Eksodo 5:22 - Mawu a Mulluku

²² Vano Mose aavekellattho wa Apwiya wi, “Apwiya kaambiiwa tini munaahooseenyu athwaanyu? Ethiyo mwakirumelle tini?

Eksodo 5:22 Iomraidhean Croise

1 Mamwene 19:10

Eliya ahaakhulla wi, “Nyu Apwiya Mulluku Amasiva Mattheene, miyaano kohuurumeyellani nyeeneve enthawi ettheene. Koma Aisraele attheene aatathilla echipangano yaakeraatthihalliiwa ni nyuwaano nave aakumulla makuwaanyu ni owiipha anamallotellaanyu ni nsupada mwawi kihanlle meekha. Vano enaashaashattho okumaaka wi ekiiphe.”

1 Mamwene 19:4

Koma Eliya aheeta olendo wa nllapo nimodda mu echipululu aya akeraatthi vatthi va mwanamuteekho. Vano aaveka wi akhwe, allota wi, “Ddookikwakhwana! Nyu Apwiya, waaweerokhalla phaama kakhwilleke vawi miyaano khe aphaama waakhwaranya makhollwaaka.”

Masalimo 73:25

Ethiyo kiri ni aani oddullu mwaahikhalla nyuwaano? Vatthimva kheviri erive ello eyo kinayipaalleemi koma nyeeneve.

Eksodo 17:4

Sika Mose aavekella wa Apwiya mookhuwa allota wi, “Ethiyo keerena tini athu yaalla? Alliwaalla ehannlle vang'ono okivokha malluku.”

Yeremiya 12:1

Nyu Apwiya kaavaanyanaka ni nyuwaano, ddawoona, awoona munaakhalle nyuwaano, komave kineerewuukhupanyellani dda mullatwaaka. Ethiyo kaambiiwa tini athu oonanara ddeko ddinaweetelliiwa phaama? Ethiyo kaambiiwa tini oolleka enakhalliiwa mwamurendelle?

Yeremiya 20:7

Nyu Apwiya, mookilleka, ddawoona, kaallekeya. Nyu tti amasiva okikhwaranya miyaano, ddawoona, mookigonjiha. Arive muthu animakittheya nllapo nittheene, arive muthu animakivevulla moohihiyerera.

Yeremiya 4:10

Vano kaallota wi, “Ha, nyu Apwiya Mulluku, ddawoona, mohaalleka wunchichi athu yaalla ni Yerusalemu! Mwahaalonjeza wi eneerokhalla ni murendelle koma nsupada niri vanikohini viwa.”

Habakuku 2:3

Masomphenyaalla enatiyera enthawiiwa enthaweeyo khenakwakhwane, khe ddawoottha, yaselliwa tiyerani vawi eneerophiya, oohikayika.

Numeri 11:11

Mose ahaakoha Apwiya wi, “Kaambiiwa tini mukihoosilleenyu mwawi ddiidda mi oorumeyellaanyu? Kaambiiwa tini muhikeerelleenyu echifundo vookireyani katundu a athu attheenaalla?

Yoswa 7:7

Vano Yoswa aallota wi, “Nyu Apwiya Mulluku! Kaambiiwa tini munillapusalleenyu muhinje wa Yordani munivelleella m'mattani mwa Aamori wi enoononge? Mwahinihiya okhopella wa muhinje wa Yordani weewulle?

1 Samuele 30:6

Davide aahoowa wunchichi vawi athu yaamushella murima enapaalla omuvokha malluku vawi mirima dda athu attheene ddaamoriwa ethakaraka ekaamba yawi aniiwa aallopwana ni aatthiyana. Koma Davide ahiillipiha murima mwa Apwiya Mullukwaaye.