Eksodo 5:1 - Mawu a Mulluku

¹ Vatulli viwa Mose ni Aroni yaaya wa Farao emulleella wi, “Apwiya Mulluku a Israele, enallota wi, ‘Owaakhullelle athwaaka eye o echipululu wi yeere ehakallallo yookillapella miyaano.’ ”

Eksodo 5:1 Iomraidhean Croise

1 Mamwene 21:20

Vano Ahabu aamukoha Eliya wi, “Ethiyo we mudanaaka, wookiphwanya?” Eliya ahaakhulla wi, “Ee, kohuuphwanyani, kaambiiwa khaavo naari mmodda iikullihalle weera ddoonanara vamiitthoni va Apwiya wonanko nyuwaano.

Masalimo 119:46

Kineerollota omboni vamiitthoni va mamwene, ngiwulliwa muru.

Eksodo 10:3

Mose ni Aroni yaaya wa Farao yamulleella wi, “Apwiya Mulluku a Aheberi, anakoha wi, ‘Ethiyo onaakhooteve wiiyeviha vamiitthoni vaka ophiyera niini? Owaakhullelle athwaaka evenyewo wi eye yakillapelle.

Eksodo 10:4

Waahiwaakhullellave wi evenyewo, osiisello kineerommoriha nazombe mwiillaponi mwawo

Eksodo 10:9

Nave Mose ahaakhulla wi, “Attheenehi, anamwani ni attekweene nineeroyaawo. Ninaayeewo ni aniihu aallopwana, aniihu aatthiyana, enkhosa, epuri, abulu ni eng'ombe ddahu ddene, ekaamba yawi nineereweera ehakallallo yowaallapella Apwiya.”

Eksodo 3:18

Mulluku aavirellella ollota wi, “Eneerewiiwa nnddo oneereewe waalleelle. Sika weyaano ni oohoollella a Aisraelaayo muye wa mwene a o Iguputo nave mwamulleelle wi, ‘Apwiya Mulluku a Aheberi aakumana ni hiyaano. Vano ninimuuvekani munaakhullelle wi niye voolendoni wookwakhwana mallapo mararu muchipululuni wi navelleelle mukutho wa Apwiya Mullukwaahu.’

Eksodo 33:13

Vano mwaarimi mukeerelle echifundo koonihelleni ettilla ddanyu wi kuudduwelleni nave wi muvirellelle okeerella echifundo. Muupuwellettho wi mutundoolla tti waanyu.”

Eksodo 4:23

Vano kinimuulleella wi omwaakhullelle mwanaka aamullopwana awaamba avenyemo wi aye akillapelle miyaano. Koma wakhoota omwaakhullella wi avenyemo, miyaano kineeromwiipha mwanawo aamullopwana awaamba.”

Eksodo 6:11

“Khawe wamulleelle Farao wi awaakhullelle Aisraele wi evenyemo mwiillaponi mwaye.”

Eksodo 6:27

Yaalla sika yamuvekille Farao, mwene a o Iguputo wi yaahoollelle Aisraele ovenyamo mu Iguputo.

Eksodo 7:16

Wamulleelle wi, “Apwiya Mulluku a Aheberi, ookiruma wa nyuwaano wi kuulleelleni mawu awi, ‘Owaakhullelle athwaaka wi evenyewo wi eye yakillapelle ochipululuni.’ Koma ophiyera ollello khokiiwellelleve.

Eksodo 7:2

Wamulleelle Aroni ddittheddene kuulamulelleeminndda nave olliye sika anaamulleelle Farao wi awaakhullelle Aisraele okhuma mwiillaponi mwaye.

Eksodo 8:1

Vatulli viwa Apwiya yaamulamula Mose wi, “Khawe wa Farao wamulleelle wi Apwiya enallota wi, ‘Owaakhullelle athwaaka wi evenyewo eye yakillapelle.

Eksodo 8:16

Vano Apwiya yaamulamula Mose wi, “Mulleelle Aroni akuse ekopwaaye nave awashullena vatthi wi nthupi nittheene nitthattuwe ethupo mwiillaponi ettheene ya Iguputo.”

Eksodo 8:17

Nave alliwaayo yaheera wonanko mwemmo sika Aroni aakusa ekopwaayeelle awashullana vatthi. Vano nthupi nittheene naatthattuwa ethupo nave ddaamwareyella va athu ni enama ddene. Sika nthupi nittheene na o Iguputo naari ethupove.

Eksodo 8:20

Vano Apwiya yaamulleella Mose wi, “Osiisello ohinase, oye wakumane ni Farao ayaaka omuhinjeni nave wamulleelle wi, ‘Apwiya enallota wi, owaakhullelle athwaaka wi evenyewo wi eye yakillapelle.

Eksodo 8:27

Ninaphwanella weeta olendo wookwakhwana mallapo mararu muchipululuni wi navelleelle wa Apwiya Mullukwaahu, moollikana ni mmo yanilamulelliiwa.”

Eksodo 9:1

Vano Apwiya yaamulamula Mose wi, “Khawe wa Farao wamulleelle wi, ‘Apwiya Mulluku a Aheberi, enallota wi owaakhullelle athwaaka evenyewo wi eye yakillapelle.

Eksodo 9:2

Koma waakhootiha wi ehivenyewo,

Yesaya 25:6

Va mwaango wa Ziyoni Apwiya Amasiva Mattheene eneerokeraatthihella mitundu ddittheddene dda athu machellello a ddoocha ddooddiva ni a vinyo aphaama, machellello a enama yoonuna ni a vinyo ooddivesesa.

Ezekiele 2:6

We mwaana a muthu, ohoove apaalle otthukumellana nnddo enaallotekiiwa. Ohooveke naari miiwa apaalle kakande ddiwaapheelle naari wakhalla variyari va anamukalizi. Ohooveke mawiiwa nave ohikhupanyeke ni maweherwiiwa vawi athwaayo tti oowukila.

Mateyu 10:18

Nave muneerovelleelliwa wa oolamulella ni mamwene kaambiiwa nyuwaano tti oohudderaaka wi mwakhalle amboni a othenga waphaama wa yaayo ni athu ayo ehiri Ayuda.

Mateyu 10:28

Muhiwooveke ayo eniipha mwiillive koma khenawora wiipha munepa. Koma mumooveke Mulluku oyo anawora wiipha munepa ni mwiilleene mu gehena.

Mitteko 4:29

Vano, Apwiya, neerelleni echifundo kaambiiwa ennanoopopiha nave nillipiheni hiyaano oorumeyellaanyu wi nillote othengaanyu moollipa murima wunchichi.

1 Akorinto 5:8

Hankoni vano nihakallalle ni Paskaahu oohikhalla ni yisiti akhalle, yisiti a ddoonanara nave a machimo koma ni buledi oohikhalla ni yisiti, buledi a yaweella ni a yawoona.