Eksodo 6:3 - Mawu a Mulluku

³ Kahooneyella wa Abrahamu, wa Isaki ni wa Yakobo wonanko Mulluku Amasiva Mattheene koma ngaawaalleelle nnddina naka wi tti Apwiya.

Eksodo 6:3 Iomraidhean Croise

Genesis 13:18

Sika vano Abramu aatthaamiha musasaaye, aya akhalla o miteekho dda muthundu dda o Mamure nnddo ddiri o Hebroni. Nave wenko ahaamakella Apwiya nikuwa.

Genesis 17:1

Abramu ari ni miyakha 99 Apwiya yaamooneyella emulleella wi, “Mi tti Mulluku Amasiva Mattheene. Vano wiiwellelleke enthawi ddittheddene nave ohichimweke

Genesis 22:14

Nipuronno Abrahamu aanivaha nnddina nawi, “Mulluku annavaha.” Sika ophiyera ollello vineeriwa “Vamwaangoni wa Apwiya ennavaha.”

Genesis 28:3

Mulluku Amasiva Mattheene uudalise nave uuvahe edduullu ddinchichi wi okhalle nlloko nuullupalli na mitundu ddinchichi dda athu.

Genesis 35:11

Nave Mulluku aamulleella wi, “Mi tti Mulluku, Amasiva Mattheene. Nave muyarane wi mwaate. Edduullu ddawo ddineerokhalla mitundu ddinchichi nave ovenyera mwa ddennddo muneerokhalla mamwene.

Genesis 48:3

Nave Yakobo aamulleella Yosefe wi, “Mulluku Amasiva Mattheene oyo akooneyelle o Luzi mu ellapo ya Kanani, aakidalisa.

Masalimo 68:4

Mwiipelleni Mulluku, machipo ootitimiha nnddina naye. Mwiipelleni nchipo noomutitimiha oyo anawella vamiraponi. Nnddina naye tti Apwiya, muhakallalle vamiitthoni viwa.

Masalimo 83:18

Edduwelle wi nyeeneve, nnddina nanyu tti Apwiya Amasiva Mattheene oolamulella ellapo yavatthi ettheene.

Eksodo 15:3

Apwiya tti mullupa akhoto, Apwiya sika nnddina niwa.”

Eksodo 23:21

Mumwiiwelle olliyooyo nave mwiiwesese nnddo anaalloteeye. Muhimuwukile vawi khawa uukhululukellakani nichimo nawi ddiidda vawi masivaaka eri mwa olliyooyo.

Eksodo 3:14

Mulluku aamulleella wi, “Nnddina naka tti MI TTI MIYAANO. Sika waalleelle Aisraelaayo wi MI TTI MIYAANO ookirumiha wa nyuwaano.”

Yesaya 42:8

Mi tti Apwiya, nnddina naka tti nenno khaavo kinakawaneemina ntitimiho naka nginakawana ntitimiho naka ni mafano.

Yesaya 44:6

Apwiya, Mwene ni Oowoopolla a Israele, Apwiya Amasiva Mattheene enallota wi, “Mi tti awaambeella ni oomallihella, khaavottho Mulluku mmodda koma meekhave.

Yeremiya 16:21

Apwiya enallota wi, “Ekaamba ya yeella kineerewaahuddiha omoddave wenngu wi edduwelle masivaaka oopambana. Nave eneerodduwella wi nnddina naka tti Apwiya.”

Yeremiya 33:2

“Apwiya ayo yaphatusalle ellapo yavatthi, eyoopa ni oyikeraatthiha, ayo nnddina niwa tti Apwiya eni,

Ezekiele 20:5

Vatulli viwa waalleelle mawaaka awi, ‘Va nllapo nno kuutthoollilleemi we Israele, kaallupella wa edduullu dda Yakobo nave kaadduupullulla wa alliwa o Iguputo. Kaallupella kaalleella wi, “Mi tti Apwiya Mullukwaanyu.” ’

Ezekiele 37:13

Vano nyu athwaaka, muneerodduwella wi mi tti Apwiya kahulla mahamaanyu ni wuukhumihamoni.

Ezekiele 37:6

Kineerewuuvahani misempha ni mihehe nave kineerewuuhuruwellani ni nttapara. Kineeroviddeellella mpweya mwa nyuwaano nave muneerokhallattho ni okumi. Vano muneerodduwella wi mi tti Apwiya.’

Yohane 8:58

Yesu ahaakhulla wi, “Ddawoona, kinimuulleellani wi, Abrahamu ahinayariwe, miyaano kaari kiriwo khalle.”

Yawuupullulla 1:4

Ovenyera wa Yohane oya wa mipingo mitthanu ni miilli dda mu echigawo ya Asiya.* Echisomo ni murendelle ddikhalle ni nyuwaano ddoovenyera wa Mulluku oyo arivo ollello, aarivo khalle ni oyo anaawe muhoollo navettho ddoovenyera wa minepa mitthanu ni miilli ddookhalla vahoollo vampandoni woomwenaaye,

Rute 1:20

Olliyooyo ahaalleella wi, “Muhinakiromollaka wi Naomi koma mukiromolleke wi Mara vawi Apwiya Mulluku Muullupalli aheeriha okumaaka wi okhalle wa ethakaraka ddinchichi wuukhwaranyani nyuwaano.