Eksodo 34:13 - Mawu a Mulluku

¹³ Mwakumulle makuwiiwa, moononge mallukwiiwa oopatuleya nave mwakakathe mafanwiiwa a Asherimu.

Eksodo 34:13 Iomraidhean Croise

1 Mamwene 14:15

Nave Apwiya eneeromutikha Israele wonanko epango yam'maaddini. Eneerewaavenyihamo Aisraele attheene mu ellapo yaphaameella eyo yaavahilliiwa makhollwiiwa nave eneerewaapallallesella okhopella wa muhinje wa Yufurate, kaambiiwa yahiisemella mafanwiiwa a Asherimu waashiha murima Apwiya.

2 Mamwene 10:27

Sika yaakumulla nifano na Baala ni enyumbaaye eyitthattusa nddalla ophiyera ollello.

2 Mamwene 18:4

Ahoononga mapuro oollapellamo mafano, ahaakumulla apoto oopatuleya, ahinttaka mafano a Asherimu. Nave aakotholla enowa ya mukuwa elle ayipangille Mose vawi Aisraele ennayoosella lubani* ophiyera ollello. Nnddina niwa naari Nehushitani.

2 Mamwene 23:14

Aakumullattho apoto oopatuleya ni mafano a Asherimu mattheene nave va mapuro viwa aamwaravo makhuva a athu ookhwa.

2 Epilli 14:3

Vano aavenyihawo makuwa mattheene eelleto ni woononga mapuro oollapellamo mafano nave aakumulla apoto oopatuleya ni winttaka mafano a Asherimu.

2 Epilli 15:16

Mwene Asa ahaavenyiha omwene amunne, Maaka ekaamba yawi yaapanga nifano na Asherimu. Olliye aanoononga nifanonno anipwesa, anoosa o ntapo na Kidroni.

2 Epilli 17:6

Olliye aahiya murimaaye va waathwara Apwiya. Waanjerera vaavo, aakumulla mapuro oollapellamo mafano ni mafano a Asherimu a o Yuda.

2 Epilli 24:18

Vano yaahiya enyumba ya Apwiya, Mulluku a makhollwiiwa enarumeyella mafano a Asherimu. Sika osha murima wa Apwiya waaphiya va athu a o Yuda ni Yerusalemu ekaamba ya ochimwa wiwa.

2 Epilli 31:1

Ddittheddene ddimanlle, Aisraele attheene yaphwanyeyevo yaaya o mizinda dda Yuda yaakumulla apoto oopatuleya, yinttaka mafano a Asherimu ni woononga mapuro oollapellamo mafano ni makuwa o ellapo ddittheddene dda Yuda, Benjamini, Efuremu ni Manase ophiyera yaadditthollosa ddittheddene. Vatulli viwa Aisraele attheene yaahokollweella o mizinda ddiwa, arive muthu owaniwa.

2 Epilli 33:19

Nave ovekella waye ni mmottho Mulluku iiwelleeye, machimwaaye mattheene, ohiroromelleya waye ni mapuro amakilleeye oollapellamo mafano nko iimenseeye mafano a Asherimu ni mafano mamodda ahiniiyevihe, ddittheddenenndda ddoolembiwa mu nibukhu na epilli ya anamallotella.

Eksodo 23:24

Sika muhiddikokhorelle milluku ddiwa apaalle oddillapella. Muheerekena nnddo eneeresa athu yaayo. Moonongelleetu milluku ddiwa navettho mwakumulle apotwiiwa oollapellavo.

Yesaya 17:8

Nave kheroromella makuwa yaamakilliiwa weekhiiwa apaalle yaapotokosilliiwa ni mattiiwa naari mafanwiiwa a Asherimu apaalle makuwa awoosellavo lubani.*

Yesaya 27:9

Sika machimo a Israele eneerokhululukelliwa nave eneerewooniha olapa wawoona vookumullani malluku mattheene a makuwa eelleto ni waatthattusa nthupi nave vano khavikhallattho makuwa eelleto a lubani* ni mafano a Asherimu.

Yeremiya 17:2

Aniiwa ennuupuwella mapurwiiwa oollapellamo ni mafanwiiwa a Asherimu vatthi va orive muteekho woovattha mwiillaponimmo.

Mika 5:14

Kineerokumulla mafanwaanyu a Asherimu mwiillaponi mwanyu nave kineerewoononga mizinda ddiwa.

Numeri 33:52

muwiikarihe athu attheene a mwiillaponi mwemmo mwaphiyawo. Nave moononge ddoophwanaphwaniha ddoosema ddiwa, mafanwiiwa a mikoko ni mapurwiiwa oollapellamo mafano.

Deuteronomo 16:21

“Muhiimese mafano a Asherimu vakhwipi va nikuwa na Apwiya Mullukwaanyu nno munaamakeenyu.

Deuteronomo 16:22

Nave muhiimeseke malluku oopatuleya vawi Apwiya Mullukwaanyu enniitanana ddenndda.”

Deuteronomo 7:5

Koma munipuroni mwene mwakumulle makuwiiwa, moononge mallukwiiwa oopatuleya, mwapwaramwase mafanwiiwa a Asherimu nave mwawoose mafanwiiwa oosema.

Oweeruza 2:2

Vano nyuwaano muhinapangana ni athu ookhalla mwiillaponimmu. Mukumulle makuwiiwa mattheene.’ Koma nyuwaano khamwiiwellelle lamulo naka. Ella mweerilleenyu tti tini?

Oweeruza 6:25

Mahiiyu vaavo Apwiya yaamulleella Gideoni wi, “Okuse eng'ombe yaamullopwana, yaneepiilli, yamiyakha mitthanu ni miilli, yaattiittho. Nave wakumulle nikuwa na Baala nno attiittho eriiwana. Wakuhevo nifano na Asherimu nno niri vakhwipi va nikuwanno.

Oweeruza 6:26

Vano vaddullu va mpandamva omakevo nikuwa na Apwiya Mullukwaawo ni malluku ootthatta phaama. Okuse eng'ombe yaamullopwana, yaneepiilli, yamiyakha mitthanu ni miilli, yaattiitthweelle ovelleelle mukutho wooshellelliha. Okuse nifano na Asherimu nno onaakuheewe wi okhalle ekhuni.”