Eksodo 4:31 - Mawu a Mulluku

³¹ Vano Aisraelaalle yaakhulupilila ddennddo. Sika yiiwalle wi Apwiya yaawa wa alliwa nave yahoona ohoosiwa wiwanko, yaakokhora emullapella Mulluku.

Eksodo 4:31 Iomraidhean Croise

Genesis 17:3

Enthawi yeeyo Abramu aakokhora vatthi nave Mulluku aallota wi,

Genesis 24:26

Vano mulletoolle aakokhora vatthi nave ahaallapella Apwiya.

Genesis 29:32

Nave Leya aakusa erukullu nave aamuyara mwaana aamullopwana. Sika aallota wi, “Apwiya ahoona ddookatamiha ddaka. Ddawoona vano mamunaka aneerewaamba okikonda.” Mwawi ddiiddo mwaanooyo aamuvaha nnddina nawi Rubeni.

Genesis 50:24

Nave ahaalleella asinne wi, “Onnoonathi wi kiri vakhuviru okhwa koma Mulluku aneerokhalla ni weyaano nave aneerewuuhokollosella o ellapo allupenlleeye wa makhollwaanyu Abrahamu, Isaki ni Yakobo.”

1 Epilli 29:20

Nave Davide aallota wa mutthukumano muttheenoolle wi, “Atitimiheni Apwiya Mullukwaanyu.” Vano athu attheene yahaatitimiha Apwiya Mulluku a makhollwiiwa nave yaakokhora yaallapella Apwiya ni omuvaha olemu mwene.

2 Epilli 20:18

Vaavo Yehoshafati aakokhora nave athu attheene a o Yuda ni Yerusalemu yaakokhora ellapella vamiitthoni va Apwiya.

2 Epilli 32:8

Olliye ari ni mulloko wakhoto wa omwiillini koma oyo ari ni hi tti Apwiya Mullukwaahu wi anikavihere ni oniwanella ekhoto ddahu.”

2 Epilli 7:3

Nave Aisraele attheene yoonille munllooyo okitthaka ni ntitimiho na Apwiya va enyumbeeyo yaawarama epopheya ekhove ddiwa waallapella Apwiya ellota wi, “Ddawoona, Apwiya tti aphaama, echikondiiwa yoohisintheya tti yoohimalla.”

Nehemiya 8:6

Sika Ezara ahaatitimiha Apwiya Mulluku Muullupalli. Vano athu attheene yahaakhulla wi, “Amen, Amen” etukhullelle mattiiwa muddullu nave yaakokhora yaallapella Apwiya.

Yobu 1:20

Vano Yobu aavenya, aahulla mukanjwaaye nave aachema murwaaye. Nave aakokhora ni waallapella Apwiya

Eksodo 12:27

Vano nyuwaano muwaakhulleke wi, ‘Tti mukutho wa Ehakallallo ya Paska wowaatitimihana Apwiya ekaamba yawi yaakhwaranya enyumba dda Aisraele o Iguputo yawiiphiiwa anamwani aallopwana awaamba a Aiguputo. Koma yaanihiya ohiniipha.’ ” Oohoollellaayo yiiwalliiwa ddenndda yaakokhora ellapella.

Eksodo 14:31

Yahoona masiva muullupalli ayo Apwiya yoonihalliiwa vawaagonjihani Aiguputwaalle. Sika yahaamba owoova Apwiya nave yaanaakhulupilila Apwiyaayo ni Mose oorumeyelliiwa.

Eksodo 19:8

Athwaayo yahaakhulla vamodda wi, “Nineereweera ddittheddene nnddo Apwiya ellotilliiwa.” Sika Mose aaya aalleella Apwiya nnddo yallotille athwaayo.

Eksodo 19:9

Apwiya yaamulleella Mose wi, “Kineeroowa wa weyaano m'muraponi woottika wi athwaayo ekiiweke kaallotaka ni weyaano wi yuukhulupilileke enthawi ddittheddene.” Vano Mose ahaalleella Apwiya nnddo yallotille athwaayo

Eksodo 2:25

Sika Mulluku aawoona Aisraelaayo nave aamoriwa ethakaraka.

Eksodo 3:16

Khawe waatthukumanihe oohoollella attheene a Aisraele, waalleelle wi, ‘Apwiya Mulluku a makhollwaanyu, Mulluku a Abrahamu, Isaki ni Yakobo, aakooneyella nave aakilamula wi kuulleelleni wi oowa wa nyuwaano nave ohoona ddittheddene enaweerellani Aiguputo.

Eksodo 3:18

Mulluku aavirellella ollota wi, “Eneerewiiwa nnddo oneereewe waalleelle. Sika weyaano ni oohoollella a Aisraelaayo muye wa mwene a o Iguputo nave mwamulleelle wi, ‘Apwiya Mulluku a Aheberi aakumana ni hiyaano. Vano ninimuuvekani munaakhullelle wi niye voolendoni wookwakhwana mallapo mararu muchipululuni wi navelleelle mukutho wa Apwiya Mullukwaahu.’

Eksodo 3:7

Vano Apwiya yaallota wi, “Kohoona ohoosiwa wa athwaaka o Iguputo. Kohiiwa okhuwa wi ekaviheriwe, ekaamba ya uullupalli a thangata ayo enaahoosa. Kinnadduwella phaama ddoovoreya ddiwa.

Eksodo 33:10

Nave athu yoona murapooyo vamullakoni wa musasooyo, attheene yaanakokhora ni ollapella vamullakoni va misasa ddiwa.

Eksodo 34:8

Vano Mose ahaakuva, aakokhora, allapella enthawi yeeyo.

Eksodo 4:5

Apwiya yaamulleella wi, “Weere ddenndda wi ekhulupilile wi Apwiya Mulluku a makhollwiiwa, Mulluku a Abrahamu, Mulluku a Isaki ni Mulluku a Yakobo, aawooneyella.”

Zefaniya 2:7

Wenko oneerokhalla ellapo ya oohalla a mu nibanja na Yuda. Eneerekochiha eziweto ddiwa mukhwipi mwa enyanjeeyo, misikuwa enaakoneke enyumba dda Ashikeloni. Vawi Apwiya Mullukwiiwa eneerewaapwatha, eneerewaahokollosella ddaphaama.

Luka 1:68

“Ootitimiheya tti Apwiya Mulluku a Aisraele! Oowa wi aakavihere athwaaye nave awoopolle.

Luka 8:13

Mmiddo oyo wamorenlle va ethaya ya vamallukuni tti athu ayo enaakhella moohakallalla mawu a Mulluku koma khenna misisi dduullupalli. Vawi enakhulupilila enthawi yooyeva koma va enthawi ya weesiwa, ennahiya enthawi yeeyo.

Rute 1:6

Vano Naomi ni avokohaaye eellaalle yahaamba okhozekella olendo woohokollweella owaniwa ovenyera mu ellapo ya Mowabu. Vawi ahiiwa wi mu ellapo yoowaniwa Apwiya yahaadalisa athwiiwa ni waavaha ddoocha.