Eksodo 4:13 - Mawu a Mulluku

¹³ Koma Mose aallota wi, “Apwiya, koophara mwetwaanyu nave kinuuvekani wi mumurume muthu mmodda.”

Eksodo 4:13 Iomraidhean Croise

Genesis 24:7

Apwiya Mulluku Muullupalli, aakikusa owanihu mu nibanja na attiitthaaka ni mu ellapo kayarelliweemimo nave aakilonjeza moollupella wi, ‘Ellapo ella kineerovaha edduullu ddawo.’ Apwiya eneeromuruma mungelwiiwa uuhoollelle nave wenko oneeromwaashera mutthiyana mwanaka.

Genesis 41:35

Etthukumanihe ddoocha ddittheddene dda miyakha ddinawanndda. Yeereke ddittheddenenndda ni olamulellwaanyu nave emutthukumanyiheke ni omuwehera phaama tirigu m'mizindani ddittheddene.

Genesis 48:16

oyottho tti mungelo akoopollille o ddawoononga ddittheddene, aadalisettho! Oyeella mwa asombwe eellaalla, nnddina naka ni manddina a makhollwaaka Abrahamu ni Isaki, evuwihiwe va enthawi ddittheddene! Ekhalle ni edduullu ddinchichi va ellapo yavatthi, nave ekhalle mutundu muullupalli va ellapo yavatthi!”

1 Mamwene 19:4

Koma Eliya aheeta olendo wa nllapo nimodda mu echipululu aya akeraatthi vatthi va mwanamuteekho. Vano aaveka wi akhwe, allota wi, “Ddookikwakhwana! Nyu Apwiya, waaweerokhalla phaama kakhwilleke vawi miyaano khe aphaama waakhwaranya makhollwaaka.”

Eksodo 23:20

“Kineeromurumiha mungelwaaka vahoollo vanyu wi uutetezeni mu ettilla ni wuuphiyihani onipuroni nko kuukhozelleemini.

Eksodo 4:1

Mose ahaakhulla wi, “Koma ethiyo vano Aisraelaayo yaahikikhulupilila apaalle yaahiiwellella mawaaka, enallota wi, ‘Apwiya khewooneyelle weyaano?’ ”

Eksodo 4:12

Vano khawe, miyaano kineerewuukavihera ollotanko nave kineerewuulleella yawi wallote.”

Eksodo 4:14

Vano Apwiya yaamushella murima Mose, emulleella wi, “Mwanamunno Aroni, Mulevoolle. Kinnadduwella wi olliyoolle ttuuwora ollota phaama ddene. Animawa wi akumane ni weyaano nave aneerohakallalla wunchichi aawoona.

Yeremiya 1:6

Mi kahaakhulla wi, “Ha, Apwiya Mulluku! Nginadduwella ollota vawi kiri mwaana.”

Yeremiya 20:9

Kallota wi, “Ngiwa kiwuupuwellattho Apwiya, ngiwa killotellattho mu nnddina niwa.” Apwiya, mawaanyu ennakhara wonanko munllo m'murimani mwaka. Kinneeseesa waasunga muwari koma vatulli viwa kinnaakhumiha, oohivillella.

Yona 1:3

Koma Yona aavollweella ettilla ehiri yeeyo ni maganizo awi athawe vamiitthoni va Apwiya. Sika aaya o Yopa, nko aphwanyilleeye echombo yooya o Tarishishi, wookhuma nndduwa wa ellapo ya Sipeni. Vano Yona aamuphadda tikiti oowellella echombweeyo nave atimulla olendo wooya o Tarishishi wi athawe vamiitthoni va Apwiya.

Yona 1:6

Vano kaputeni a echombo aaphiya wa Yona nave aamukoha wi, “Ethiyo we namakona, onaphuravo tini vaava? Venya! Vekella wa mullukwaawo! Apaalle ttuunimoriwella ethakaraka wi nihoonongeye.”

Mateyu 13:41

Miyaano Mwaana a Muthu kineerewaarumiha angelwaaka wi yaakhumihe mu omwenaaka athu oowaachimwiha akhwiiwa ni attheene aweera ddeko ddoonanara.

Yohane 6:29

Yesu ahaakhulla wi, “Eyo Mulluku anapaalleeye wi mweere tti yawi mumukhulupilileke oyo aamurumalleeye.”

Oweeruza 2:1

Mungelo a Apwiya aaya o Bokimu ovenyera o Giligala. Nave ahaalleella Aisraele wi, “Kahuukhumihani mu ellapo ya Iguputo ni wuuvollochihani mu ellapo eyo kallupenlleemi wi kineerewaavaha makhollwaanyu. Kaallota wi, ‘Ngiwa kitathilla echipanganwaaka ni nyuwaano.