Eksodo 5:6 - Mawu a Mulluku

⁶ Vano nllapo nenno Farao ahaalamula uullupalli a thangata a o Iguputo ni akapitawo a Aisraele wi,

Eksodo 5:6 Iomraidhean Croise

2 Epilli 26:11

Komattho Uziya aakhalla ni mulloko wa akhoto. Yaari milloko milloko moollikana ni ntthopoollo na Yeiyele namalembella ni Maaseiya oohoollella a ekhoto vatthi va olamulello wa Hananiya, akhoto muullupalli mmodda a enduna dda mwene.

Eksodo 1:11

Nave yahaahiyavo uullupalli a thangata owaaphariha mutteko Aisraelaayo mwa ekuku. Aisraele yaamumakella Faraooyo mizinda dda Pitomu ni Ramsesi, nko wasungiwa ddoocha.

Eksodo 3:7

Vano Apwiya yaallota wi, “Kohoona ohoosiwa wa athwaaka o Iguputo. Kohiiwa okhuwa wi ekaviheriwe, ekaamba ya uullupalli a thangata ayo enaahoosa. Kinnadduwella phaama ddoovoreya ddiwa.

Eksodo 5:10

Sika uullupalli a thangata ni akapitawo yaaya yaalleella athu wi, “Farao allotille wi, ‘Ngiwinnyanittho manasi.

Eksodo 5:19

Akapitawo a Israelaalle yahoona wi yaari mu ddoohoosa yalleelliwiiwa wi, “Moopeke echiwerengero ya enjerwa emoddamoddave yeelle nllapo ni nllapo.”

Eksodo 5:7

“Muhiwinnyekettho manasi athu yaalla vawoopani enjerwa wonanko mweereseenyu khalle. Ahiyeni yaasheke manasaayo yeekhiwa.

Miyambo 12:10

Muthu oolungama annapwatha okumi wa echiwetwaaye koma echifundo ya muthu oonanara tti ekuku.

Numeri 11:16

Apwiya yaamulleella Mose wi, “Waatthukumanihe allopwana 70 mwa attekweene a Aisraele, athu ayo onaadduwelleewe wi tti oohoollella ni akapitawo a athu. Oweena o musasa wamutthukumano nave yiimelle wenko ni weyaano.

Deuteronomo 1:15

Sika kahaatthoolla oohoollellaanyu, athu eezeru ni oodduwanyeya phaama. Nave kahaakeraatthiha wi ewehereke amodda a milloko dda athu 1,000, amodda a milloko dda athu 100, amodda a milloko dda athu 50 nave amoddattho a milloko dda athu khumi. Amoddattho kahaatthoolla wi ekhalle enduna variyari vanyu.

Deuteronomo 16:18

“Mwaatthoolleke aweeruza ni attekweene mu nirive nlloko ni nirive nipuro Apwiya Mullukwaanyu enuuvahiiwani. Athu yaalla yeeruzeke moohiweha ekhove.

Yoswa 24:1

Vano Yoswa aatthukumaniha malloko mattheene a Aisraele o Shekemu. Aawiithana attekweene, oohoollella, oweeruza ni akapitawo a Aisraele nave attheenaayo yaaphiya vamiitthoni va Mulluku.

Yoswa 24:4

Nave Isakooyo kaamuvaha Yakobo ni Esau. Kaamuvaha Esau ellapo yamiyaango ya Seiri wi ekhalle yoohallanaaye koma Yakobo ni anaaye yaakitthella o Iguputo.

Yoswa 8:33

Aisraele attheene ni oohoollelliiwa, attekweeniiwa, aweeruziiwa ni alleto ayo yaari variyari viwa, yahiimella va embali piilli dda nibokosi na echipanganonne moowehana ni allupa mukutho Eelevi ayo yatukhulla nibokosinno. Hafu a mulloko wa athwaayo ahiimella moowehana ni mwaango wa Gerizimu nave hafu mmodda a mulloko wa athwaayo ahiimella moowehana ni mwaango wa Ebala. Vawaambawaamba Mose oorumeyella a Apwiya ahaalamula alliwaayo wi yeereke ddenndda yaapaallaka waakhella madaliso.