Eksodo 32:4 - Mawu a Mulluku

⁴ Sika Aroni aamwaakhella golidooyo ovenyera wa athwaayo nave aamweeka, amoopa musaanaang'ombe mu echikombole. Nave athu yahaamba okhuwa wi, “Aisraele, olla sika mullukwaahu oyo anikhumihalle o Iguputo.”

Eksodo 32:4 Iomraidhean Croise

1 Mamwene 12:28

Vano Yerobowamu aganizalle ddenndda, aasema mafano agolide meelli a asaanaang'ombe. Nave ahaalleella athu wi, “Mookhalla muyaaka o Yerusalemu woollapella wa enthawi yoorekama. Nyu Aisraele attheene, milluku ddanyu dduukhumihalleni mu ellapo ya Iguputo tti nndda.”

1 Mamwene 12:32

Vano Yerobowamu aakeraatthiha nllapo na ehakallallo va nllapo na khumi ni sese na mweeri waneetthanu ni raru, noophwanaphwana ni nllapo na ehakallallo yeereya o Yuda. Aanavelleella mikutho wa mafano a asaanaang'ombe vanikuwani o Betele. Vano o Betelinko ahaahiyawo allupa mukutho o mapuro oollapellamo ayo aapangilleeye.

2 Mamwene 10:20

Vano Yehu aalamula wi: “Mullalleye wi wookhalla mutthukumano woomuriiha ni omuvaha olemu Baala.” Sika athu yaallalleya dda mutthukumanooyo.

2 Mamwene 10:29

Koma khaahiyallesese ddoonanara nnddo eera Yerobowamu mwaana a Nebati nnddo aachimwihalleeyena Aisraele. Khaahiyalle ollapella mafano agolide a asaanaang'ombe ayo yaari o Betele ni o Dani.

2 Epilli 11:15

nave ahaatthoolla allupa mukutho aayeaaye wi erumeyelleke mapuro oollapellamo mafano monga a anankhoro musaanaapuri ni a musaanaang'ombe ayo aapangilleeye.

2 Epilli 13:8

Vano nyuwaano munaganiza ddoollipana ni omwene wa Apwiya wi muwaakhe ovenyera wa anamwani a Davide vawi nyu muri anchichi nave mookhallana mafano a asaanaang'ombe agolide uupangelleni Yerobowamu wi ekhalle milluku ddanyu.

Nehemiya 9:18

Naari yiipangelliiwa nifano na musaanaang'ombe ellota wi, ‘Olla sika Mullukwaahu anikhumihalle o Iguputo,’ nave naari yeerille ddeko ddawuuvevullani dduullupalli,

Eksodo 20:2

“Mi tti Apwiya Mullukwaawo oyo kuukhumihalle mu okaporo o Iguputo.

Eksodo 20:23

Muhiipangelle weekhiinyu milluku dda siliva apaalle dda golide wi muddillapelleke moopweserera ni miyaano.

Eksodo 20:4

“Ohiipangelleke nifano noophwanaphwana ni erive ello yooddullu apaalle erive ello ya va ellapo yavatthi apaalle erive ello ya m'maaddini a vatthi va ellapo.

Eksodo 28:11

Manddiniiwaayo waalembe mowaagobani vamallukuni meellaayo, mweeruso ya muthu oogoba malluku. Nave mallukwaayo ekhalle mu ddoohiyamo ddiwa ddagolide.

Eksodo 28:9

Okuse malluku meelli a onikisi nave olembevo manddina a anamwani aallopwana a Israele.

Eksodo 32:1

Athu yoonille wi Mose oollekellawo omwaangoni wulle ahikitthakawo, yaatthukumana emwaapheella Aroni nave yaamulleella wi, “Noopelle mulluku awi anihoollelleke vawi khaninadduwella emweereyelle Mose, oyo anikhumihalle o Iguputo.”

Eksodo 32:24

Sika kahaalleella wi, ‘Arive muthu oyo ari ni golide aweena wa miyaano.’ Nave oyo aarina ddeko ni golide aakivaha. Kaaddivokhella vamunlloni nave mwaakhuma musaanaang'ombe.”

