Eksodo 6:4 - Mawu a Mulluku

⁴ Kaakeraatthihana echipangano waalonjeza wi kineerewaavaha ellapo ya Kanani, mmo yakhanlliiwamo khalle wonanko alleto.

Eksodo 6:4 Iomraidhean Croise

Genesis 12:7

Vano Apwiya yaamooneyella Abramu emulleella wi, “Ellapo yeella kineerovaha edduullu ddawo.” Sika va nipuro nenno Abramu ahaamakella nikuwa Apwiya ayo yamooneyelle.

Genesis 15:13

Sika Apwiya yaamulleella wi, “Odduwelle moosimikiza wi edduullu ddawo ddineerokhalla alleto o ellapo yaaneena, ddineerokhalla wonanko akaporo nave ddineerohoosiwa wa miyakha 400.

Genesis 15:18

Nllapo nenno Apwiya yaapangana ni Abramu. Yaallota wi, “Kinimalonjeza wi kineeroddivaha edduullu ddawo ellapo ettheeneella ovenyera o muhinje wa o Iguputo ophiyera o muhinje muullupalli wa Yufurate.

Genesis 17:13

Aphaddiweke arive kaporo ooyariwa mpa mwanyu apaalle kaporo mwamukunlleenyu ni makobiraanyu. Nave yeella ekhalle echizindikiro ya va miilli ddanyu, yawooniha wi echipanganwaaka ni nyuwaano tti ya enthawi yoohimalla.

Genesis 17:4

“Ella tti echipangano kineereemi ni weyaano. Kinimalonjeza wi onaakhalle nikhollo na mitundu ddinchichi.

Genesis 23:4

“Mi tti mulleto, ookhalla enthawi yooyeva, owaninyu wuno. Mukikullihelle emata wi ekhalle mahame wi kimvitthevo mwaaraka.”

Genesis 26:3

Khalla wuno wonanko mulleto nave miyaano kineerokhalla ni weyaano. Kineerewuudalisa voovelleellani ellapo ddittheddenenndda wa weyaano ni edduullu ddawo. Vawi kineerosunga ollupella nko kallupenlleemi ni attiittho Abrahamu.

Genesis 26:4

Kineerewuuvaha edduullu ddinchichi wonanko ddikhallelle etheneeri ddooddullu nave edduullu ddawonnddo kineeroddivaha ellapo ddittheddenenndda. Mitundu ddittheddene dda va ellapo yavatthi ddineerodalisiwa oyeella mwa edduullu ddawo.

Genesis 28:13

Nave Apwiya yahiimella vakhwipi ni olliye emulleella wi, “Mi tti Apwiya Mulluku a nikhollo nawo Abrahamu ni attiittho Isaki. Ellapo onakoneewemweella kineerewuuvaha weyaano ni edduullu ddawo.

Genesis 28:4

Uudalise weyaano ni edduullu ddawo moollikana ni mmo amudaliselleeye Abrahamu wi ekhalle yaawoyaawo ellapo eyo oneereewe okhallekemo, ellapo eyo amuvahilleeye Abrahamu.”

Genesis 6:18

koma kineerokeraatthiha echipangano ni weyaano. Ovollowe muchomboni weyaano ni mwaariyo owaakattho anaawo ni awariwa.

2 Samuele 23:5

Vano Mulluku aneerodalisa edduullu ddaka kaambiiwa olliye aheera echipangano yoohimalla ni miyaano. Echipangano yootthopoowa phaama ni yoohimalla. Nndda sika kinakhallelleemi munkhella nave sika ddinaakivulluse, Mulluku sika anaaweere ddenndda.

Masalimo 105:11

Yaallota wi, “Kineerewuuvaha ellapo ya Kanani wi ekhalle yoohallanaawo.”

Masalimo 105:12

Yaariiwa athu aweerengeya, athu ooyeva, alleto mu ellapweeyo,

Eksodo 13:4

Ollello, nllapo na okhuma wanyu mu Iguputo, tti na mu mweeri wa Abibu.

Eksodo 13:5

Apwiya yaallupella wa makhollwaanyu wi eneerewuuvahani ellapo ya Akanani, Ahiti, Aamori, Ahivi ni Ayebusi. Ellapo yeeyo tti yooddalla ni mukaka ni enwi. Yuuvollochihani mu ellapo yeeyo, musungeke ehakallallo yeella mu mweeri yoolla.

Eksodo 6:8

Nave kineerewuuphiyihani o ellapo eyo kallupenlleemi wi kineeromuvaha Abrahamu, Isaki ni Yakobo. Kineerewuuvahani ellapo yeeyo wi ekhalle yaanyuyaanyu. Mi tti Apwiya.’ ”

Yesaya 55:3

Apellani maaru nave muwe wa miyaano, kiiwellelle wi mukhalle ni okumi. Kineerokeraatthiha ni nyuwaano echipangano yoohimalla, kineerowoonihani echikondi yoohisintheya ni yoohikayikiha eyo kamulonjezilleemi Davide.

Numeri 10:29

Mose aamulleella Hobaba mullamwaaye, mwaana a Reuele a o Midiyani wi, “Ninaya onipuroni nko Apwiya yallotilliiwa wi, ‘Kineerewuuvahani.’ Hankoni nithaanane nave nineeroweerellani ddaphaama vawi yahaalonjeza Aisraele ddeko ddaphaama.”

Mitteko 7:5

Mulluku khaamuvahille Abrahamu naari nipuro ning'onong'ono wi nikhalle naaye koma aamulonjeza wi aneeromuvaha ellapweeyo nave enaakhalle yaayeyaaye ni edduullu ddaye. Enthawi yeeyo Mulluku amulonjezilleeye, Abrahamu khaarina mwaana.