Eksodo 33:4 - Mawu a Mulluku

⁴ Sika athu yiiwalliiwa mawu awoopihaalle, yahaamba winlla nave khaarivo naari mmodda awarille ddawiireerihana.

Eksodo 33:4 Iomraidhean Croise

2 Samuele 19:24

Vano Mefibosheti, edduullu ya Saulo, aaya akumana ni mwene. Khaasuusullalle meto, khaachemille ereru, khaachapille ddoowara ddaye waambeella nllapo nno mwenooyo akhumalleeye mu Yerusalemu, ophiyera nllapo nno ahokollowilleeye mwamurendelle.

1 Mamwene 21:27

Ahabu iiwalle mawu yaalla, ahaahulla ddoowara ddaye, awara eziguduli. Aahalla ocha,* akona va ezigudulinnddo nave ahaamba weeta mwawiiyeviha.

2 Mamwene 19:1

Hezekiya iiwalleeye ddenndda, ahaahulla ddoowara ddaye mwathakaraka nave aawara echiguduli avollowa mu enyumba ya Apwiya.

Ezara 9:3

Kiiwalleemi ddenndda kahaahulla ddoowara ddaka ni mukanjwaaka ekaamba ya ethakaraka nave kaatulla meehi a m'muruni mwaka ni ereru ddaka kikeraatthi mootathilla murima.

Yobu 1:20

Vano Yobu aavenya, aahulla mukanjwaaye nave aachema murwaaye. Nave aakokhora ni waallapella Apwiya

Yobu 2:12

Voomoonellani voorekama Yobu kheyaamudduwenlle, sika yahoopa ekutho. Yahaahulla mikanjo ddiwa, yiihella nthupi omuruni.

Eksodo 33:6

Sika ovenyera o mwaango wa Horebu Aisraele kheyaawarattho ddawiireerihana.

Yesaya 32:11

Nyu oohikhupanya erive ello, tthukumellani! Nyu atthiyana a vamurendelleni, halleellani! Rullani ddoowara ddanyu nave makellani eziguduli.

Ezekiele 24:17

Wiipullelle koma yamuwariwari, ohinoopa ekutho. Oware enduwiraawo ni esapato ddawo. Ohikhuneelle owiitthoni apaalle ocha yoocha ya anaamukhwelle.”

Ezekiele 24:23

Muneerowara enduwira, muneerowarattho esapato. Khamoopa ekutho apaalle omoriha miitthori. Koma muneerokatamiheya ekaamba ya machimwaanyu nave muneerekewiipullellellana muthu ni mukhwaaye.

Ezekiele 26:16

Vano mamwene mattheene a o enyanja eneerokittha m'mipandoni ddiwa ddoomwene. Mikanjo ddiwa eneeroddihiya vakhwipi nave eneerorulla ddoowara ddiwa ddoopeta. Eneerokeraatthi vatthi etthukumellaka ekaamba yawoova nave ekaamba ya nnddo enaaddooniiwa enaakhulle owanoni kakalla’

Hoseya 7:14

Winllella wiwa wa miyaano tti wawoottha. Enniirema wonanko athu oohimudduwella Mulluku ekaamba yoopaalla yoocha ni yoowirya koma ennakiwukila.

Levitiko 10:6

Vano Mose aamulleella Aroni ni anaaye Eleazara ni Itamara wi, “Muhinakhalla oohipesa apaalle waahulla ddoowara ddanyu wooniha ethakaraka, woova wi munaakhwe navettho wooviha wi Apwiya eneerewaashella murima athu attheene. Koma Aisraele akhwiinyu sika enawinlle ekaamba ya munllo oyo Apwiya yaashellellihalliiwana Nadabu ni Abihu

Yona 3:6

Mwene o Nineve vawiiwani ddennddo, aakittha va vampandoni vaye woomwene nave aarullattho mukanjwaaye. Aawara echiguduli nave ahiiyeviha vookeraatthi vaddallani.

Zekariya 7:3

Yapaallattho wi yaakohe allupa mukutho a o enyumba ya Apwiya Amasiva Mattheene ni anamallotella wi, “Ethiyo hiyaano ninlleke ni ohalla ocha* va mweeri waneetthanu wonanko mmo neerelleehu wa miyakha ddinchichi?”

Zekariya 7:5

“Alleelle athu attheene a mwiillaponi ni allupa mukutho wi mwahalleenyu ocha ni winlla va mweeri waneesese ni va mweeri waneetthanu ni piilli wa miyakha 70, khamweera ekaamba ya miyaano.

Numeri 14:1

Vano Aisraele attheene yaakhuwa wunchichi nave yahinlla mahiiyu yaayo.

Numeri 14:39

Mose ahaalleella Aisraele mawu mattheenaalla nave athu yahinlla wunchichi.

1 Samuele 6:19

Apwiya yaawiipha athu 70 o Beteshemeshi kaambiiwa yaatthurumella mu nibokosi na echipanganonne. Nave amodda yahinlla vawi Apwiya yaawiipha anchichi vamiitthoni viwa.