamwaadduwenlle echifundo ya Mulluku koma vano mohaakhella echifundo.

Yawuupullulla 21:3

Kahiiwa mawu oowella ellotiwaka ovenyera o mpando woomwene awi, “Vano enyumba ya Mulluku eri variyari va athu! Aneerokhalla ni athwaayo navettho eneerokhalla athwaaye. Mulluku aneerokhallana vamodda nave aneerokhalla Mullukwiiwa.

Yawuupullulla 21:7

Enaapambanaayo eneerewaakhella yeella ovenyera wa miyaano, kineerokhalla Mullukwiiwa nave eneerokhalla anaaka.