Eksodo 34:16 - Mawu a Mulluku

¹⁶ Apaalle aniinyu aallopwana ttuuwaatthella atthiyana eelleto. Sika atthiyana yaalla yaachimwaka voollapellani milluku ddiwa, eneerewaakopa aniinyu aallopwana wi ellapelleke milluku ddiwannddo.

Eksodo 34:16 Iomraidhean Croise

Genesis 24:3

Kinapaalla wi ollupelle vamiitthoni va Apwiya Mulluku ooddullu ni vatthi wi khomwaashera mutthiyana mwanaka variyari va anamwalli a Akanani wuno niriihunngu.

1 Mamwene 11:1

Mwene Solomoni aanaakonda atthiyana eelleto anchichi. Waanjerera va mwaana aamutthiyana a Farao a o Iguputo, ahaatthellattho atthiyana oovenyera o Mowabu, o Amoni, o Edomu, o Sidoni ni o Hiti.

1 Mamwene 21:25

Khaarivo naari mmodda iikullihalle vaweerani ddoonanara vamiitthoni va Apwiya wonanko Ahabu oyo akopiwe ni mwaariye Yezebele.

2 Epilli 21:11

Aamaka mapuro oollapellamo mafano omiyaangoni o Yuda nave ahaahoollella athu a o Yerusalemu wi ekhalle oohiroromelleya nave ahaahollosa Ayuda ohollowa.

Ezara 9:12

Sika muhaavelleelle aniinyu aatthiyana wa aniiwa aallopwana apaalle waakusa aniiwa aatthiyana ni waavelleella wa aniinyu aallopwana. Nave muhaashe murendelliiwa apaalle eyuumiiwa wi mukhalle amasiva ni ocha ddaphaama dda mwiillaponimmo ni waahiyera aniinyu wi ekhalle yayiwayayiwa enthawi yoohimalla.’

Ezara 9:2

Aisraele attheene ahaakusa anamwani amodda aatthiyana a ellapo ddenndda okhalla awariwa ni awariwa a aniiwa sika wi mutundu wa athu oopatuleya woottakanyiherana ni athu a mitundu ddimodda. Nave mu ohiroromelleyanngu, oohoollella ni attekweene sika enahoollella ddoonanara.

Nehemiya 10:30

Khaniwa naavelleella aniihu aatthiyana wi etthelliwe ni anamwani a athu eelleto nave khenaakusa aniiwa aatthiyana wi etthelliwe ni aniihu.

Nehemiya 10:31

Nave athu a mitundu ddimodda amwiillaponimmo yawaana tirigu apaalle ddeko ddimodda ddookulliha va nllapo na Sabata, khenaakulla nllapo nenno naarittho va nirive nllapo naweella. Orive muyakha waneetthanu ni piilli nineerewiithuuwiha emata nave nineerokhululukella ekongoli ddittheddene.

Nehemiya 13:23

Enthawi yeeyo kaawoona Ayuda ayo yaatthenlle atthiyana a o Ashidodi, a o Amoni navettho a o Mowabu.

Nehemiya 13:25

Vano kaakanganana ni waatembelela nave kaawuukutha amodda ni waatulla meehiiwa. Nave kahaallupelliha vamiitthoni va Mulluku wi, “Muhaatthellihe aniinyu aatthiyana wa allopwana eelleto nave nyuwaano ni aniinyu aallopwana muhaatthelle atthiyana eelleto.

Masalimo 106:39

Yahiiripiha ni mitteko ddiwa, ekhalla hule va ddaweera ddiwa.

Hoseya 1:2

Apwiya yallotilliiwa vawaamba ni Israele oweella mwa Hoseya yaamulleella wi, “Khawe wamutthelle hule nave omuyarelle anamwani ayo enaakhalle ooraruwattho. Vawi athu a mwiillaponimmu tti oohiroromelleya vookihiyani mi Apwiya.”

Levitiko 21:15

wi ahiripihe edduullu ddaye vawi mi tti Apwiya ayo yamupatulalle.”

Yoswa 23:12

Mwahokollowella mutulli nave mwattakanyiherana ni mitundu ddoohalla nndda ddiri variyari vanyu munaatthella nave alliwa enuutthellani,

Yoswa 23:13

mudduwelle wi Apwiya Mullukwaanyu kheyiikariha mitundu ddenndda vamiitthoni vanyu. Koma athwaayo enaakhalle wonanko musampha wa nyuwaano apaallettho wonanko nikwekwe. Enaakhallettho wonanko muwashullo woovoreya vamutthanani vanyu apaalle wonanko miiwa ddawuuhomani m'mwiitthoni mwanyu. Ddenndda ddineerekeweereya ophiyera nyuwaano mutthollowille mu ellapo yaphaameella eyo Apwiya Mullukwaanyu yuuvahilliiwani.

Oweeruza 14:3

Koma attiitthinnya ni amennya yaamukoha wi, “Ethiyo khaavo mutthiyana awi omutthelle variyari va abalaawaalla apaalle variyari va athu amutundwaahu, onapaalleewe wi omutthelle namwalli Eefilisti, oohiphaddiwa?” Koma Samisoni ahaalleella attiitthinnyaalle wi, “Mi mwakikuselle yooyo vawi annakiya m'mwiitthoni.”

Oweeruza 3:5

Sika Aisraele yaakhalla variyari va Akanani, Ahiti, Aamori, Aperezi, Ahivi ni Ayebusi.

Oweeruza 3:6

Aisraelaayo yahaamba waatthella athu a milloko ddenndda nave yaanaatthelliha aniiwa wa athu a milloko ddenndda. Vatulli viwa yahaamba ollapella milluku ddiwa.

Oweeruza 8:27

Golidooyo aamweeka oopa mafano ooromolliwa Efodi ahiya mu muzindaaye wa Ofura. Vano Aisraele attheene yaamuhiya Mullukwiiwa yaamba ollapella mafano a efodeeyo wenko nave yaatthattuwa musampha wa Gideoni ni a vanibanjani naye.