Eksodo 32:5 - Mawu a Mulluku

⁵ Aroni oonilleeye ddenndda aamaka nikuwa vahoollo va musaanaang'ombe a golidooyo. Vano aallalleya wi, “Osiisello oneerokhalla ehakallallo yoowaatitimiha Apwiya.”

Eksodo 32:5 Iomraidhean Croise

1 Mamwene 21:9

M'makalatanimmo alembillemo wi, “Llalleyani wi athu ehalle ocha nave Naboti emuhiye vawooneyella ni athu.

2 Mamwene 10:20

Vano Yehu aalamula wi: “Mullalleye wi wookhalla mutthukumano woomuriiha ni omuvaha olemu Baala.” Sika athu yaallalleya dda mutthukumanooyo.

2 Mamwene 16:11

Sika Uriya mullupa mukutho aamaka nikuwanno, mwene Ahazi ahinaphiye ovenyera o Damasiko. Animakille moothwarihella echisanzo eyo Ahazi arumihalleeye ovenyera o Damasiko.

2 Epilli 30:5

Vano athu yaasimikiza wi ellalleye mu Israele mutthemwene waambeella o Beeresheba omwera ophiya o Dani ompoto wi athu ewe yeere Paska a Apwiya Mulluku a Israele o Yerusalemu vawi khe athu anchichi yeera moollikana ni mmo ddalembelliwiiwa.

Eksodo 10:9

Nave Mose ahaakhulla wi, “Attheenehi, anamwani ni attekweene nineeroyaawo. Ninaayeewo ni aniihu aallopwana, aniihu aatthiyana, enkhosa, epuri, abulu ni eng'ombe ddahu ddene, ekaamba yawi nineereweera ehakallallo yowaallapella Apwiya.”

Eksodo 12:14

Munuupuwelleke nllapo nenna mvo munaakhallekeenyu ni ehakallallo yookititimihana miyaano, Apwiya. Mibado ddanyu ddittheddene ddisungeke nllaponna wi nikhalle lamulo wa enthawi yoohimalla.”

Eksodo 17:15

Nave Mose aamaka nikuwa aanivaha nnddina nawi, “Apwiya sika embenderaaka.”

Eksodo 32:4

Sika Aroni aamwaakhella golidooyo ovenyera wa athwaayo nave aamweeka, amoopa musaanaang'ombe mu echikombole. Nave athu yahaamba okhuwa wi, “Aisraele, olla sika mullukwaahu oyo anikhumihalle o Iguputo.”

Eksodo 32:6

Sika osaka wene ohinase aavelleella mikutho ddooshellelliha ni mikutho ddeeyaattano. Nave athu yaayo yaakeraatthi wi eche ni owirya nave yaavenya yiina.

Hoseya 8:11

“Aefuremu yahoonjera makuwa oovenyihellavo machimo koma makuwaayo yaatthattuwa mapuro oochimwellavo.

Hoseya 8:14

“Aisraele ahiimakella enyumba dduullupalli omutiwalla owaaphatusiiwa. Ayuda ahoonjerera mizinda ddampanda. Koma miyaano kineerewoosa mizindannddo nave munllooyo oneerohella enyumba ddiwa dduullupallinnddo.”

Levitiko 23:2

aalleelle Aisraele wi, “Mallapo a ehakallallo ootthoolliwa a Apwiya ayo munaawaallalleyeenyu wi ekhalle mallapo a mitthukumano ddoopatuleya, mallapo a ehakallallo ayo miyaano kaatthoonlleemi.

Levitiko 23:21

Vano va nllapo nenno muwiithane athu o mutthukumano woopatuleya nave muhinaphara mutteko. Nenna nikhalle lamulo wa enthawi yoohimalla wa mibado ddanyu ddittheddene orive weko nko munaakhallekeenyu.

Levitiko 23:37

“Yaalla tti mallapo a ehakallallo ootthoolliwa waariiha Apwiya, ayo munaawaallalleyekeenyu wi tti enthawi ya mutthukumano woopatuleya. Mallapo yaayo, muvelleelleke wa Apwiya mikutho ddawoosiwa viikho wonanko dda ddooshellelliha, dda othu, dda enama ni dda ddoowirya, orive mukutho nllapo naayenaaye.

Levitiko 23:4

“Alla tti mallapo mamodda a ehakallallo ootthoolliwa ni Apwiya, mallapo a mitthukumano ddoopatuleya ayo onaawaallalleyeewe va enthawiiwa.

1 Akorinto 5:8

Hankoni vano nihakallalle ni Paskaahu oohikhalla ni yisiti akhalle, yisiti a ddoonanara nave a machimo koma ni buledi oohikhalla ni yisiti, buledi a yaweella ni a yawoona.

1 Samuele 14:35

Vano Saulo ahaamakella Apwiya nikuwa. Nna naari nikuwa naye nawaamba waamakella Apwiya.