Eksodo 33:7 - Mawu a Mulluku

⁷ Mose aakusa musasa woopatuleya aya awutthipella otte wa misasa wuuteete vang'ono. Sika aawuvaha musasooyo nnddina nawi, “Musasa wa ophwanyeya wa Apwiya.” Arive muthu apaalla okoha ello wa Apwiya aanakhumawo omisasaninko aya o musasa wa ophwanyeya wa Apwiya.

Eksodo 33:7 Iomraidhean Croise

2 Samuele 21:1

Enthawi ya omwene wa Davide waakhalla ettalla wa miyakha miraru ddoothwarana. Nave Davide aaveka ezeru wa Apwiya nave Apwiya yaamulleella wi, “Saulo ni nibanja naye aakhalla ni mullatu woowiipha Agibiyoni.”

Masalimo 10:1

Nyu Apwiya kaambiiwa tini mwiimenlleenyu voorekamella, muniipittheenyu naahoosiwaka?

Masalimo 27:8

Kinnuupuwella, mwaallota wi, “Mwaashaasheke ekhovaaka.” Murimaaka waallota wi, “Nyu Apwiya kinnaashaasha ekhovaanyu.”

Masalimo 35:22

Nyu Apwiya, moonille ddenndda, muhineera ellapo tuu! Nyu Apwiya muhinakirekamella miyaano.

Eksodo 18:12

Sika Yetero aaheraatthi wa Mulluku mukutho wooshellelliha ni mikutho ddimoddattho. Nave Aroni ni oohoollella a Aisraele yaawa wi eche ni Yetero vamiitthoni va Mulluku.

Eksodo 18:7

Vano Mose ahaachingamella aya akumanana nave aamukokhorella ni omukhupaarella. Ellochellanne, yaavollowa m'musasani wa Mose.

Eksodo 33:6

Sika ovenyera o mwaango wa Horebu Aisraele kheyaawarattho ddawiireerihana.

Eksodo 33:8

Enthawi ddittheddene Mose aayaaka omusasaninko, athu attheene yaaniimella m'millakoni mwiwa enamuweha ophiyera avollowille.

Miyambo 15:29

Apwiya ennaarekamella athu oonanara koma enniiwa mavekello a oolungama.

Yesaya 59:2

Koma machimwaanyu ahuumwallanihani ni Mullukwaanyu nave aaddiipitthiha ekaamba ya machimwaanyu wi ahiiwe munalloteenyu.

Hoseya 9:12

Naari erimaayara anamwani kineerowoononga, khekhallana naari mmodda. Eneerokhalla ni otulli kaahiya.

Deuteronomo 4:29

Wenko nyuwaano muneerowaashaasha Apwiya Mullukwaanyu nave mwawaashaasha ni murimaanyu muttheene ni okumaanyu muttheene muneerewaaphwanya.

Aheberi 8:2

Olliye anarumeyella wonanko mullupa mukutho muullupalli mu nipuro naweellesesa na muwari mwa musasamusasa oyo wamakiwe ni Apwiya, ohiri ni athu.