Eksodo 34:7 - Mawu a Mulluku

⁷ Alliwa tti eechikondi wa mibado ddooheerengeya nave tti ookhululukella ddoolakwa, ddoonanara ni machimo. Koma tti oohihiyerera oochimwa nave ennaallaka anamwani ni edduullu ekaamba ya machimo a makhollwiiwa ophiyera mbado waneeraru ni waneesese.”

Eksodo 34:7 Iomraidhean Croise

Genesis 19:16

Koma Loti aanakayikellave, sika Apwiya yaamweerella echifundo. Mwawi ddiiddo athwaayo yaamukusa Loti, mwaariye ni anaaye eellaalle mwawaaphareella muwono, yaakhumihella otte wa muzindooyo.

1 Mamwene 8:30

Iwani nivekello na oorumeyellaanyu ni na athwaanyu Aisraele yaavekellaka va nipuro nenna. Ddawoona, mwiiwe oddullunko munakhalleenyu nave mwiiwa mukhululuke.

1 Mamwene 8:32

vaavo nyu mwiiwe oddullunko nave mweerevo ello ni oweeruza oorumeyellaanywaayo. Oochimwa mukamulle wi tti oolakwa nave mumullake moollikana ni ddoolakwa ddaye. Koma oohichimooyo mukamulle wi khanna mullatu nave mumuvahe oolungama moollikana ni echilungamwaaye.

2 Epilli 30:9

Mwaahokollweella wa Apwiya, abalaanyu ni aniinyu eneereweerelliwa echifundo ni ayo yaaphanre okaporo wawi eneerohokollweella o ellapwiiwa. Valle Apwiya Mullukwaanyu tti ooreera murima ni eechifundo nave kheyuureyani etulli mwaahokollweella wa alliwa.”

Nehemiya 1:5

Vano kaallota wi, “Nyu Apwiya Mulluku ooddullu, Mulluku muullupalli ni awoopiha, oyo anasunga echipangano ni okhalla ni echikondi yoohisintha wa athu ayo enamukonda ni wiiwellella malamulwaaye.

Nehemiya 9:32

Vano sika nyu Mullukwaahu tti Mulluku Amasiva Mattheene ni awoopiha, munnasunga echipangano ekaamba ya echikondaanyu yoohisintheya. Muhivevulle ddoohoosa nnddo ddinimorelle hiyaano, mamwenaahu, enduna ddahu, allupa mukuthwaahu, anamallotellaahu, makhollwaahu ni athwaanyu attheene ovenyera mu enthawi ya mamwene a o Asiriya ophiyera ollello.

Yobu 10:14

Munnakiwehesesa kaachimwaka, khamunapaalla okikhululukella machimwaaka.

Masalimo 103:3

Tti alliwa enakhululukella machimwaawo mattheene, enachiriha ereta ddawo ddittheddene.

Masalimo 109:14

Apwiya ehitiwalle ddoonanara dda makhollwaaye, machimo a amennya ehivuhellelleye.

Masalimo 130:4

Koma nyu, munnakhululuka, wi mooviweke.

Masalimo 136:10

Yaawiipha anamwani awaamba a Aiguputo, echikondiiwa yoohisintheya tti ya enthawi yoohimalla.

Masalimo 136:15

Koma ahaamiryiha Farao ni akhotwaaye mu Enyanja Yoofiira, echikondiiwa yoohisintheya tti ya enthawi yoohimalla.

Masalimo 25:11

Nyu Apwiya, ekaamba ya nnddina nanyu, mukikhululukelle machimwaaka vawi mullatwaaka tti muullupalli.

Masalimo 86:15

Koma nyu Apwiya, tti Mulluku eechifundo, Mulluku ooreera murima, oohaakuva osha murima, ooddalla ni echikondi yoohisintheya ni oororomelleya wunchichi.

Masalimo 99:8

Nyu Apwiya Mullukwaahu, mwaanawaakhulla, mwaari Mulluku owaakhululukella, koma oollaka mitteko ddiwa ddoonanara.

Eksodo 23:21

Mumwiiwelle olliyooyo nave mwiiwesese nnddo anaalloteeye. Muhimuwukile vawi khawa uukhululukellakani nichimo nawi ddiidda vawi masivaaka eri mwa olliyooyo.

Eksodo 23:7

Orekamellane ddawoottha. Ohimwiiphe muthu oohilakwa ni oolungama vawi miyaano ngimukhululukella muthu awiipha.

Eksodo 33:19

Vano Apwiya yahaakhulla wi, “Kineerowooniha oreera murima waka ottheene nave kineeroromolla nnddina naka nawi Apwiya vamiitthoni vawo. Kineeromweerella echifundo arive muthu kinapaalleemi omweerella. Nave kineerommorella ethakaraka arive muthu kinapaalleemi oommorella.”

Eksodo 34:9

Sika aallota wi, “Apwiya, mwaarimi mukeerelle echifundo, kinimuuvekani wi muthaanane ni hiyaano. Athwaalla tti awumma murima koma pepaani munikhululukelle ddoolakwa ddahu ni machimwaahu nave munaakhelle hiyaano wi nikhalle athwaanyu.”

Yesaya 45:21

Hankoni mutthopoolle mullatwaanyu, mwiiwanane emodda. Ttaani allotenlle khalleve ddamuhoollo apaalle addillotenlle ddennddo khallekhalle? Ethiyo khe mi Apwiya? Ddawoona, opatula miyaano, khaavo mulluku mmodda, Mulluku oolungama ni oovullusa, khaavottho mmodda opatula miyaano.

