Eksodo 4:5 - Mawu a Mulluku

⁵ Apwiya yaamulleella wi, “Weere ddenndda wi ekhulupilile wi Apwiya Mulluku a makhollwiiwa, Mulluku a Abrahamu, Mulluku a Isaki ni Mulluku a Yakobo, aawooneyella.”

Eksodo 4:5 Iomraidhean Croise

Genesis 12:7

Vano Apwiya yaamooneyella Abramu emulleella wi, “Ellapo yeella kineerovaha edduullu ddawo.” Sika va nipuro nenno Abramu ahaamakella nikuwa Apwiya ayo yamooneyelle.

Genesis 17:1

Abramu ari ni miyakha 99 Apwiya yaamooneyella emulleella wi, “Mi tti Mulluku Amasiva Mattheene. Vano wiiwellelleke enthawi ddittheddene nave ohichimweke

Genesis 18:1

Apwiya yaamooneyella Abrahamu o miteekho dda muthundu dda o Mamure mvo Abrahamooyo akeraatthilleeye va mullako wa musasaaye enthawi yootthaana ovihalle.

Genesis 26:2

Vano Apwiya yaamooneyella Isaki nave emulleella wi, “Ohiye o Iguputo koma okhalle mu ellapo kineereemi kuulleelle wi okhallemo.

Genesis 28:13

Nave Apwiya yahiimella vakhwipi ni olliye emulleella wi, “Mi tti Apwiya Mulluku a nikhollo nawo Abrahamu ni attiittho Isaki. Ellapo onakoneewemweella kineerewuuvaha weyaano ni edduullu ddawo.

Genesis 48:15

Nave aamudalisa Yosefe voollotani wi, “Mullukwaaka oyo makhollwaaka Abrahamu ni Isaki yamurumeyelliiwa, Mulluku oyo akihoollelle mu okumaaka muttheene ophiyera ollello,

Genesis 48:3

Nave Yakobo aamulleella Yosefe wi, “Mulluku Amasiva Mattheene oyo akooneyelle o Luzi mu ellapo ya Kanani, aakidalisa.

1 Mamwene 18:36

Ekwakhwanne enthawaaye yoovelleella mukutho, namallotella Eliya aasusella vakhuviru ni nikuwanno avekella wi, “Nyu Apwiya Mulluku a Abrahamu, Isaki ni Yakobo, ollello ddidduwanyeye wi nyu sika Mulluku mu ellapo ya Israele navettho wi mi tti oorumeyellaanyu ni wi kineera ddittheddenendda kaambiiwa mullotille tti nyuwaano.

2 Epilli 20:20

Vano yaavenya ohinase eya yavollowa mu echipululu ya o Tekowa. Yakhumamwiiwa Yehoshafati ahiimella allota wi, “Nyu athu a o Yuda ni a mu Yerusalemu, apelleni maaru! Aroromelleni Apwiya Mullukwaanyu nave muneerokhalla ni masiva. Aroromelleni anamallotella nave muneeropambana.”

Eksodo 19:9

Apwiya yaamulleella Mose wi, “Kineeroowa wa weyaano m'muraponi woottika wi athwaayo ekiiweke kaallotaka ni weyaano wi yuukhulupilileke enthawi ddittheddene.” Vano Mose ahaalleella Apwiya nnddo yallotille athwaayo

Eksodo 3:15

Nave Mulluku aamulleellattho Mose wi, “Waalleelle Aisraele wi, ‘Apwiya Mulluku a makhollwaahu, Mulluku a Abrahamu, Mulluku a Isaki ni Mulluku a Yakobo sika akirumihalle wa nyuwaano.’ Nenna sika nnddina naka wa enthawi yoohimalla. Nenna sika nnddina nno ddinaakiromollellekiiwa mibado ddittheddene ddamuhoollo.

Eksodo 3:16

Khawe waatthukumanihe oohoollella attheene a Aisraele, waalleelle wi, ‘Apwiya Mulluku a makhollwaanyu, Mulluku a Abrahamu, Isaki ni Yakobo, aakooneyella nave aakilamula wi kuulleelleni wi oowa wa nyuwaano nave ohoona ddittheddene enaweerellani Aiguputo.