Eksodo 32:3

Vano athwaayo yaarulla endolo ddiwa ddagolide nave yaawaana wa Aroni.

Eksodo 32:35

Sika Apwiya yaarumiha ereta wa athwaayo ekaamba yawi yaamuwatihera Aroni wi aapangelle musaanaang'ombe agolide.

Eksodo 32:5

Aroni oonilleeye ddenndda aamaka nikuwa vahoollo va musaanaang'ombe a golidooyo. Vano aallalleya wi, “Osiisello oneerokhalla ehakallallo yoowaatitimiha Apwiya.”

Eksodo 32:7

Vano Apwiya yaamulleella Mose wi, “Akuva, kittha mwaango vawi athwaawo waakhumihalleewe o Iguputwaalle aachimwa nave aakikhoota wunchichi.

Eksodo 32:8

Aahiya khalle mwawaakuva ddittheddene kaalamulelleemi wi eddeereke. Yooddoopella weekhiiwa musaanaang'ombe a golide aweeka nave enimamullapella ni omuvelleellella mikutho ni ollota wi, ‘Aisraele, olla sika mullukwaahu oyo anikhumihalle o Iguputo.’ ”

Yesaya 30:22

Vaavo muneerokusa mafanwaanyu, mamodda oohuruwelliwa ni siliva nave amodda ni golide nave muneerewaatathilla wonanko ekattha voollotani wi, “Ddivenyevo ddenndda.”

Yesaya 46:6

Amodda ennamukhumiha golide m'mathumbani mwiwa, ennamulinga siliviiwa vasikeloni. Ennamulemba eeruso yoomuhana golide, olliye annaapangella mwanamulluku, ennakokhora ni omullapella.

Ezekiele 23:8

Khaahiyalle makhallellwaaye ooraruwa ayo ahuddenreeye o Iguputo nko allopwana yararuwiiwana, enamuphara mapelle, enakonana ari namwalli,

Hoseya 10:5

Athu a o Samariya eneerewoova nifano na musaanaang'ombe a o Betehaveni noonongiwa. Athwiiwa eneeroninllella navettho allupa mukuthwiiwa eneeromwinllella mullukwiiwooyo vawi ntitimiho naye noomuvenyeravo.

Hoseya 13:2

Vano enimachimwave, enniipangella mafano awoopiwa ni siliviiwa. Mafano mattheenaayo tti mitteko dda athu eeruso. Ennallota wi, ‘Velleellani mikutho wa yaalla nave mwaallapelle asaanang'ombaalla vawaakhupaarellani.’

Mitteko 17:29

Ekaamba yawi niri anamwani a Mulluku, nihiganizeke wi ari wonanko mafano a golide apaalle siliva apaalle nlluku, ddoopangiwa ni ezeru ni matta a athu.

Mitteko 7:41

Vano mallapo yaayo yahoopa ello yoophwanaphwana ni musaanaang'ombe, yaaheraatthella mukutho yeeyo nave yaahakallalla ni eyo yoopilliiwa.

1 Akorinto 10:7

Nihillapelleke mafano wonanko amodda a yaayo. Vawi mawu a Mulluku enallota wi, “Athu yaayo yaakeraatthi wi eche ni owirya nave yaavenya yiina.”

Deuteronomo 9:16

Kahoona wi mwahaachimwella Apwiya Mullukwaanyu vooddoopellani nifano na musaanaang'ombe. Mwaahiya mwawaakuva osunga malamulo ayo Apwiya yuulamulalleewani.

Oweeruza 8:24

Gideoni ahaalleellattho wi, “Kuuvekeni ello emodda. Arive muthu a nyuwaano akivahe endolo mwaakhilleenyu okhotoni.” (A Midiyani yaanawara endolo ddagolide wonanko yawarella athu a muchipululuni, Aishmaele).

Oweeruza 8:27

Golidooyo aamweeka oopa mafano ooromolliwa Efodi ahiya mu muzindaaye wa Ofura. Vano Aisraele attheene yaamuhiya Mullukwiiwa yaamba ollapella mafano a efodeeyo wenko nave yaatthattuwa musampha wa Gideoni ni a vanibanjani naye.