Eksodo 33:17 - Mawu a Mulluku

¹⁷ Vano Apwiya yaamulleella Mose wi, “Kineereweera moollikana ni mmo ollotilleewe ekaamba yawi kooweerella echifundo ni weyaano nave kinnuudduwella phaama.”

Eksodo 33:17 Iomraidhean Croise

Genesis 18:32

Voomallihella, Abrahamu aallota wi, “Pepaani, muhinakishella murima Apwiya koma killote omoddave. Ethiyo nanga mwaaphwanya oohichimwa khumive?” Nave Apwiya yaallota wi, “Kaaphwanyamo oolungama khumi, ngoononga.”

Genesis 19:19

Ngoonani, mookimoriwella ethakaraka mi oorumeyellaanyu nave mookeerella echifundo wunchichi voovullusani okumaaka. Komathi miyaangonnddo ddiri voorekama wunchichi. Woonongeya wa nipuronna mullotillaanyunngu ttuuweereya miyaano kihinaphiye omiyaangoninnddo nave kineerokhwa.

Genesis 19:21

Mungelooyo ahaakhulla wi, “Kohaakhullella ddennddo vawi ngoononga mwanamuzinda yooyo.

Genesis 6:8

Koma Nowa aheerelliwa echifundo ni Apwiya.

Eksodo 33:12

Mose ahaalleella Apwiya wi, “Mookhalla mukilleellaka wi kaahoollelle athwaalla o ellapweeyo koma khemukilleelle oyo munaamurumeenyu wi athaanane ni miyaano. Komave moollota khalle wi, ‘Kinnuudduwella phaama nave kooweerella echifundo.’

Yesaya 45:3

Kineerewuuvaha eyuuma yawiipittheya, ddoowallamella mutengo munipuroni noovittheya sika oneerodduwella wi mi tti Apwiya Mulluku a Israele oyo kinawiithana ni nnddina nawo.

Yesaya 65:24

Kineerowaakhulla ehinamallihe wiithana nave kineerowiiwa ehinamallihe ollota.

Yohane 16:23

“Nllapo nenno naphiya khamukivekattho erive ello. Ddawoona, kinimuulleellani wi mwaveka erive ello wa Attiitthaaka mu nnddina naka, eneerewuuvahani.

Deuteronomo 9:19

Miyaano kaanoova osha murima wa Apwiya wawoopihanko ekaamba yawi yaaweerowoonongani. Koma enthawi yeeyo Apwiya yahiiwattho ovekella waka.

Yakobo 5:16

Sika vano muwululellaneke machimwaanyu nave muvekellaneke wi muchirihiwe. Nivekello na muthu oolungama ninnakhalla namasiva nave ninnaphara mutteko.