Eksodo 38:9 - Mawu a Mulluku

⁹ Aapanga nthato na musasa waapheelliha ni mpanda. Omwera wiwa waari ekuwo ddabafuta aphaama, orekama wiwa waari mamita 46.

Eksodo 38:9 Iomraidhean Croise

1 Mamwene 6:36

Aamakattho nthato namuwari nave esiri ddiwa aaddipanga ni malluku oosema mizere miraru, mwawaakakhaniha ni muzere mmodda wa matabwa amukunguza.

Masalimo 100:4

Vollowani va millako ddiwa mwaathokozaka, khaweni m'mathatoni mwiwa mwaatitimihaka, athokozeni Apwiya, titimihani nnddina niwa.

Masalimo 84:10

Okhalla nllapo nimodda mu nipuro nanyu tti waphaama wunchichi okhwaranya okhalla mallapo manchichi orive weko. Ddeerokiddivella okhalla va mullako wa enyumba ya Mullukwaaka okhwaranya okhalla mpa mwa athu oonanara.

Masalimo 84:2

Murimaaka onnapaalla, ophiyera ongomowa opaallesesa woona nipuro na Apwiya. Nyu Mulluku Ookumi, kinnawiipellani moohakallalla ni murimaaka muttheene.

Masalimo 89:7

Mulluku sika anooviwa m'mutthukumanoni wa aweella, sika awoopiha waakhwaranya attheene oomwaapheella.

Masalimo 92:13

Tti wonanko miteekho ddawaalliwa mu enyumba ya Apwiya, ddoohakallalla m'mathatoni a Mullukwaahu.

Eksodo 26:1

“Amake musasa wamutthukumano voopharihani mutteko ekuwo ddabafuta aphaama khumi navettho ni ekuwo ddabululu, ddooreera ddoofiira ni ddoofiira. Ekuwo ddenndda addipete phaama ni ezithuzi dda akerubi.*

Eksodo 38:10

Apotwiiwa 20 ni matthipellwiiwa 20 yaari a mukuwa koma engowi dda apotwaayo ni ekopo ddiwa ddaari dda siliva.

Eksodo 40:33

Aamaka mpanda wa nthato waapheella musasa wamutthukumano ni nikuwa nave aatthomeya ekatani ya mullako wa nthato. Vano Mose aamalliha mutteko muttheenooyo.

Eksodo 40:8

Omake mpanda wa nthato waapheella musasooyo nave otthomeye ekatani ya mullako wa nthato.

Numeri 3:26

ekuwo ya mpanda wa nthato noowaapheella musasa wa Mutthukumano ni nikuwa, ekatani ya mullako wa nthato navettho mikwe ddiwa. Sika yaanaphara mitteko ddittheddenenndda.

Numeri 4:26

Ekuwo ya mpanda wa nthato noowaapheella musasa wa Mutthukumano ni nikuwa, ekatani ya mullako wa nthato navettho mikwe ddiwa ni ezipangizo ddittheddene ddoopaalleya ni mitteko ddittheddene dda ddekonndda.