Eksodo 40:13 - Mawu a Mulluku

¹³ Aronooyo omuwarihe ddoowara ddoopatuleya nave omuzoze ni omupatula wi ekhalle mullupa mukutho.

Eksodo 40:13 Iomraidhean Croise

Eksodo 28:41

Ddoowara ddenndda omuwarihe mwanamunno Aroni ni anaaye. Nave waazoze, waavahe odindo ni waapatula wi ekhalle allupa mukutho.

Eksodo 29:7

Sika okuse makhura oozozellaalle ni waahella vamuruni vaye wi omuzoze.

Eksodo 40:14

Anaayettho ewe nave waawarihe malaya.

Yesaya 61:1

Munepa wa Apwiya Mulluku ari va miyaano ekaamba yawi Apwiya aakizoza. Aakirumiha wi killalleye othenga waphaama wa oohoowa wi kaallipihe ootathilla murima, kallalleye ottaphulliwa wa akaporo, navettho ottaphulliwa wa oomakeya.

Levitiko 7:35

Yeeyo tti embali ya Aroni ni anaaye, yoovahulla va mikutho dda Apwiya ddawoosiwa viikho, va nllapo nno alliwa yatthoolliwiiwa wi ekhalle mullupa mukutho owaarumeyella Apwiya.

Levitiko 7:36

Apwiya yahaalamulella Aisraele wi evelleelleke ddennddo wa allupa mukutho ovenyera nllapo nno yazoziwiiwa wi ekhalle embaliiwa wa mibado ddiwa ddittheddene.

Levitiko 8:13

Vano Mose aawaana anamwani a Aroni, aawariha malaya, aamakella laamba muyuununi, aawariha enduwira omuruni. Sika Mose aheera ddittheddene moollikana ni mmo Apwiya yamulamulalliiwa.

Yohane 17:19

Nave ekaamba ya alliwaayo kinnaddeelliha meekhaaka wi kiivelleelle wa nyuwaano. Sika yaayottho yakhalle ooddeelliha ni wiivelleella wa nyuwaano mwawoona.

Yohane 3:34

Vano oyo arumiwe ni Mulluku anallota mawu a Mulluku kaambiiwa Mulluku annamuvaha munepaaye mookwakhwanella.

Aheberi 10:10

Sika noheellihiwa kaambiiwa Yesu Khrisitu aamwiiwellella Mulluku vawiiheraatthini mukutho wawaamba ni wookomihera.

Aheberi 10:29

Onaakhalle wawiidde wa oyo anamullotella epewe Mwaana a Mulluku? Oyo aneesa noohikhalla ni mutteko nikhame na echipangano nno naneellihalle? Apaalle anallotella epewe Munepa Waweella oyo ananivaha echisomo ya Mulluku? Ollakiwa wa muthu awi ddiidda onaakhalle wawoopiha wunchichi.

1 Yohane 2:20

Nave nyuwaano mwaakhalla ni Munepa Waweella woohelliwa va nyuwaano ni Khrisitu sika attheenenyu munnadduwella yawoona.

1 Yohane 2:27

Nave Khrisitu oohella munepaaye va nyuwaano. Munepaaye onnavirellella okhalla mwa nyuwaano, sika khamunamupaallattho mmodda wi uuhuddiheni. Vawi munepaaye annuuhuddihani erive ello nave nnddo anahuddiheeye tti ddawoona, ohiri ddawoottha. Vano mwiiwellelleke ehuddiho ya Munepooyo ni okhallave mu eyaattano ni Khrisitu.