Eksodo 5:23 - Mawu a Mulluku

²³ Ovenyera enthawi yeelle kayiilleemiwo wa Farao wi kamulleelle mawaanywaalle, ookhalla aahoosakave athwaanyu. Koma khemweerillevo naari ello wi mwaavulluse athwaanyu.”

Eksodo 5:23 Iomraidhean Croise

Yobu 22:17

Alliwa yaamulleella Mulluku wi, ‘Onivenyerevo. Ethiyo Amasiva Mattheene ttuuneerella tini?’

Masalimo 118:26

Oodalisiwa tti oyo anawa mu nnddina na Apwiya. Ninnudalisani ovenyera mu enyumba ya Apwiya.

Eksodo 3:8

Kookittha wi kaavulluse wa Aiguputo ni waakhumiha mu ellapo yeeyo wi kaavollochihe mu ellapo yuullupalli ni yaphaama, ellapo yooddalla ni mukaka ni enwi. Enakhallamo tti Akanani, Ahiti, Aamori, Aperezi, Ahivi ni Ayebusi.

Eksodo 6:1

Koma Apwiya yaamulleella Mosooyo wi, “Vano oneerewoona nnddo kinaamweerelleemi Farao. Kineeromuwatihera ni nnatta naka namasiva wi aakhumihe athwaaka. Navettho aneerowiikariha mwiillaponi mwaye.”

Yesaya 28:16

Vano nndda sika ddinallota Apwiya Mulluku, “Ngoonani, kinnakeraatthiha nlluku mu Ziyoni wi nikhalle matthipello, naweesiwa, nlluku noopaalleya noowallamella mutengo. Nave vilembiwe wi, ‘Oororomella nllukunno khawa awulliwa muru.’

Yeremiya 11:21

Sika ekaambiiwa Apwiya enallotiiwa dda athu a o Anatoti ayo enapaalla woononga okumaaka voollotani wi, “Ohillotellettho mu nnddina na Apwiya wi nihiwiiphe.”

Yohane 5:43

Koowa miyaano mu olamulello wa Attiitthaaka koma khamunakaakhella. Koma mmodda awa mu olamulello waayewaaye, yoolla munnamwaakhella.