Yeremiya 30:11

Miyaano kiri ni nyuwaano, Kineerewuuvullusani, mi Apwiya koollota. Kineerowoononga mitundu ddittheddene dda athu nko kupallalleselleemini, koma nyu nguutthollosani. Nguuhiyani oohillakiwa koma kinuullakeni mweechilungamo.”

Yeremiya 32:18

Munnooniha echikondaanyu yoohisintheya wa athu ooheerengeya koma munnaallaka anamwani ekaamba ya machimo a makhollwiiwa. Nyu Mulluku muullupalli muri amasiva, nnddina nanyu tti Apwiya Amasiva Mattheene.

Yeremiya 9:24

Koma oyo aapaalla wiitukhulla, iitukhulleke wi annakidduwella ni okiiwesesa mi, annadduwella wi mi tti Apwiya eechikondi yoohisintheya, eechilungamo ni echiweruzo va ellapo yavatthi. Va ddenndda sika viri murimaaka.”

Daniele 9:4

Kaavekella wa Apwiya Mullukwaaka, waakhullella machimo wi, “Nyu Apwiya Mulluku muullupalli ni awoopiha, munnasunga echipanganwaanyu ni echikondaanyu yoohisintheya wa athu ayo enuukondani ni othwara malamulwaanyu.

Daniele 9:9

Apwiya Mullukwaahu, muri eechifundo navettho ookhululukella naari nuuwukinleni.

Mika 6:11

Ethiyo ttuuwaattumera oophariha mutteko esikelo ddoolleka apaalle nthumba noolingiwa mwawoottha?

Mika 7:18

Ethiyo ttaani ari Mulluku oophwanaphwana ni nyuwaano, oyo anakhululukella machimo ni ovenyiha ddoolakwa dda oohalla a yoohallanaanyu? Khamunasunga m'murimani onanariwa wa enthawi yoohimalla ekaamba ya echikondaanyu yoohisintheya.

Nahumu 1:6

Ethiyo ttaani anaawore wiimella vamiitthoni va Apwiya, alliwa eshille murima? Ethiyo ttaani anaawore ovillella o owalliiwa? Alliwa enniitha owalliiwa malluku ennaphweeya vamiitthoni viwa.

Mateyu 12:31

Kaambiiwa kinimuulleellani wi ttuuworeya okhululukelliwa athu erive yoochimwa naari ollota epewe, koma oyo anallotella epewe Munepa Waweella khawa akhululukelliwa.

Mateyu 6:12

Munikhululukelle machimwaahu, wonanko mmo ninaakhululukellaahu amodda ayo enilakwenlle.

Luka 7:42

Koma kheyaarina yoohokollosella, sika ahaakhululukella attheenaayo. Vano ttaani mwa eellaalla anaamukonde mullupa ookongolihooyo?”

Luka 7:48

Nave Yesu aallota wa mutthiyanooyo wi, “Machimwaawo aakhululukiwa.”

Mitteko 13:38

Dduwellani nndda Aisraele akhwaakanyu wi oweella mwa Yesu, othenga wookhululukelliwa machimo onnallalleyiwa wa nyuwaano. Oweella mu malamulo a Mose khamwaawore ottaphulliwa o machimwaanyu mattheene,

Mitteko 5:31

Yooyo Mulluku aamuwelliha akhalla onnattanatta naye wi akhalle Oohoollella navettho Oovullusa wi aavahe athu a o Israele ekari yoorukunuwa murima ni okhululukelliwa machimwiiwa.

Aefeso 1:7

Vawi noottaphulliwa ni nikhame na Khrisitu. Machimwaahu aakhululukiwa ekaamba ya waata wa echisomwaaye. Echifundo ya Mulluku tti yuullupalli,

Aefeso 4:32

Nave mweerellaneke echifundo ni oreerellana murima navettho mukhululukellaneke wonanko mmo Mulluku uukhululukelleeyeni oweella mwa Khrisitu.

Deuteronomo 32:35

Ollaka ni ohokollosella ddoonanara tti ddaaka, enthawi ya oserenguwa wiwa eneerophiya, vawi enthawi ya otulliiwa yohaatamella, woonongiwa wiwa onnaakuva.

Deuteronomo 7:10

Koma Mulluku aneerewaahokollosella ddoonanara voowoonongani attheene ayo eniitana ni olliye moohikayika.

Deuteronomo 7:9

Ekaamba ya yeella upuwellani wi Apwiya Mullukwaanyu tti Mulluku mmoddave nave tti oororomelleya. Olliye aneerosunga echipanganwaaye nave aneerewooniha echikondi yoohisintheya wa athu a mibado ddooheerengeya dda ayo enamukonda olliye ni wiiwellella malamulwaaye.

Aheberi 12:29

Vawi Mullukwaahu ari wonanko munllo wawoononga.

Yoswa 24:19

Yoswa ahaalleella athwaayo wi, “Mwaamodda nyuwaano khamuwora waarumeyella Apwiya kaambiiwa tti Mulluku aweella nave eehache. Khuuhiyani wi mumuwukileke nave mumuchimwelleke.

1 Yohane 1:9

Koma naalapa machimwaahu wa Mulluku, olliye tti oororomelleya ni oolungama vookhululukellani machimwaahu ni vooneellihani o ddaweera ddahu ddoonanara ddittheddene.

Yawuupullulla 20:15

Attheene ayo manddiniiwa yahilembiwe mu nibukhu na akumi yaavokhelliwa munyanja ya munllo.

Yawuupullulla 21:8

Koma athu awoova, oohiroromelleya, ookonda ddoonanara, ooraruwa, owiipha, oweera ddookhwiri, oollapella mafano nave attheene awoottha, nipuro niwa sika enyanja ya munllo ni sulufure. Yeella sika okhwa waneepiilli.”