Eksodo 32:26 - Mawu a Mulluku

²⁶ Mosooyo ahiimella vahoollo va misasa nave aakoha mookhuwa wi, “Ethiyo ttaani ari o embali ya Apwiya? Waani wuno wa miyaano.” Nave Alevi attheene yaatthukumana emwaapheella olliye.

Eksodo 32:26 Iomraidhean Croise

2 Samuele 20:11

Muthu mmodda a akhoto a Yowabu vakhwipi va mutembo wa Amasa, allota wi, “Arive muthu anapaalla omuthwara Yowabu ni Davide, amuthwareke Yowabooyo.”

2 Mamwene 9:32

Yehu aaweha va niwindo allota wi, “Ethiyo aniiwanana ni mi ttaani?” Vano oorumeyella eelli apaalle araru a o enyumba yoomwene yaamuweha Yehu.

Masalimo 94:16

Ethiyo ttaani anaallipe murima wi akivaddere ekhoto ni oonanara? Ethiyo ttaani anaakhalle o embalaaka wi allipane ni aweera ddoonanara?

Eksodo 32:25

Mose ahoona wi athwaayo tti ookatamiha kaambiiwa Aroni ahaattumera ophiyera alliwaayo yaatthattuwa athu oovevulliwa vamiitthoni va adaniiwa.

Eksodo 32:27

Nave Mose ahaalleella wi, “Apwiya Mulluku a Aisraele enallota wi, ‘Arive muthu a nyuwaano akuse nsupada naye nave eete m'misasani mutthemwene, erive embali nave amwiiphe mwanamunne apaalle mukhwaaye apaalle munasaaye.’ ”

Mateyu 12:30

“Muthu oyo ahiniiwanana ni miyaano, yooyo annakikhoota miyaano; navettho oyo ahinakikavihera waatthukumaniha athu mu omwene wa Mulluku yooyo annaamwaramwasa athu mu omwene wa Mulluku.

Deuteronomo 33:9

Alliwa yaanuuroromellani nyuwaano okhwaranya makhollwiiwa, abaliiwa apaalle aniiwa. Alliwa yahiiwellella malamulwaanyu nave yaaroromella echipanganwaanyu.

Yoswa 5:13

Nllapo nimodda Yoswa ari vakhuviru ni muzinda wa Yeriko, moorurumusa aamoona muthu iimenlle muhoollo mwaye, nsupada noohullullahullulla niri m'mattani mwaye. Vano Yoswa aaya vaari muthumvo amukoha wi, “Ethiyo weyaano tti mmodda a akhotwaahu apaalle ori mudanaahu?”