Eksodo 32:33 - Mawu a Mulluku

³³ Koma Apwiya yaamulleella Mose wi, “Yooyove akichimwelle miyaano, sika kinaavenyiheemi nnddina naye munibukhuni mwaka.

Eksodo 32:33 Iomraidhean Croise

Masalimo 69:28

Mwaavenyihemo mu nibukhu na akumi, ehilembiwe nimodda ni athwaanyu.

Masalimo 69:29

Koma miyaano koohooseya nave kinniiwa ovoreya, nyu Mulluku, kitukhulleni wi kivulluwe.

Masalimo 9:5

Moohumullulla mitundu ddittheddene, moowoononga athu oonanara, khewa yuupuwelliwa wa enthawi yoohimalla.

Eksodo 17:14

Vano Apwiya yaamulleella Mose wi, “Ddenndda muddilembe munibukhuni wi dduupuwelliweke nave mullote vamiitthoni va Yoswa wi kineerothiimiha nnddina na Aamaleke.”

Ezekiele 18:20

Muthu anaakhwe tti oyo achimwalle. Mwaana khakhwella machimo a attiitthinnya nave attiitthi khekhwella machimo a mwaniwa. Muthu oolungama aneerohata dda echilungamwaaye. Muthu oonanara aneerohata ddoonanara ddaye.”

Ezekiele 18:4

Okumi muttheene tti waaka. Okumi wa nikhollo tti waaka, wa mwaana tti waakattho. Muthu oyo achimwalle sika anaakhwe.

Levitiko 23:30

Arive muthu oyo anaaphare mutteko va nllapo nenna, kineeromoononga variyari va Aisraele.

Deuteronomo 29:20

Apwiya khemukhululukella muthu awi ddiidda vawi Apwiya eneeromushella murima ni ehache yookhara. Nave matembelelo oolembiwa munibukhunimmu eneeromumorella nave Apwiya eneeromoononga wawi khawa uupuwelliwa va ellapo yavatthi.

Afilipi 4:3

Nave weyaanottho, mukhwaaka oororomelleya, kinapaalla wi waakavihereke atthiyanaalla; vawi aallipihella ophara mutteko woovuwiha othenga waphaama ni miyaano, vamodda ni Kilementi ni allupa mutteko akhwaaka attheene, ayo manddiniiwa eri mu nibukhu na akumi.

Yawuupullulla 13:8

Athu attheene ookhalla va ellapo yavatthi eneerollapella enama yawoopiha yuullupalleeyo, waapatula yaayove manddiniiwa yalembiwe ehinaphatusiwe ellapo yavatthi mu nibukhu na akumi na mwaanaankhosa iiphiwoolle.

Yawuupullulla 20:12

Nave kaawoona ookhwa, uullupalli ni ang'onong'ono, yiimenlle vamiitthoni va mpando woomwene. Mabukhu yaahulliwa, nibukhu nimodda nahulliwe naari nibukhu na akumi. Athu ookhwaayo yaheeruziwa moollikana ni mitteko ddiwa nnddo ddalembiwe m'mabukhunimmo.

Yawuupullulla 3:5

Oopambanaayo eneerowarihiwa ddaweella ddiidda nave ngivenyiha manddiniiwa mu nibukhu na akumi. Vamiitthoni va Attiitthaaka ni angelwaaye kineerewaakhullella wi tti athwaaka.