Eksodo 32:20 - Mawu a Mulluku

²⁰ Vano aamukusa musaanaang'ombe yamoopilliiwoolle, aamweeka, aamusilla wonanko othu nave aahella m'maaddini nave vatulli viwa ahaawiryiha Aisraele maaddaalle.

Eksodo 32:20 Iomraidhean Croise

1 Mamwene 15:13

Mwene Asa ahaavenyiha omwene amunne, Maaka, ekaamba yawi yaapanga nifano na Asherimu. Olliye aanoononga nifanonno anipwesa, anoosa o ntapo na Kidroni.

2 Mamwene 23:15

Yosiya aakumullattho nikuwa na o Betele nno Yerobowamu mwaana a Nebati, amakilleeye va nipuro noollapellamo mafano. Yerobowamooyo ahaachimwiha Aisraele ni nikuwa nenno. Yosiya aanikumulla apwesattho mallukwiiwa ni waasilla ophiyera ahaatthattusa nthupi nave ahoosattho mafano a Asherimu.

2 Mamwene 23:6

Aavenyiha nifano na Asherimu mu enyumba ya Apwiya, ayaana otte wa Yerusalemu o muhinje wa Kidroni. Aanoosella wenko, anisillasilla ni otathilla ntuura niwa va mahame a athu shisha.

2 Epilli 34:4

Sika yaakumulla makuwa a Abaala olliye oonaka, yaakumullattho makuwa awoosellavo lubani* ayo yaari vaddullu viwa. Yaapwesa mafano a Asherimu ni amikoko nave yahaasilla ni waatthattusa nthupi nave yaahella nthupinno va mahame a athu yavelleella mikutho wa mafano.

Eksodo 32:21

Nave Mose aamukoha Aroni wi, “Ethiyo athwaalla yaweerille ddawiidde ophiyera weyaano wi waachimwihe mwawi ddiidda?”

Miyambo 1:31

Muneerocha ezipaso dda mitteko ddanyu nave muneerovona ddoonanara nnddo mwapaalleenyu oweerella amodda.

Miyambo 14:14

Muthu oonanara aneerovona ezipaso dda ettillaaye koma aphaama aneerovona ezipaso dda mitteko ddaye.

Deuteronomo 7:25

Mwaashellellihe mafanwiiwa mattheene nave muhimusilile siliva apaalle golide oyo yamupangenlliiwa mafanwaayo. Muhiwe muddikusa ddenndda wi muhiphariwe m'musamphani vawi ddinnaananara Apwiya Mullukwaanyu.

Deuteronomo 7:5

Koma munipuroni mwene mwakumulle makuwiiwa, moononge mallukwiiwa oopatuleya, mwapwaramwase mafanwiiwa a Asherimu nave mwawoose mafanwiiwa oosema.

Deuteronomo 9:21

Ello yoonanara mwayoopilleenyu, musaanaang'ombe, kaayivokhella vamunlloni. Nave kaayinyenyanyenya ni oyisillasilla nave kitathillella ntuura nene m'muhinjeni woovenyera m'mwaangonimmo.