Eksodo 3:18

Mulluku aavirellella ollota wi, “Eneerewiiwa nnddo oneereewe waalleelle. Sika weyaano ni oohoollella a Aisraelaayo muye wa mwene a o Iguputo nave mwamulleelle wi, ‘Apwiya Mulluku a Aheberi aakumana ni hiyaano. Vano ninimuuvekani munaakhullelle wi niye voolendoni wookwakhwana mallapo mararu muchipululuni wi navelleelle mukutho wa Apwiya Mullukwaahu.’

Eksodo 3:4

Apwiya yoonille wi annaatamella, yaamwiithana m'makukhunimmo wi, “Mose, Mose!” Mose ahaakhulla wi, “Miyaano.”

Eksodo 3:6

Aavirellella ollota wi, “Mi tti Mulluku a makhollwaawo, Mulluku a Abrahamu, Mulluku a Isaki ni Mulluku a Yakobo.” Vano Mose aakhuneella ekhove woova omuweha Mulluku.

Eksodo 4:1

Mose ahaakhulla wi, “Koma ethiyo vano Aisraelaayo yaahikikhulupilila apaalle yaahiiwellella mawaaka, enallota wi, ‘Apwiya khewooneyelle weyaano?’ ”

Eksodo 4:31

Vano Aisraelaalle yaakhulupilila ddennddo. Sika yiiwalle wi Apwiya yaawa wa alliwa nave yahoona ohoosiwa wiwanko, yaakokhora emullapella Mulluku.

Eksodo 4:4

Vano Apwiya yaamulleella Mosooyo wi, “Yiphare mwiilla.” Mose aayiphara, enthawi yeeyo yaatthattuwattho ekopo m'mattani mwaye mwemmo.

Yesaya 7:9

Ellapo ya Efuremu enaroromella muzindiiwa muullupalli wa Samariya nave Samariya anamuroromella mwenaaye Peka. Mwaahillipa mu echikhulupililwaanyu, khamukeraattheya.”

Yeremiya 31:3

mi kaawooneyella kiri voorekamella. Nyu Aisraele, kinnuukondani ni echikondi yoohisintheya nave kinnavirellella ni echikondaaka yoohisintheya wa nyuwaano.

Yohane 11:15

Nave kinnahakallalla wi miyaano ngaariwo wenko sika muneerokhulupilila. Vano hankoni niye wa olliyooyo.”

Yohane 11:42

Kinnadduwella wi munnakiiwa miyaano mallapo mattheene koma kinallota ella ekaamba ya athwaalla wi ekhulupilile wi mwaakiruma.”

Yohane 20:27

Vano aamulleella Tomasi wi, “Ttannya ni eyaallaawo mva nave ona mattaaka navettho okolla nnatta nawo ottannye mu epararwaaka. Ohikhalle oohikhulupilila koma okhulupilileke.”

Yohane 20:31

Koma nndda ddiri mu nibukhu nenna ddoolembiwa wi mukhulupilile wi Yesu tti Mesiya,* Mwaana a Mulluku nave wi voomukhulupililani olliyooyo mukhallena okumi.

Yohane 5:36

Koma miyaano kookhalla ni mboni oopaalleya wunchichi ohiyana ni Yohane. Vawi Attiitthaaka aakivaha mitteko wi kimallihe nave mitteko ddennddo kineereemi tti omboni wawi Attiitthaaka aakiruma.

Mitteko 7:2

Sitefano ahaakhulla wi, “Asinnaka ni attiitthaaka, kiiwelleni miyaano! Nikhollo nahu Abrahamu aariiye o Mesopotamiya ahinaye wi akhalle o Harana, Mulluku antitimiho aamooneyella,

Aheberi 11:16

Koma yatiyera ellapo yaphaama oddullu ohiyana ni ellapo yoowaniwa. Ella sika ekaambiiwa Mulluku ahinawulliweeyena muru yaamuromollaka wi Mullukwiiwa. Nave ahaamakella muzinda woohimalla.